|
محتاره في فتره خطوبتي ... شاركوني رايكم
السلام عليكم ورحمه الله وبركاته اولآ اشكرك كل من رد وساعدني بموضوعي اللي قبل اللي هو محتارة هل اوافق على المتقدم لخطبتي أم لا ؟ واشكرك كل من رد علي... على اني ماوافقت من خاطري ولا ابديت جواب الموافقه الا والديني سبقوني واعطو الرد لاهل الولد بالموافقه لما تقدمو رسميآ وماحبيت اكسر كلمتهم لما اعطو والله يقدم اللي فيه خير .... موضوعي حاليا هو ان ملكتي ستتم بإذن الله عن قريب في بدايه العطله الكبيره وصراحه محتارهـ لانه يمكن في احتمال راح تكون في تلبيس شبكه اما بالبيت او استجار استراحه وتكون في عزائم للاقاربي واقاربه في كلا الحالتين ان كان كذآ ايش النصائح اللي تنصحوني التزم فيها عشان اسويه وايش الشي اللي لا بد ان اتجنبه عشان ماأتطرق لشي يضايقه ويضايقني بنفس الوقت ؟ ومارايكم بتطويل فتره الخطوبه سنه او سنتين هل تضنو ان هناك فيه ضرر بيني وبينه لو قدر الله بتطويله ام لا ؟ على ان خطيبي الان عمره 22 سنه ومتوظف ومقتدر ولله الحمدلله وانا اصغر منه بسنه فقط على اني اشوف نفسي صغير على الزواج وكذالك هو : وسوالي اخر اللي ملكو وتعايشو مع هذا الموقف لابد ان لكم مواقف مررتو فيها وتنصحو المقبلين عليه ايش النصائح اللي تعطوني اياهـ وتحسوه مهمه في فتره الخطوبه غير الهدايا ؟ وهل تؤيدون المكالمات فقط بدون الخروج مع بعض ام لا .؟ [ صراحه اتخوف منه واحسه مو راضيه اقبل فكره المكالمه لان اكثر البنات اللي فسخو الخطوبه بسبب المكالمات والمسجات ] صراحه متوتره من موضوع الخطوبه وحبيت تشاركوني وتعطوني ارائكم |
أختى بكل صراحة أقول لك لاتقع ِ فى نفس غلطتى... فأنا من اول مكالمة مع خطيبتى أنهيت موضوع الخطبة نتيجة سوء فهم متبادل ... وأشياء أخرى ...والآن أشعر بالندم ,,, وسأحاول أن أرجع ولاأعرف ماذا سيكون رد فعل أهلها..دعواتكم..
وانصحك دائما بأن لاتدخلى أحد بينك وبينه فى مشاكلكم حتى أهلكم... |
اقتباس:
وموضوعك قراته والله يكون في عونك اخي وربي يسرها لك ويرزقك باللي تحبها وتسعدك اشكرك على مداخلتك ونصيحك |
مبروك عزيزتي مقدما الله يتمم لك على خير
من ناحية تطويل الخطوبه ما انصحك مامنهافايده لاحتقدري تشوفي اخلاقه وطباعه وترتاحي له ولا لا بس الملكه تقدري واذا ملكتي انصحك بالأتي: خروج لالالالا ابدا االا الى مطعم مثلا وتكون امك معاك الجلوس معه وقت محدد ساعه مثلا حتى لاتملوا او تصير حركات مالها داعي في هذي الفتره الحياء الحياء الحياء(كما قال رسول الله الحياء لا يأتي لابخير)وانت في هذي المرحله بحاجه له اكثر مش يقولوا العذراء في خدرها المكالمات الكثيره تؤدي الى الملل من بعض بعد الزواج لانه قد استنفذتواجميع الطاقه في الكلام حاولي في كل زياره يكون لك ذكرى حلوه له من اكله من ايدك حلا مثلا من لبس فنان وراقي وغير مبتذل من حركه في شعرك جميله .........والخ لان كل هذي الاشياء حتنطبع في مخك ومخه بالذات وتجلسوا تتذكروها طوال حياتكم والأشياء كثيره لاتحصر بس فوق هذا كله التوفيق من رب العالمين عليك بالدعاء في كل صلاة ان يكون زوج صالح تقر عينك به والله مافي شيء زي الدعاء وايضا الأستغفار ليل نهار طولت عليك معليش أسأل الله لك التوفيق والسداد |
الله يسعدك ... ويسعد كل مسلم مخلص يدعو لأخيه المسلم..
