|
زوجي مغصوب علي بأعتراف من ابيه!!
السلام عليكم
رابط موضوع دهابي لبيت اهلي http://www.66n.com/forums/showthread...=1#post2607761 ..واسفاااااااه على نفسي:( ارسلت لزوجي رساله يوم الجمعه بالليل...انت ليش تبرر خطأك بالكذب علي ..فأنا صدقني ماراح اظلمك واكذب عليك زيك بالعكس راح اقول الحقيقه للناس من الأول للاخر واهلك لازم يعرفون ولدهم على حقيقته... انا اقصد افعااااااله وحاجه حرام سواها يخاف افضحه.. انا قصدي من هالشي يقول الصدق ومايكذب علي..وبالنسبه لأخطائي راح اعترف فيها.. المهم شكله خاف وجاء العصر السبت بكل برود قال برجعها وسلم على طفله وطلع... ابوه مادري بالخبر الا اليوم.جانا الظهر يلعني ويقل كلام مو زين ويقول انا هاوشت ولدي ووريته نجوم الظهر.. وقال انتي تقولين ما ابيه وهو يقول ما ابيك وعندكم اطفال والله لترجعون لو انكم ماتبون بعض ... والله لو يطلقك لأخليه يرجعك ..والله ليوصل ولدك عمر 20 وولدي هو زوجك... تخيلو يقول هذا ولدي وبكيفي اغصبه:( وكل فعايل ولده مو مهمه المهم اني ارجع واخرس ولا اتكلم .. تخيلو ضارب زوجي علشان يجي عندنا الليله العصر...وجا السيد زوجي عيووووونه حمر ومنتفخين من كثر البكا:(...وبكل برود ارجعي.. لما شفت الحال انوه كذا قلت لا مو راجعه قال بيتك هناك اذا بغيتيه تعالي وطلع:( |
ما اني فاهمه مشكلتك
و ليش انتي ببيت اهلك |
نور دربي
الرابط لسبب ذهابي لبيت اهلي توني احطه بالموضوع |
ماهذا الطاغيه !
استغرب حقيقة من الذي يكتب جملتين ثلاث ويريد منا المشوره ! بهذا الشكل تجعلينا نخطئ ونظلم اناس ولانرى الموضوع الا من جانب ضيق لايعطينا التصور الحقيقي للمشكلة .. |
بصراحه رح اسالك
انتي تبي تتطلقي حابه ولدك يعيش كانه يتيم انسي اذا تزوج ابوه انه يهتم فيه يعنيبيشوف اولاد اخوانك اخوك يدلعهم ويحبهم وهو حاس بيتم والثاني اللي بيجي كمان لاتفكري في نفسك في هذي المرحله اعتقد زوجك ماقد ضربك وقال بيوفرلك كل شي اذا نزل الراتب وكان المفروض اذا بيتك خالي تطلبين اهله عشان ينبهوه ان اغراضك ناقصه انتي محتاجه حنان واحساس الزوجه بالكامل بس خلاص نصيبك كذا جاي المفروض الحين تتاقلمين معاها حسسي زوجك انك تحبيه شاريته تعطفين عليه رح يحبك غصب وياما ازواج حبو زوجاتهم بعد ماكانو مغصوبين عليهم من تعامل الزوجه حبيه اعطيه ارسليله اذا جلس جنبك خذي راسه ووخليه بحضنك اشبعيه عاطفه لابد يوووووووووم ويلين هذا الجليد ورح يتمسك فيك زوجك انا اشوف ان ابو زوجك نعمه بحد ذاته وتعامله مع ولده قمة الرجوله والمفروض ترجعين بيتك اكرام لكلمة عمك اللي حاب ان اولادكم يعيشون في جو اسري حتى وان كان الجو مكهرب وملل ورتيب الا انه افضل من التنقل بين زوجة الاب وزوج الام والاجداد |
اختي في كثير من الازوج تزوجوا مثلكم..وعاشوا حياتهم تمام
