|
قررت اكلم شاب وارجع لأيام زمان
السلام عليكم ورحمة الله وبركاته
بدخل بمشكلتي على طول معلوماتي الشخصيه عمري 27 غير متزوجه متخرجه وجالسه عاله على نفسي واهلي < وارجوكم من الحين اقولكم لا احد يقولي ابحثي عن وظيفه لاني بحثت لين بكيت وتعبت ومافي امل على انو انا عندي شهايد مو شهاده واحده :( بأقولكم على وضعي بالبيت الحمدلله مو ناقصني شي ابدا كل شي موفر لي ومتوفر عندي وانا ولله الحمد اصلي صلواتي الخمس بنتظام وادعي ربي وباره بوالديني لكن احيان امي تقوم بتصرفات ترفع ضغطي وانفجر عليها ومع الايام ارجع لها احسن من الأول واخواتي نفس الشي لكن امي ان تدخلت في مشكله بيني وبين خواني تزودها وبالنهاية تجي فوق راسي واطلع انا الغلطانه ماادري ليه يصير كذا معاي اخواني وخواتي مقاطعيني لهم سنين ويعاملوني معامله غريبه لاتقولي تقربي وماادري ايش حاولت لدرجة اني شكيت بنفسي قلت اكيد فيه شيطان بسم الله يبعدهم عني اتكلم ولااحد يسمعني وان ناظرت فيهم يبعدو نظرهم عني ان دخلت غرفه خرجو منها على طول بحكيكم ايش صآر اليوم كانو كلهم خواني متجمعين عند التلفزيون يتابعو مسلسل والحين الحلقات قرب النهايه جبت غدآي وجلست والله وحده ورآ الثانيه تسحب نفسها ويروحو لغرفة ثانيه انا هنا فاض بي الكيل وصرت اسمعهم كلام لانو تعاملت بالطيب نفس الشي والحين بسبهم وبالعنهم على اقل الاسباب علشان اطلع حرتي فيهم وانا ماابغاهم يكونو شغلي الشاغل المشكله انو كنت قبل الكل بالكل بالبيت وخواتي كانو يحبوني ويتقربو ليه ويسوو المستحيل علشان يرضوني وفجآه بدئو يبعدو اكثر واكثر ليه ماادري !؟ المهم بديت اشعر بوحده موحشه بشكل بشع عمري ماحسيت فيها وبديت احس اني بجد ناقصه حنان + اني ابغى ابعد هالتفكير عني التفكير في اهلي وليش هم بعيدين عني ووو فقررت اليوم اني بكرا اروح اشتري لي رقم آخر واتعرف على اي احد واجلس اسولف معاه وارجع لعادتي القديمه الي تركتها لي 3 سنوات لاني بجد احس اني محتاجه شخص اتكلم معاه واحكي له همومي ويسمعني وينصحني ووووو ماراح اغلط واقابل بس اكلم ماادري احس نفسي بتورط وبحب الشخص الي بأكلمه + اني ربي بيغضب علي وانا ماابغى ارجوكم ساعدوني ووقفوني يمكن كلمه تأثر فيه واصحى قبل مايجي بكرا واروح ! صدقوني وضعي النفسي تعبان جدا ولاأحد يلومني لانكم مو حاسين ومجربين وضعي بجد ناقصه حنان بشكل ماتتخيلونه أم لاهيه بالضيوف والتلفونات مع جاراتها وزميلاتها ماانكر انو امي بنت حلال ومحترمه وطيوبه لدرجه ماتتخيلونه تبدينا على نفسها حتى واخواني متزوجين وكل واحد في ديره وبعيد جسديا ومعنويا فينا وعلاقتي فيهم رسميا جدا وخواتي مجموعين مع بعض زي اليد الواحده واحسهم متفقين انهم مايكلموني نهائيا واختي الثانيه عاجبه الوضع وصارت تتقرب لهم وتمزح وتتريق على انو هي زمان يوم كانت علاقتي بخواتي حلوه دايم تتخاصم وياهم لكن لما حست انوبيني وبين خواتي شي قامت تتقرب لهم اكثر حتى امي مستغربه منها تخيلو كل هذا وامي ماتعرف انو انا وخواتي مقاطعين بعض بالكلام وحتى بالنظر ولنا سنين قلت لكم لاهيه بأشياء تقول من مصلحتنا يارب رحمتك ادعولي انو ربي يرزقني بالزوج الصالح الي يخاف الله فيني ويعوضني كل شي انا محرومه منه |
إذا فهمت
أنت تريدين الخروج من واد الشوك للدخول في واد النار بينما واد السعادة أمام عينيك و أنت لا ترينه لم تفهمي؟؟؟ إذا أردت أن تكسب محبة أهلك و الناس ماعليك سوى كسب محبة الله أتعرفين كيف؟ |
غريب وضع خواتك ... هم أكبر منك وللا أصغر ؟؟؟ شنو وضعهم الاجتماعي والدراسي ؟؟
وين الوالد ؟ عندك عمات أو خالات قريبين منك ؟؟ |
