|
هل غضبي من زوجي في مكانه
بسم الله الرحمن الرحيم
اكاد انفجر من الغضب ففكرت ان اكتب هنا مما اشتكي منه اقرأو قصتي واحكمو هل انا على صح ام غلط ؟ انا متزوجه وعندي طفل ولله الحمد حياتي مستقره وكانت في البدايه احلى من العسل ولكن مع الوقت بدت تظهر بعض المشاكل وكنت اعدي ونحل بعضها انا زوجي ... لكن هناك مشكله مستمره ويمكن كثير من المتزوجات يعانين منها ومع الوقت بدت تسبب لي التأثير السلبي مع ناحية تصرفاتي مع زوجي ... وهي عدم جلووووسه معي راح اوصف لكم نظامنا ... طبعا انا ساكنه مع اهل زوجي ... ومعاملتي لهم جداااا طيبه اصحي من النوم اهتم بتنظيف شقتي وبعدها بطفلي ومن ثم انزل لا اهل زوجي .... طبعا زوجي يأتي من الدوام الظهر وينام ع طووول العصر يصحي ينزل لا اهله نتغدى او نأكل وجبة مابعد العصر مع اهله طبعا انا مسؤلة دائما عن عشائهم ... اقوم مع المغرب بتحضير العشاء ... ومن ثم اذهب لشقتي واهتم بأموري الخاصه من جلوس او مكالمه او نت ... واجهز بعض الخفائف حتى ان حضر زوجي يجد كل شي جاهز بعد صلاة العشاء انزل لهم واجلس معهم بعد ذلك العشاء ومن ثم الذهاب لشقتي .... زوجي في هذه الفتره اما مع اهله او بالخارج ولا اشوفه الا 11ونصف مسااء وع طووول يبدل ملابسه ويذهب للفراش تكلمت معه في هذا الموضوع عشرات المرات يقول ابشري وان شاء الله بس مايطبق ولاااا شي:29: لدرجة اني أهيئ له الاجواء المناسبه وانتظره ومع ذلك مايجي واذا كلمته يقول اذا عندك شي دقي علي وانا اطلع لك وتكلمي بموضوعك ..!! طيب انا مو معناته اني ابيه يجلس معي عشان اتكلم معاه بموضوع معين ..القصد هو حتى تزيد الالفه بيننا ونعرف اخبار بعض من سوالف وضحك واللي اكثر من كذا يطلع ويروح هو واهله ولا يروح لمحلات مايكلف نفسه يعطيني خبر انه طالع ... والله اني مليت لا وازيدكم كمان انا بعيده عن اهلي وهو اهله عنده ومستحيل يوم الخميس والجمعه نطلع انا واياه مع بعض مع انهم اجازته والسبب اخوانه يتجمعون الخميس والجمعه جمعتهم عند عمهم يعني مافيه امل نفسيتي زي الزفت واحس مالي نفس حتى اطالع في وجهه لدرجة اني قبل شوي طلعت من عندهم وانا كارهتهم كلهم والسبب هو ملاحظه ( زوجي عاقل يصلي مايدخن ولا عنده اي من الاعراض الغريبه ) |
احاسيس المحبة
انا بقول وجة نظري بس ماعندي حل زوجك سبب عدم جلوسه هو وجوده مع اهله بمعنى انهم مشاركين في وقته معك ( وقت لامه وقت لابوه وقت لاخوه وقت لاخته ) قيبقى وقتك جدددددا قليل مومثل البعيد عن اهله يزورهم مره بالاسبوع واتوقع انه صعب عليه يطنش اهله وهو ساكن معهم عشان يجلس معك اتمنى من الاعضاء ان يشورا عليكي بنصيحة حكيمة |
أختي أحاسيس المحبة :
لا ألومك وأقدر مشاعرك وحزنك .. ومن طيبتك تسألين ( هل غضبي من زوجي في مكانه ؟؟؟ !!! ) !!! وأتوقع طيبتك لها تأثير في عدم استجابة زوجك لطلبك >>>> ولا أقصد هنا ( أشيشك عليه ) لكن الشد بعض الأحيان والقوة المغلفة بعدم الخطأ على الطرف الآخر والذكاء بتوصلين لحقك بإذن الله .. اقتباس:
بنبهك : ** كثرة الكلام والترديد عن مشكلة في زوجك يؤخر حلها ! ** ( عشرات المرات ) ربما استخدمتي فيها كلها نفس الطريقة !! >> غيري الإسلوب .. الله يسخره لك ويحفظكم .. |
اختي الكريمه
اغلب الرجال هذا هو طبعهم وحياتهم ولكنك محظوظه ان علاقتك مع اهله طيبه هذا اولا وثانيا ان عندك ناس تجلسي معهم اذا كان خارج البيت غيرك ماعندها غير الجدران الحل انك تقولي حدد لنا يومين في الاسبوع نتمشى فيه ونجلس مع بعض ويومين مع اهلك وثلاثه ايام لك وحاولي لين يرضى والله يعينك الحقيقه انا ماطلع من البيت ولااخرج الا لامر ضروري وكل الناس يلوموني وناس اعرفهم مايجلسوا فالبيت والناس تلومهم عجونا نرضي الخلق ههههههههه بس الاهم ان زوجك يخاف الله وعاقل واكيد راح يتفهمك والله يسعدكم |