خلي عمج على صوب..وحاولي تعرفين ليش زوجج مو متقبلج حتى بعد قدوم طفل يجمع بينكم بعدين مو حلوة المرة تهدد زوجها وتفضحه عند الأقربين..هالشي لاتسوينه وابتعدي عنه واضح انه زوجج شخصيته جدا مهزوزة عند ابوه..الله يسعدج يارب ويصلح بينكم |
اقتباس:
عدلت الموضوع وحطيت الرابط |
لحظة أمل ... شنو رأي أمك ؟؟؟
سبق وقلت لنا انه أهل زوجك ما يحبوك ولا يقدروك .... كيف يستوي هذا مع تصرف حماك الحين واصراره على عدم الطلاق !!!! انتم الاثنين لا زلتم صغار بالعمر ... المسألة مو مسألة تقبلك له أو تقبله لك المسألة أنه كل واحد منكم طفشان من مسؤولية الزواج ومن كثرة المشاكل بينكم وانت باجتهادك بتفسير كل تصرف وكلمة يقولها زوجك أو أهله تخرب كثير بينكم وتخلي المشاكل مشعلله على طول لدرجة انكم الاثنين تعبتوا من النكد .. المفروض تسألي بدل ما تجتهدي من عندك وتصدقي كلامهم ... زوجك ما حس بحنيتك عليه ولا انتماءك له وتلوميه ليه ما حبك ... مسألة انه يحبك أو ما يحبك مسألة بيدك انت مو هو ... تصرفاتك اللي بتخليه يحبك وما يقدر يغصب نفسه .. الندية بتعاملك معاه ومحاولتك انك تربيه والقسوة ما راح تجيب نتيجة ... حتى لو شفتي انه صغير أو شخصيته سهلة فهذا لا يعني انه مو رجل له كرامة و.... ما راح يقبل ان تكون زوجته مربيه وموجهه له ... توجيهك له ومواجهته بهذي الحدة تعطيه شعور بعدم احترامك لرجولته وهذا أكبر قاتل للحب وأكبر سبب بعدم رغبته بالمواصلة معك . الأمور بين الزوجين ما تنحل مثل الأمور بين خصمين بمحكمة ... كل واحد يجيب قرينته ويواجه الثاني واللي معاه الحق ينتصر ..... لا ... الزوجين بينهم عواطف تتحكم وممكن يكون معك الحق لكن طريقة الحوار والتعامل تخليك تطلعي خسرانة .. ممكن تكسبي الحوار ويشهد الكل لك انك معاك الحق لكن خسارتك لعواطف زوجك وخسارتك لقلبه تخليك تشعري انك ما كسبتي شي وبالعكس خسرتي القضية . ولا تقوليلي انك ناوية على الطلاق بجد .... لو ناوية جد ما أرسلتي له الرسالة يوم الجمعة ... وبالتالي انسي محاولاتك لاثبات على مين الحق ... حاولي تكسبي قلب زوجك بأن تكوني أنثى أمامه .. أعطيه قوامته عليك كرجل بطريقة حوارك معاه وبطريقة تصرفك معاه . هل تظني بأنك راح تعيشي حياة أجمل في حالة كنت مطلقة ؟؟؟ أم انك تأملي بالزواج برجل بمواصفات أفضل من مواصفات زوجك ؟؟ |
اختي الله يهديك ليتك رجعتي بيتك لما جاء زوجك بس ياليت ماتفيد دحين
لكن مالك الابيتك وزوجك وصدقيني زوجك بيتغير مع العشره ولاتنسي الدعاء دايما ان ربي يحنن قلب زوجك واهله عليك وصدقيني عمك لومايحبك مايضرب ولده عشانك ارجعي واصبري وادعي وانشالله ربي بيفرجها عليك |
نعم تذكرتك .. حقيقةً يا اختي زوجك
" غير مؤهل بالزواج " , اعتدى عليك ولم يوفر شئ من مطلبات المعيشه ويسب ويهين , ويريد ان يتزوج ؟؟ السؤال هل يريدك زوجكِ ؟ , انت هل تريدينه ؟ لماذا ابْ زوجك يريدك ان ترجعي بهاذا الشكل الغريب ؟! اتمنى لك حياة سعيدة .. |
| الساعة الآن 06:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©