اللهم اغنني بحلالك عن حرآمك ..
 

السلام عليكم ورحمة الله ..

انا تركي الزهراني وعمري 21 سنه ومتدرب في معهد خاص مدعووم من قبل المؤسسه العامه للثروه المعدنيه وسابك والوظيفه قريب بمشيئة الله..

التمست في منتداكم الشفافيه والصدق وهذا املي فيكم ولهذا اخترتكم عن سواكم ..

تركي عاش حياته بمنطقه نائيه "الباحه" وتربى بين ايادي والديني..

هواياتي ايام الطفوله كانت سطحيه جدا وبدائيه زيي زي اي صغير يحب يلعب وكل همه وناسته..

انتقلت للرياض من قبل سنه وادرس فيها وستقبلي ومعيشتي فيها ان شاء الله..

ومن هنا بابدا قصتي معاكم ..

محور حديثي ومعاناتي وحلمي هو "الزواج"

كثير ما اسمع ان الزواج قطع ارزاق وقلق وربطه وصرفيه ع الفاضي ولا اخفيكم هالشي ..

وكلما سمعت هالشي شفاتي تضحك بس قلبي يبكي وكسير..

لان حلمي كل الناس تحطمه وكل الناس سلبية الفكر عن هالموضوع نص ديننا صار منبوذ بمجتمعنا وصار هاجس وماحد يقدره بين الناس ..

حتى من الاقربين تحطمت ولازلت مقفي ظهري واتجاهل الكلام..

الوالده الله يحفضها كلمتها مرار وتكرار على الزواج وكل اجوبتها تقول لاصار جيبك مليان نتفاهم ..

صار الهم الاكبر بالزواج وللاسف الماديات والمظاهر ..

وناسين ان ابواب الرزق معلقه بالزواج والعلاقه بينها طرديه..

قسم بالله يا عالم اكلمكم وانا مكسور من داخلي وعجزان ..

اما يقولون عمرك صغير وما تصلح واما يقولون جهز قروشك ..!!

ياناس الرسول يقول امهروا ولو بخاتم فيما معنى حديثه ..

ليه هالتعقيد وليه الاجحاف بهالموضوع ..

نسب الطلاق والعنوسه تعدت المعقول وهذا شي يخوف ..

والشباب صار تفكيرهم منحرف عن الدين لان مالقيو ما يريحهم ويلبي مطالبهم بابسط احتياجاتهم..

90 بالميه من الشباب ان ما كانو اكثر ظالين والسبب الزواج معقد عندنا ..

خافو الله بعيالكم يامسلمين وييسرو عليهم ..

المهور غاليه ولاحد بيتحملها وان احد قدر يتحمل المهر ما بيتحمل قهر هالمهر اللي يقص الظهر وتصير هالزوجه المسكينه هي الضحيه ..

والله يامسلمين اني عايش متاهه لايعلمها الا ربكم بهالموضوع ..

تخيلو دلوني ناس على دكتور في جامعة الامام وقالو ان شاء الله بينفعك بعد جهد جهيد من السؤال والسؤال..

واطلع له من دوامي واروح له واكلمه وانا كلي امل ان الله بيسرها على يده ..

صدمني يوم قال " رح والله ييسرها لك نصيبك بتاخذه "

حتى حل ياناس ما اعطاني كل اللي قاله مكرر باستثناء المسيار او المعسار بما اسميه انا..

المسيار وما ادراكم ما المسيار ..

المسيار مبني على كلمه واحده "اهانه"..

كذا اوصف حل "الدكتور المامول منه الخير" باختصار شديد لكم ..

وانا اعتذر منكم اطلت الحديث ..

ان كان فيه انسانه صادقه وتخاف الله فيني ومتدينه حتى ولو كانت منفصله او ماجاها نصيب وكبيره بسنها بشرح لها كل شي بالتفصيل ..

وانتظر حواركم وحلولكم لي يا اخوتي واحواتي..

وفي الختام ما اقول الا الله ييسرها علينا وعليكم وعلى المسلمين اجمعين ويصلح شبابنا وبناتنا انه على كل شي قدير ..

خالص ودي ..

::

شكرآ لك اخي رجل ..

الصوره بصرآحه جدا جميله بس الوانها جدا مكلفه في مجتمعنا ..

خصوصا اني ما املك الصبر لحين ينزل اول راتب مثل ما تكرمت سلفا ..

وبالنسبه للدوام الجزئي دوامت فتره وانقطعت والسبب يعود لقلة وقت الراحه ..

كنت اداوم من 6 صباحا الى 5 عصرا في المعهد ومن ثم على الدوام الليلي والى 12 منتصف الليل ..

ولا اجد الراحه سوى في الـ 6 ساعات المتبيقيه من يومي ..

وحاليا ما اشوف مانع اني اتزوج وامهد مستقبلي من هالوقت بالعكس من ابواب فتح الرزق الزواج ..

وشكرا لك لانك بينت لي كم من المعاملات والقروض والسلفيات اللي يبيلي انجرزها للبدء بـ"مشروووووووع" الزواج ..

اهني نفسي ع هالزواج..

جل التقدير ..

::

الله يوفقك ويسر أمرك
نصيحتي لك إلجأ للأستغفار بإستمرااااااااااار

صدقني بيفتحها الله بوجهك لأنه سبحانه وعد بهالشي

اتزوج والرزق على الله ..

الله يوفقك ويرزقك بي بنت الحلال الا تخاف الله فيك

المشكلة كتير من القبايل اهم شي عندهم المفلوس والذهب وبس ويجلس الشاب طول عمروا يدفع فلووس وفي الاخر يمكن يعيش مع واحده مافي بينهم اي تفاهم ولا شي


اذا مشكلتك على الفلوس بس الان نظام كل الشباب القروض او شوف بنت ناس اهلها مايبوا الا الستر لبنتهم وربي يوفقك وبعدين انتظر الوظيفه اول ماحد يزوجك وان لسه متدرب الا نادراااا

كذلك احنه بالعراق عدنه المهور غالية جدا جدا جدا لا تناسب الوضع المعاشي للفرد العراقي الذي يتوسط دخله الشهري 200 الف دينار ( 120$) شهريا فمن اين يا ترى

احسن شي الواحد يبقة اعزب ما يتزوج

تزوج موظفه ياكثرهم اشترلك تاكسي واشتغل عليه وادعي الله اللهم اغنني بحلالك عن حرامك وانشالله ربي يوفقك