|
زوجتي طلقتها وتتمنى انها ترجع ؟؟؟؟؟؟؟
بسم الله الرحمن الرحيم أخواني / اخواتي يشهد الله اني احبكم في الله لما تثرون هذا الموقع من استشارات وحبكم للخير باختصار قصتي طويله عريضه ولكن سوف اقتبس نتائجها وسبق ان طرحت قصص حصلت لي هنا في المنتدى عمري 32 سنه تزوجت زوجتي الثانيه وعمرها 26 مطلقه زوجها لم يدم شهر بسبب امور ماليه في المهر فترة زواجنا سنتين طلقتها قبل 3 أشهر من الان مواصفاتي: طيب خلوق اجتماعي كريم وسيم اصلي علاقاتي بعائلتي جيده بالمجتمع جيده احب المزح والمناسبات مواصفاتها: دينه كئيبه غير اجتماعيه علاقتها بعائلتها قويه جدا (اخوانها واخواتها من والدها غير رسميه) متئففه من كل شي قليله الكلام والضحك طباخه جميله تهتم ببيتها وجسمها لها شخصيتان مزدوجه معي بشخصيه ومع اهلا شخصيه اخرى (ليست سيئه للغايه ولكن متوسطه) هذا قبل ان اورد قصتي التي سوف اقولها كانت قبل الطلاق مكابره فيها عزة نفس غريبه والله قاسية في تعاملها مستوى تفكيرها غريب ومستحيل تقنعها او اطلع بنتيجه من مناقشتها صدر منها اشيا كثيره ومنها باختصار (تطنيش مكالماتي لما تكون عند اهلها-عدم الاهتمام بي امام اهلي - معاندتي في اكثر الاشيا اقولها لها=نقل كل كبيره وصغيره تحصل لامها واختها- انطوائيه ولا تحب الناس كثير ولا تحب تحتك باهلي-مهما نزعل مستحيل تعتذر سواء انا الغلطان او هي الغلطانه - احياناً لا توافقني على المعاشرة الزوجيه - تسبني وتدعو علىي بدعاء خبيث وكلام خادش للحياء(دون علمي) - تقف امي واخواتي بكلمات او تلقبهم بكلمات خادشه للذوق العام وللدين والحياء- لا تجاملني امام اهلي وتضع لي اعتبار - اي مناقشه بيني وبينها ونزعل من بعض امام اهلي لا تلقي لي اي اهتمام) كانت هذة الاحداث على امتداد سنه ونصف كلمت امها وحذرتها من النهايه المؤسفه كلمت اختها بصفتها قريبه منها واكبر منها ونصحتها ولم تتجاوب قمت بمناصحه زوجتي ومناقشتها اكثر من (50) مره ولا حياة لمن تنادي عنوانها( انا صح وانت الي خطاء ) مستحيل تعترف انها اخطئت مستحيل. انا استغربت قلت مستحيل الموضوع طبيعي الموضوع فيه شي فيه انسانه (صديقه -ام-اخت) قاعدة تحرضها او تغير افكارها قلت خليني اعالج الموضوع بطريقه سريه قمت بوضع جهاز تسجيل (وهنا عرفت وايقنت لا احد يحرضها وهي تتلفظ على انا زوجها بكلمات والله قمت القذاره والحقاره ودعاء يخوف على انا زوجها وامي واخواتي ووالدي) وقتها كنت زعلان منها جلست (55)يوم والله العظيم وانا انام في غرفه لوحدي هاجرها في الفراش ولم تعتذر اعتذار رسمي تصلح غذا عشاء فقط لا كلام ولا سلام عاملتها بكل احترام لين وصلتها بيت ابوها وهي لا تعلم واعطيت ابوها شريط فيه كلامها (البذي) وقلت له القصه من اول الى اخر جلست (2) اشهر ولم اكلمهم ولم تكلمني تصدقون؟؟ استغربت كلمت انا والدتها قلت عجبك الي صار من بنتك الي كنتي تقلين ما فيه احد مثلها قالت والله هي غلطانه بس معليش وقامت تتعذر (امها شخصيه قويه قويه قويه قويه قويه وزوجها تحت امرها) قلت بشوف ليش بنتك ما تعتذر طبعا هي خايفه من الشريط قالت ابشر تعتذر اتصلت زوجتي باللليل وقامت تعتذر وتناقش وتقول انت كمان غلطان وفيك وفيك طنشت الموضوع 2 شهرين وهي ترسل رسائل رومنسيه + يا تطلق يا تجي تاخذني قمت اخبرت والدتي عن المكالمه وقتها كنت منفعل وانصدمت امي وقالت تبيها خذها هي زوجتك اما انا ما راح اقبلها قمت بعد ان سويت دراسه واستخرت اكثر من مره واستشرت اهل الراء الحكيم (طلقتها طلقه واحده) بعدها راجعت ذكرياتي كل لحضه وساعه ويوم قضيناها مع بعض بكيت والله وقلت لوحدي في البيت حرام عليك دمرتي كل شي بتصرفاتك حرام عليك خربتي ذكرياتنا حرام والله حرام بتصرفاتك الصبيانيه تدمرين كل شي بنيناه سرت كل شوي اتذكر والله ابكي داخل نفسي هي انجنت يوم جاتها الورقه انجنت وترسل لي راسائل وتقول تكفى وراح اكون خاتم باصبعك وترجو وتسترحم كل يوم ترسل رساله انا عاطفي بشكل رهيب والله العظيم اني اقرا رسائلها وابكي احبها بس احس انها تبي ترجع وبعد فتره بترجع لما كانت عليه لان صفتاتها شخصيه مستحيل تغيرها تقول انها تحبني يا جماعه وتقول مستحيل تلاقي وحده تحبك زيي ؟؟؟؟؟؟؟؟؟؟؟؟؟؟؟؟؟؟؟؟؟؟ يا جماعه وقف تفكيري اجل لو ما تحبني وش كان صلحت فيني تكفون قولولي تصدقون وقت الملكه مره اقلها تحبيني قالت لا اعزك بس تصدقون واحنا متزوجين تقول (تصدق يا زواجي الاول انه احسن من زواجي الثاني -تقصدني انا) بالله وش اسوي فيها؟؟ انا قلت اشيل العاطفه واحكم العقل رفضت ان ارجعها بصراحه ماني فاضي ادخل في متاهات ارائكم ومشورتكم اسأل الله العلي العظيم ان يجعل السعادة عنوانكم والجنه داركم |