بالتوفيق اختى الكريمة ,, |
مين قال لك ان اغلب المملكين فسخوا بسبب المكالمات...كلنا كلمنا والحمدلله مبسوطين...والي فسخوا اكيد اكتشفوا انه مافيه توافق بينهم..وحسوا انهم مو مرتاحين وفضلوا فسخ العقد...افضل من انه يتطلقون بعد الزواج...والاخ m.sمافسخ خطوبته عشان مكالمه ارجعي لمواضيعه وتعرفين ليش فسخ الخطبه..
اختي فترة الملكه ضروري يكون فيها مكالمات...ولا كيف تفهمينه وتدرسين شخصيته...وكمان عشان يصير فيه قبول بينكم وحب قبل الزواج والدخول.. وانصحك لا تستعجلين على الاحداث...وتفكرين..خلي كل شي يجي من تلقاء نفسه..كلنا مرينا نفس حيرتك وخوفك وبعدين عرفنا ان الامر لايستحق كل هذا التفكير والخوف... استمتعي في فترة الملكه..ولاتحرمين نفسك من حلاوتها.. والي يقولون المكالمات الكثيره تؤدي الى الملل..طيب مو هم بيعيشون طول العمر مع بعض..جات على مكالمات يعني.. |
أتفق مع ليه الغرور .. <- غيرتي اسمك يا الغربة مرة ؟؟؟؟
أفتكر في فترة ملكتي ، كنت أسمع نصايح ( أثقلي عليه ، لا تكوني جريئة ... إلخ ) و أحسها هي اللي كانت حتضيعني لإنها ما توافقت مع ( طبع زوجي ) .. زوجي كان يبغاني جريئة و ما يبغاني خجولة طول الوقت و يتضايق من الشئ هذا و فيه رجال العكس تماما .. فإنت تعاملي بطبيعتك و عفويتك و وازني ( كلامك و ردات فعلك ) .. و استغلي الفترة هذه بفهم طبيعته و إن كانوا زميلاتك ( فسخوا العقد قبل الزواج ) فهو الأفضل برأيي لهم لإنهم لو ما اتفقوا من وقت الملكة فكيف راح يتفقوا بعدين ؟؟؟ |
بالعكس احلى شي بفترة الخطوبة المكالمات و التواصل مع الخطيب
تتفربوا لبعض يحصل توافق و حب و لحظة الزواج يدق قلبك حبا له و ليس خوفا منه لا اتصور ان تزف عروس لعريس لم تتكلم معه و لم تعرف شي عنه,, انصحك فقط اختي عندما يكون بينكم مكالمات , ان تتركي الحساسية جانبا فأنت أمام عقل رجل يختلف تماما عن الأنثى في ردود الأفعال و الإهتمام و التعبير, كوني دائما ريلاكس و تفهميه جيدا و لا تزعلي من اي سوء تفاهم بينكم |
اقتباس:
كلامك عين العقل وانا فعلا اصارحك كنت افكر مثل ماتقولي اما عن الحياء لا توصين اصلا استحي بقوووه :o اللهم امين واياااااااك يارب يعطيك الف عافيه على مرورك الطيب وكلامك الجميل بالعكس سعدت بردك الجميل اسال الله ان يلهمكي ماتردين ويوفقكي لما يحبه ويرضا احترامي وفائق مودتي |
اقتباس:
اسال الله ان يعطيك ماتريد ويرزق من حيث لا تحتسب ويقدم لك الخير اينما ذهبت اشكرك على مرورك الطيب اخي شكري لك |
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©