احس ان زوجج يبيله طعم حتى تصطادينه
وهذا الطعم هو وضحه لج وهو انج تناقشينه بموضوع ما في الوقت اللي تبينه عندك يعني قوليله انا ابي أناقشك بموضوع واتفقوا على وقت وبجذي أكيد راح يجلس معاج اعتقد هو عنده ان الجلسة بدون سبب مالها داعي موفقة |
زوجك تعود على أسلوب حياته هذا ومرتاح فيه لانه مو ناقصه شي .... ليه يغير نظامه بإرادته وهو مرتاح فيه ؟؟؟
ممكن يتغير بأنك تغيري فيه بشوي شوي بدون ما يحس ...بدون ما تكمليه ولا تقولي له خلي لأهله يوم ولكي يوم من أجل الانصاف وحتى لا تقطعيه من رحمه .. بيومك اتصلي عليه واطلبي منه يطلع عندك لانه عندك موضوع واخترعي أي موضوع .. مدرسة الولد بالمستقبل ( حتى لو كان عمره سنة ) خطة لسفرة لكم بالصيف .. حابة تغيري بستايل الصالة ... أي شي بس طُعم على رأي أختنا موهبة :) لكن حاولي يكون الطعم له معنى ومنطقي على قدر ما تقدري خاصة بالبداية .. وخلي الجلسة تكون حلوة وفيها الشي اللي يحبه .. افتحي على برنامج يحبه أو العبوا لعبة يحبها .. أو خلي ولدكم معاكم والعبوا مع الولد .... الأشياء العائلية اللي تعطيه طعم العيلة والزوجة وحلاوتهم ... وبعد فترة بيكون هذا هو ستيل حياته الجديد وما تحتاجي لا طعم ولا موضوع .. هو بيطلع عندك لحاله لانه اشتاق للستايل الجديد اللي تعود عليه اذا ودك تطلعي معاه يوم الخميس أو الجمعة مع الأولاد أطلبيها منه بشكل صريح .. نبي نطلع الجمعة هذي معاك ... واتفقوا على المكان << هذا موضوع يحتاج انه يطلع عندك حتى تكلميه فيه ومافي مانع تطلعوا كلكم جميع بين فترة وفترة .. انت وأهله معاه . |
صراحة ..
زوجك محظوظ جدا الكثير يتمنون ما هو فيه .. عموما بارك الله لكما في حياتكما .. طبعا زوجك مخطيء و عليكي ان تجعلي اهلك يحدثونه في الامر بجديه .. |
بسم الله مشاءالله بارك الله ...
الله يحفظكم لبعض ... اقتباس:
^ أنا مع هذا الرأي بالاضافة الى أن كثرة طرح المشكلة كلامياً يجعل سماعاها أمر معتاد عند الطرف الاخر .. أقترح عليك مثلاً : تعزميه بطريقتك على طلعة أو وجبة عشاء خاصة بكما وتخرجون طبعاً الأفكار من عندك المكان والكيفية والمدة وتوقيت العزيمة ويومها .... بعد فترة اطلبي منه يرد لك العزيمة وهكذا ... اعزميه بالبيت على سهرة خاصة واطلبي منه يعمل حسابه بأن يفرغ نفسه للسهرة .. والباقي عليك .. ومن هالافكار ... إضافة الى ذلك أدّي حقوقه كاملة وتجاهلي بعض تقصيره لأن ( التجاهل ) حل دائم ومطلوب مادام حافظكم وحافظ نفسه وأهله ... وبالتوفيييييييييييق .... |
حمدي ربك يااختي وترا ماااعندك مشكله في حيااتك
اما تقولين انك كرهتهم كلهم ترا هذ1 خطا لان زوجك مايجلس معك احمدي ربك ترا حياااتك حلووه ومافيه اي مشاااكل وترا الزووج ماخلق يكون تحت المرااه اربع وعشرين ساااعه الرجل بار باهله وبار فيك وبار في اصحابه يعني ماعطي كل ذي حقن حقه ولا تحنين كثير ترا الرجل يطفس من كثر الحنه تحياتي واشواقي لك |
الله يعينك والله مو عيشه ذي
بس غريب ليش اكلكم مع بعض انتي واهله لابد انكم تنفردون ةتتقربون من بعض حاولي كلميه تعالي عنده بأسلوب حلو واقنعيه قولي انا ابغاك تجلس معاي ع الاقل وجبة الغدا في بيتكم وبعد الغدا قيلوله وفي المغرب تروحون لاهله..وحبه حبه تروحون لهم كل يومين ماعليه هو ينزل يشيك عليهم كل شوي بس يخليلك وقت وهذا حق من حقوقك واذ مانفع معاه اقسي عليه وشدي وازعلي منه حتى يراجع نفسه وصدقيني بيحس فيك بس هو شايف انك تزعلين شوي وترضين . |
| الساعة الآن 07:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©