|
سيتقدم لي خاطب عن طريق خطابه لكن محتاره ماذا اقول لأهلي؟
السلام عليكم ورحمه الله وبركآتة
ابي استشيركم اخواني وأخوااتي ,, انا عمري 26سنه وكلمتني خطآبة عن شآب عمره 36 سنه .. وعندي عده مشاكل ابي تساعدوني فيها.. اولآ :هل تحسون ان فرق 10 سنوات ممكن يكون سلبي علي؟؟>>علمآ ان اتمنى اخذ شخص اكبر مني بـ10 سنوات والشي الثاني اهلي مايدرون ومستحييييل اخبرهم انه عن طريق خطابة,تعرفو وجهه نظر الاهل من ذا النآحيه.. الي ابيكم تساعدوني فيه لما الخآطب يكلم اخوي ايش يقول له ؟؟ يعني لو سئله اخوي من وين عرفتنا ايش يرد؟؟ يقول ناس دلونا عليكم>>قديييمه ولا عاد تمشي وبيسئل اخوي من ذا الناس.. ابي حل يكون سهههههههههل الله ييسر ويسهل عليكم امووركم.. ــــــــــــــــــــــــ |
لم تخبرينا عن " دينه , اخلاقه " ! مطلق ؟ شاب ؟ ..
العمر عادي نوعاً ما , ولكن احرصي على ان يكون رجل صاحب دين وخلق .. اسأل ان يرزق الزوج الاصلح .. |
ماتزوج و كآن خاطب لكن بعد وفاه والديه ترك>>على كلام الخطابة
وطبعآ اهلي راح يسئلون عنه ..لكن الخطابة قالت ايش يقول الخاطب لأخوك لو كلمه؟؟يعني ابي طريقة ما يبين انه عن طريق خطابة |
اقتباس:
ثانيا : موضوع الخاطبة ..لاتصعبيها كثيرا على نفسك... أوليس الخاطبة شخص دلته عليك؟؟ ...إذا يقول له أن إحدى قريباته قد دلته عليك... وأنت هنا لاتكذبى وتقولين الصدق.. المهم المهم أن تتأكدى من السؤال عنه وأخلاقه وظروفه إلخ فهذا هو الأهم...ثم تستخيرى .. وفقك الله,, أخوكمm.s |
هاي
اول شي انتي تقولين انا محتاره بعمره وبعده تقولين ان فرق العمر هذا اللي اتمناه يعني فرق العمر عشر سنوات ، الله ييكتب لك اللي فيه الخير ولا كن لاتنسين تصلين استخاره . ثانياً الرجاء منك انا بسألك اسئله اتمنى انك تجاوبين بصدق عشان اتوصل وياك لحل انتي تدرسين ولا بالبيت ؟ هل لديك صديقات ايام الدراسه وهل تثقين فيهم ؟ هل لديك صديقه مقربه منك ؟ هل لديك خاله او عمه او اخت متزوجه قريبه منك ؟ منذ متى والخطابه قالتلك موجود الخطيب ؟ هلل تعرفي الخطيب ، وهل تعرفي اهله ، وهل هو من االمدينه اللتي انتي ساكنه فيها ؟ ببأنتظار ردك لكي نكمل حلولنا .... بالتوفيق |
انتي تدرسين ولا بالبيت ؟
انا بالبيت من 7 سنوات وكنت موظفة لمده سنتين بمعهد هل لديك صديقات ايام الدراسه وهل تثقين فيهم ؟ نعم يوجد هل لديك صديقه مقربه منك ؟ نعم هل لديك خاله او عمه او اخت متزوجه قريبه منك ؟ لآ منذ متى والخطابه قالتلك موجود الخطيب ؟ قبل يومين هلل تعرفي الخطيب ، وهل تعرفي اهله ، وهل هو من االمدينه اللتي انتي ساكنه فيها ؟ لآ الخطيب من الرياض وانا من من الدمام ولآ اعرف عنه اي شي >>للعلم لآ يووجد اي علآقات اجتمااعيه ..علاقاتي محدوده جدا جدا ,ولا يوجد امل في الارتباط الا عن طريق الخطابة لندرة معارفنا |
اقتباس:
ممكن انك انتي وصديقتك تتفقين تخلين صديقتك تتصل على امك وتقول لها يا خاله فيه اخو زميلتي بدور له على بنت الحلال ايش رأيك اخليه يمر عليكم او اعطيه رقم واحد من اولادك , ,, بس لا زم انك تخبرين الخطابه انك متفقه مع صديقتك وتوضحين لها مشكلتك مع اهلك عشان ربي يرزقك , والخطابه لازم تقول للخطيب الوظع كامل عشان ما يخرب اي شي ... انه انت يا الخطاب اختك تعرفها وحده من البنات وانك اختك دورتلك على وحده .. الشي الثاني قبل وا تسوي اي شي لازم انك تتأكدي من الخطابه كل شي عن الخطيب .. انتظر ردك واذا فيه شي صعبان عليك بأذن الله راح نحله دعواتك |
بالنسبة اختي لموضوع السن ..
كلما كان فرق السن كبيرا كلما كان ذلك في مصلحة الفتاة ، خصوصا لو كان العريس وسيم و رياضي و يحافظ علي صحته ، لان النساء يكبرن و يظهر عليهن علامات السن قبل الرجل بعشر سنوات ، اما لو كان الخاطب غير وسيم و غير رياضي ، فالافضل ان يكون فرق السن اقل من عشر سنوات .. |
مرحبا اختي
انا اشوف العمر ممتاز كذا يدلعك اكثر وبتبقي بعينه صغيره دائما اما بالنسبه كيف اتقولي لاهلك عن طريق صديقاتك لانها الطريقه الوحيده لانك اتقولين انك ماتطلعين ولا تنزلين الله يوفقك ياااااارب ويتمملك بخير:14: |
هل سبق وذهبتي لحفل زواج لاحدى صديقات او غير صديقاتك..ممكن صديقتك تقول لامك ياخاله فيه ناس شافوا بنتك في فرح ويبون يخطبونها..
او الخاطب يقول لابوك..دلوناعليكم اهل الخير..صدقيني بتمشي وماهي قديمه...لانه فعلا فيه كثير ناس بيدلوا ناس على بيوت يخطبوا منها... او اذا عنده اخوات او عمات ليش مايخلي وحده من اخواته تتصل فيكم ويقلها صديقي دلني عليهم..وتخطبك من امك وتقول دلونا عليكم اهل الخير.. وانا شايفه الاخيره افضل شي... |
| الساعة الآن 08:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©