استخر الله و اتخذ قرارك
و ان شاء الله يكون الخير |
يعني هذي زوجتك الثانيه
ولا انت مطلق |
انا مطلق وهذي زوجتي الثانيه
|
لا حول ولا قوة الا بالله هي الي جنت على نفسها بااين ان شخصيتها قويه وباين انها تبي تصيطر عليك وتبي تكون الامره الناهيه في البيت وشكلها ما كانت متوقعه انك بتتخلى عنها وتطلقها بهالسوله بس تصرفاتها مو شويه بحقك وش الي سويته يستاهل انها تدعي عليك وعلى اهلك كل هالدعاوي القويه,,وانا مستغربه من كلمتها ان زواجها الاولى احسن من زواجها الحين بالله هذي كلمه تنقال؟وش هالجرأه؟! الله يهديها ويهدي الجميع من رايي تستخير اكثر من مره قبل لا ترجعها لان ما احس الي مثلها يتغير الله يسعدك ويفرج همك |
انت تحبها و هي فيها صفات ممتازة و بما انها اعتذرت لك و طلبت ترجعها هذا معناته انها تغيرت
رجعها بس مو الحين خلها تاخذ درس, لانك لو رجعتها الحين بتقول هذا ميت علي و بترجع لعادتها القديمة |
[COLOR="Blue"]سبحان الله والله يوم قريت قصتك خفت قلت يمكن زوجي بس عادصفاتي مو زيها عموم انابرضوه زي زوجتك مطلقه من قبل وعمري 27 وزوجي زيك مطلق قبل وتقريبآقريب من عمرك ويحبني ولاكن هناك فجوه كبيره تدري ايش هيه ماخلت حياتنا تستمر برغم المفروض كل منا جرب ولازم كانت تكون لنا عظه ودرس الواحد مايعيدفيه أخطائه الحوار معدوم هجر55يوم طب كان واجهتها من البدايه اخي في الله عمر الجفامايحل او يجيب نتيجه ود الجفايولدالجفا ناقشهاشوف ايش اللي استفزها اللي زعلها وخلاهاتجرحك انامااقول هي صح اكيد في اغلاط عليها بس بحكم تجربتك السابقه وحبك لها وحبهالك وعمرك اللي يكبرها اكيد لازم تكون انت المسيطر وواضح ان فيك جفا لإنك خليتهاشهرين وزدت شهرين ياأخي انت ماتدري الشاسبوع بس ايش يسوي فنفسيه الحرمه فمابالك فتره طويله وقدر هيه ماتبغاطلاق 2 وكمان هناك مأخذ عليك الله يهديك انت تحكي لأهلك وهذا جرم كبيييييييير ليه تتكلم باللي صار منها تبغاتكره اهلك فيها ياأخي حتى لو مابغيتها لاتفضحها والله ربي لايسترك انت تدري انك تدخل فحكم النمام ومن شان مسلم بكلمه شانه الله على رؤؤس الخلايق لاياأخي غلط امك شيء واسرارك شيء وشوف ايش استفدت غير ان امك كرهتها وراح اقولك ان لو رجعت انت بتنسى وهيه كمان لاكن الأهالي لاء والسبب افشاء الاسرار اللي بين الزوجين حتى انت فهذي الفتره راجع نفسك ولاتزعل مني ولاكن الله يلم شملكم
[/COLOR ابغا اقولك شيء والله المرأه ماتحب الرجل الجافي وتحب وتحن للرجل الحنون عليها وهي غلطانه لمن قارنت بينك وبين طليقها لاكن يمكن ماحست بذاك الودبينك وبينها انانصيحتي استخير واذابترجعها غير حتى انت من اسلوبك معاها |
إنت جالس تحاسبها على كلمات قالتها بوقت غضب
و بأوقات كانت تستفزك فيه و أتوقع إنها ندمانة ، فليه ما تسامحها ؟ |
اذكر موضوعك القديم
انت يبي لك احد يصفقك عشان تصحى لاتفهمني غلط ما قصدي اهينك لكن فعلاً احسك قاعد تلعب على نفسك وعلى بنات الناس ومسوي فيها انت البريء والمسكين وتسجل وتهدد وتبتز اصحـىىىى |
اذا اردت ان ترجعها فعليك ان :
1- تتأكد من صدق ندمها وانها فعلاً تريد التغير 2-لاترجعها الا بشروطك ولاتتنازل عن اي شرط 3-كن حازماً , ولاتسمح لها ان تقارنك بأحد ولا ان تتطاول على احد من اهلك , اجعلها تحسب لك الف حساب 4-استخر الله مرتين وثلاث حتى ييسر الله الموضوع لك اتمنى لك التوفيق |
| الساعة الآن 11:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©