زميلة زوجي بالعمل >>خطر
 

السلام عليكم ورحمة الله وبركاته
اني عضوة جديدة في هذا المنتدى
حبيت اعرض عليكم مشكلتي عشان تقولون لي شلون اتصرف
زوجي يشتغل في سوبر ماركت وعمره ماكلم بنات بس صار له اسبوع بس البنات عيونهم على طول عليه وهو مايعطيهم وجه لان مودينه مكان جديد
مرة من المرات راحت له بنت تكلمه وطبعا هالبنت منفصلة هو يكلمها على قد السؤال ولا يمزح او يضحك معاها لكن كل هذا ماجاب نتيجة انها تتركه ولا تكلمه
في يوم زوجي تغيب عن العمل عشان عنده دورة في المعهد تبع الشغل فهالبنت راحت للهندي اللي يكون مع زوجي في الدوام واخذت الرقم منه بالغصب قالت انه تبغي زوجي في موضوع ضروري عشان بس يعطيها الرقم
واتصلت في زوجي ماعرفها اول شي عقب عرفته على نفسها وكأنها تقول هويتها كلها قال لها من وين لش رقمي قالت من الهندي وقال لها الحين آمري شنو تبغين قالت لا بس بغيت اتطمن اليوم ماشفناك دوامت وسألته اذا يصير اتصل فيك مرة ثانية لولا طبعا زوجي رفض وكل مايبغي يقطع الاتصال تحاول تفتح سالفة جديدة فيوم ثاني زوجي راح للهندي وزفاه زف على انه عطاها الرقم:(
ويوم ثاني قالت له في الدوام تصدق يوم الجمعه ذكرتك مرة وحده جيت على بالي وهو للحين مستنكر ومستغرب من تصرفاتها وفي نفس اليوم ترسل له مسج تقول له هلا جيت على بالي فحبيت اسلم عليك ومسج ثاني انت اول شخص شفته مؤدب من اشتغلت للحين:16:
طبعا زوجي مايخبي عني شي والحمدلله متفاهمين في كل شي ونحب بعض واخبرني بالقصة من البداية وقال لي انا اقدر اوقفها عند حدها بس ابغيش انتي تتفاهمين وياها لاني ماابغي احتك ابها اساسا وزوجي مضايق من هالموضوع واني ميتة قهر لانها تلصلق فيه:19:
يقول لي ماعليش منها ماتسوه ظفرش:11:
للعلم ان مكان شغلها ابعد بشوي من مكان شغله بس طول الوقت ماتشيل عيونها منه وتروح له:(

انتظر ردودكم

شوروا علي شسوي شكلها ناوية على نية تبغي تخرب بيتي افكر اني اتصل ليها ازفها لازم اوقفها عند حدها

راي اختي يتصل زوجك بها ويقول لهاا زوجتي تبغي تسلم عليك وانا اخبرتها عن اهتمامك بي وتتكلمين معها وتسألينها مادا تريد من زوجك واظنها سوف تيأس من الزوج ومع ذلك لازم يغير رقمه والله المستعان

مشكورين اخواتي على النصائح ماقصرتوا
وان شاء الله احل المشكله بأسرع وقت
وفقكم المولى

الله يثبت زوجك على قوة دينه . وأنتي لا بد أن تهدديها برفع قضية عليها في النيابة بسبب تحرشها بزوجك

أهدي نسخة من هذه القصة لمعالي وزير العمل السعودي اللي يريد أن يشغل بنات السعودية كاشيرات !!

عبرة له ولإمثاله

أختي الفاضله
يبدو أن زوجك قليل الحيلة تجاه كيد النساء وإغوائهن
على زوجك أن ينبهها ويحذرها أنه لن يسكت تجاه معاكستها له
وبنفس الوقت يصدها تماماً ولا يتجاوب معها حتى لو قالت له سأموت من دونك
ثم يحتفظ بكل رسائلها التي ترسلها له , وإذا لم تقف عند حدودها وتكف شرها
يشتكي عليها بالعمل ويقدم لهم الأدله التي تدينها .