|
امي تدعي علي بلموت
السلام عليكم كيف الحال اتمني اكون عضور خفيف عليكم شفت المنتدي قلت لازم اسجل فيه
واعرض مشكلتي الي اسئل الله انها تنحل في القريب العاجل انا من النوع الكتوم جدا جدا ما احب افضفض او اشكي لحد واكتم الحزن بصدري حتي البكي ما ابكي ودي ابكي عشان ارتاح بس ما اقدر بس مدري وش الي خلاني اسجل بلمنتدي واعرض عليكم مشكلتي الى اتمني من الله ثم منكم الدعاء لي بلفرج (((( مشكلتي هي الوالد الله يطول بعمرها يوم طيبه وحنونه وعشر ايام ما تنطاق تدعي علي وتلعني وتسبني وتشتمني وتقول اني راح اعنس وما راح اتزوج واني غير بنات الناس وووالخ وصلت فيها انها تدعي على بلموت والسرطان ما ادري شلون ارضيها وكيف اسوي معها وكيف احنن قلبها علي حاولت وحاولت بس مافي فايده قبل يومين رحت بوضي واصلي العصر وانا بصلاه نزف خشمي وحسيت بدوخه وعلى طول خطر في بالي امي ودعاويها الشينه علي وخفت خلصت صلاتي وجلست ساعه افكر في حالى الي مدري شلون بينحل لا زواج والا وضيفه ولا ام ترحم |
ليش هالنظره التشاؤميه .. لا وظيفه ولا زواج ولا ام ترحم .... الوظيفه والزواج قسمه ونصيب ..
وثقتي تماما مافي ام تكره بنتها .. يمكن صح توصل حبها بطريقه ماتعجبنا.. صح فيه امهات يكثرون من السب واللعن مااقولك هم صح .. لكن اكيد مايكرهون عيالهم .. حاولي تتقربين لها بالهدايا بالحوار اجلسي معاها سولفي وياها .. ادعي ربك .. |
عزيزتي الانسان بطبعه مايحس بقيمة اشي الا لما يفقده الله يطول عمر امك
صدقيني اتمني لو امي عايشه وابرها واعيش تحت ارجلها ,انا معك يمكن امك اتعصب عليك واتسبك بس اكيد تبي مصلحتك اختي راضيها وحبي ايديها وخليها تدعيلك بدل ما تدعي عليكي |
وعليكم السلام ورحمة الله وبركاته
طيب يا بنتي أنتي ما فكرت بينك وبين نفسك الوالدة ليش تدعي عليك ؟ لازم فيه سبب يخليها تنسى نفسها وتدعي عليك .. أنا ما أقول لك تصرفها هذا صح .. بالعكس خطأ وخطأ فادح جدا وخطير فربما وافق ساعة استجابة .. لكن قصدي انك تعذرين الوالدة يمكن هي تشوف منك أشياء تضايقها .. مثلا هل تساعدينها في شغل البيت ؟ هل تهتمين بغرفتك ؟ هل ترتبين أغراضك ؟ هل تساعدينها في الإهتمام بالصغار ؟ هل تساعدينها إذا جاها ضيوف ؟ هل تلبين نداءها إذا نادت عليك ؟ أو : هل أنتي تسوين أشياء هي ما ترضى عنها ؟ ..... الخ .. حبيبتي راجعي نفسك بصراحة وشوفي ايش اللي تبغاه الوالده وسويه ، واللي ما تبغاه أتركيه .. يمكن أنتي ما تحسين أنها أشياء مهمة بالنسبة لك لكن بالنسبة لها مهمة جدا وراح تفهمي هذا الشيء بكرة اذا صرتي أم ان شاء الله .. وفيه شيء ثاني لازم تعذري الوالدة يمكنها تعاني من مشاكل أو ضغوط نفسية مع الوالد مثلا أو أخوانك أو أهلها أو أنها تعاني من مرض ما لا قدر الله !... ففي كل الأحوال انتي لازم تحسني معالمتها لأن الله تعالى وصانا بالإحسان للوالدين حتى لو كانوا كفار ، قال تعالى : " وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا " وطاعتها واجبة في كل شيء الا في معصية الله .. ونصيحة إذا شفتيها غاضبة على طول على طول بلا تردد اعتذري منها وقبلي راسها ويدها وقولي يمه سامحيني ما كنت أقصد ورضاك عندي أهم شيء ( أنا إذا عيالي سووا هذي الحركة خلاص أنسى لو أكبر غلط مسوينه ) .. وتذكري أن الله تعالى أمرنا بالذل لوالدينا ، قال تعالى : " واخفض لهما جناح الذل من الرحمة " وأكثري الدعاء لها وقولي : اللهم اهدها لأحسن الأخلاق فإنه لا يهدي لأحسنها إلا أنت ، واصرف عنها سيء الأخلاق فإنه لا يصرف سيئها إلا أنت .. وادعي لنفسك بالهداية ايضا وأن يعينك الله على برها فربما هو ابتلاء لك من الله حتى يرى مقدار برك وتحملك ويكون لك فيه الأجر العظيم ورفعة الدرجات يوم القيامة .. وتذكرت حاجة مهمة أيضا وهي : الذنوب . حبيبتي الذنوب لها دور عظيم في تسلط الناس على بعضها .. فراجعي نفسك وشوفي ايش الأخطاء اللي بينك وبين ربك ( وكلنا نخطئ ) واتركي اي ذنب وأكثري الإستغفار .. وإذا سويتي هذي الأشياء اللي قلت لك عليها أبشري بالخير من الله باذنه تعالى وراح تشوفين اللي يسرك .. اسأل الله لك التوفيق والسعادة .. |
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©