|
موضوع لصديق لي محتار في أمره .. ياليت تشورن عليه
السلام عليكم ورحمة الله وبركاته اسعد الله اوقاتكم بالخير والمسرات وانعم عليكم بالصحة والعافيه هذا الموضوع لشخص عزيز على قلبي شاورني وقلت له انا ابعرض قصتك بالمنتدى وأن شاء الله الأخوان والاخوات مايقصرون معك لي صديق مطلق زوجته من سنه تقريباً بسبب كثرة المشاكل وتدخلات الأهل التي لاتنتهي ولأتفه مشكله يقولون له طلق بنتا . طلق طلق طلق فطلقها مجبوراً ليشتري رآحته وله منها طفل عمره 6 سنوات وصديقي يذهب كل ماسنحت له الضروف لولده ويأخذه ويشتري له ويعطيه مصروف و و و و .. الخ والطفل كل ما اخذه ابوه يقول له ليش ماترجع لماما ودائما طفله يلح عليه ارجع لماما , ارجع لماما وعندما ذهب صديقي لآخذ طفله آخر مره استقبله جد ولده وقال له اذا تريد ان ترجع زوجتك فأنت مطالب بمبلغ كذا وكذا في شهر كذا اخذنا لولدك كذا وكذا وفي شهر 4 ابنك تعب وراح المستشفى وصرفنا عليه كذا وكذا وفي شهر 9 اشترينا له ملابس للعيد ادفع هذي المستحقات وسنعيدها لك قال له خيراً ان شاء الله واستئذنه وتوكل على الله هذا كلام صاحبي عندما شارني قلت له الخير وأهله اذا تبي ترجع ام ولدك هذا شي طيب خاصه للولد خليه ينبسط ويلتم الشمل وقلت اشاور أخواني واخواتي الاعضاء وان شاء يفيدونك بالرأي السديد ملاحظة : المبلغ المطلوب مبالغ فيه ونزولاً عند رغبة صديقي عدم الافصاح عنه شوركم بارك الله فيكم وصديقي يقرى ردودكم في أمان المولى |
هلا أبو جوري
كيفك أخوي ايش أخبارك في رأيي لا يرجعها إلا بشرط رئيسي وهو عدم تدخل والدها أو أهلها عموما في أي مشكلة بينهما وعليه أيضا أن يتفق مع زوجته على حفظ الأسرار وعدم تسريب المشاكل للأهل وينبغي أن يشدد على هذه النقاط وأن يكون حازما فيها وأشير على صديقك بأن يعود لزوجته حتى يستقر الابن حتى لو كلفه ذلك ماديا فراحة الأبناء لا تقدر بثمن |
اقتباس:
حيا الله ابو عصام , شخباره عصوم ان شاء الله طيب واخبار والدته ان شاء الله كلكم طيبين يارب صديقي يتابع الموضوع وان في ردود انا ارد عليكم جزاك الله خير ياشاطئ المحبه |
عودا حميدا اخي الفاضل ابوجوري 00 فقدنا مشاركاتك المتميزه 00
لكن لدي تساؤل 00 __ هل كان يعطي نفقه لمطلقته وولده ؟ وما المقصود بالمصروف المعطى للطفل ؟ __ ما طبيعة المشاكل مع زوجته ؟ وهل هي كانت راضيه بتدخلات اهلها ؟ الله يكتب له مافيه الصالح المبارك |
يشترط قبل رجوعها
عدم تدخل اي احد بمشاكلنا . حفظ اسرار البيت . حل مشاكلنا داخل اطار البيت . تلزم بيتها عند حدوث اي اختلاف بلرئيء بينهم مو اي مشكله جهززت الشنطه وراحت لاهلها ولا تكلم اهلها . |
اقتباس:
|
حيا الله السمي
شوف انا بقولك حاجه وحده وهيا سعادة ولده خليه يشيل من باله اهلها وتدخلاتهم اهم شي ولده وبعدين باين انها تبغى ترجع ولا ليه الولد دايم يزن عليه ومادام انها تبغى ترجع فااكيد انها تعلمت من الدرس وبعدين يقولها كلمه وحده مشاكلنا تبقى داخل البيت ولا راح نمشي فب النفس الطريق السابق وبعدين قولو يطول بالو ويكبر دماغه يعني يكبر الجي ويروق الدي والله لما يكونو عيالكم بينكم بالدنيا ومافيها واذا على الفلوس وانو مبالغ فيها في حريقه اذا قارنها بسعادة ولده والله يسهلو امرو |
يخليهم ينتضرون شوييييييييييي عشااان يتحملووون مره ثااانيه اللي يجيهم بالنسبه يرجع زوجته أو لا هاذا شي مااايعرف حلاوته أو مرارته الا صااحبك ,,,,,,,,الواحد يعيش مره واحده ويحب يكوون في سعااده وهدوء وأكيد مع أطفااله بيكون أسعد لكن بقولك شي صديقتي تطلقت أمهاا وأنا حزينه وهي فرحااااانه وتقول ارتحنااا من المشاكل والصراااخ كل يوم نرجع لصديقك يابوجورري اذا المشااكل قليله أو متبااعده يعني يقدر يتحمل الله يوفقه و اذا رجع زوجته يااليت يخليها تأخذ ماانع للحمل لين يتأكد من مشااكلهم واسرارهم مااتطلع لأحد
|
والله يا ابو جوري الحال من بعضه 00 وتوقيعي يشهد بذلك 00
والامر سهل 00 اجعل المنتدى مثلي تسليه في تسليه 00ولا تحمل منه هما اهم نقطه 00أن مشاركاتك تبتغي منها رضى الله ورسوله 00 والمنتدى بحاجه لك ولإمثالك الخيرين إذ لم يكن يعطي ولده نفقه 00 فأظن جده الولد كان مستاء 00 وحاول ينبهه عن طريق غير مباشر ياليت سأل من قبل شيخ في ذلك وقدر نفقته على ولده او تفاهم معهم في هالموضوع 00 والله إحنا تأخذنا العاطفه من اجل الطفل اصلحه الله ونفع به00 ولكن اهم امر00 أن تكون مطلقته وام ابنه 00 عازمه على تدارك اخطاءها والعمل على الإصلاح 00 وحريصه على الرجوع لزوجها 00 بكل محبه وود وإلا فالامور قد تتكرر00 |
اهلين بالاخ ابو جوري
والله اشتقنا لمواضيعك الطيبة دايما الاطفال هما الضحية بالطلاق ومشكلة تدخل تدخل الاهل هده اكبر مشكلة بس ادا كان ناوي يرجع زوجته لازم يكون اكثر صرامة من الاول يعني ما يسمح لهم بالتدخل اقول اقتراح ليش ما يغير المدينة او اداكان السكن قريب منهم يغيره يبعد عنهم ادا كانت الظروف المالية حق صديقك تسمحله بكدا تمنياتي لك وله بالتوفيق |
| الساعة الآن 03:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©