LYESLYESSEانا اصلي ونادرا مااقرأ قرآن لكن استغفر الله ياربي مااقدر اخشع بصلواتي وان عزمت اقرء آيه من آيات الله اجلس اقلب الصفحه واستنى النهايه استغفر الله
طيب وضحلي كيف !!؟ Beta2 هم اصغر مني إلي بسنتين وإلي بثماني والكل يدرس بعضهم بالمتوسط والثانوي والجامعه ماعندي احد قريب مني ولاابغاهم بس ابغى اهلي وبس ساعدوني ايش اسوي ,, كيف هل ربي يرضى عني لو صليت من دون خشوع أو اقرء القران من دون تدبر لآياته !! |
ابنتي الكريمة
لا بد من سبب لجفاء إخوانك المفاجيء ولهم سابقه مع أختك وإذا عرف السبب بطل العجب ولشغل وقت فراغك عليك بجمعية تحفيظ القرآن الكريم وستجدين فيها علاقات دين ودنيا وزواج بإذن الله فالخير عند الله وطلب مرضاته ولا أقرب لذلك من تعلم القرآن وتعليمه والقرب من أهل القرآن كلله بركه . |
اولا يا حياتي انا والله حاسه فيك لان مافي اقوي من قسوت الاهل ما تحتمل ولا تطاق بس انتي طنشي ولا عليك منهم اهم شي رضي الوالدين اذ امك وابوك راضين عليك هاذا اهم شي ثاني شي شلون تكلمين شاب ووووو الخ ماني مصدقه كيف تدخلين نفسك في علاقه محرمه وتبغين التوفيق والزوج الصالح والستر
خافي الله في نفسك واشغلي نفسك بحلاقات تحفيض القران وراح تتعرفين على بنات وتعيشين معهم احلا ايام انا زيك خريجه ومنتضره الوضيفه وراضيه بحياتي ولله الحمد ما انكر اني امر احياانن بيام صعبه واحيانن الوالده تعصب علي بس اهم شي اني اعيش يومي بحلوه ومره والله يرضا عنا وعن والدينا واسئل الله لي ولك التوفيق والنجاح والزوج الصالح يارب العاليمن |
يبدو لي انكي تجهلين آلية ايقاع الشيطان للأنسان بالمعاصي ..
الشيطان لا يوسوس لك ويقول مباشرة " اذهب وأزني " ! , بل هي خطوات وتدرجات لاتجعلك تشعرين بالسقوط ابداً ففي البداية يقول " كلمي ولن تغلطي مع احد ولن تخرجي مع احدهم انما هي فضفضة " وهذه ستكون بداية النهايه , وفكري قليلاً لو كلمتي احدهم ثم احببتيه ثم الح عليك يريد رؤيت صورتك ومع الحاحه وتهديده انه سيتركك ان لم يراك سيتركك , تضعفين وتعطينه الصوره وبعدها تكونين خسرت الدارين . راحتك بالدنيا وما يترتب عليه من قلق وأبتزاز وغيره وخسرت الآخره بغضب الله وبأحتمالية وقوعك بالفواحش , , لديك فراغ كبير اشغليه بما يفيدك والنفس ان لم تشغلها بالطاعه , شغلتك بالمعصيه فأشغلي نفسكي بالطاعه وتقربي الى الله واسألي الله دائماً بقولك " اللهم يا مقلب القلوب والأبصار ثبت قلوبنا على دينك , اللهم يا مصرف القلوب والأبصار صرف قلوبنا على طاعتك " بالنسبه لموضوع اخوتك ! لماذا كل هذه القسوه ؟ , لماذا لا تأخذين احد اخوتك بمفرده وتطلبين منه ان يصارحك ما سبب هذه القطيعه !؟ اسأل الله ان ينير قلبك ويفرج همك ويرزقك الزوج الصالح .. |
اقتباس:
اولا تعوذي من ابليس .. ثانيا .. الصيف جاي .. وياكثر الانشطه فيه .. فيه انشطه تابعه لمراكز التحفيظ وفيه انشطه تابعه لوزارة التعليم وتقام بالمدارس الحكوميه .. مارسي هواياتك .. القصد تشغلين نفسك وتسلينها بالتالي تتحسن نفسيتك مو عشان تتشاغلين عن اخوانك ويكونون اخر همك لا طبعا .. بعدين ياقلبي لا تزعلي من كلامي مافي دخان بدون نار .. اكيد فيه شئ انتي زعلتيهم فيه من الاصل يعني .. يمكن اسلوبك معاهم غلط بالتالي خسرتيهم .. فكري بالموضوع من جديد وكوني صادقه مع نفسك .. اختاري احد ..من خوالك او اعامك او خلاتك .. بحيث يكون هالشخص متفهم .. ويمون على اخوانك وخليه يتدخل فالموضوع او على الاقل يكلم امك ويوجهها... وبالتاكيد ادعي ربك يصلح الحال بينك وبين اخونك .. وفقك الله واسعدك ..‘ |
انتي في نعمه غيرك يتمناها طيب كلمتي شاب قالك كلام حلو حبيتو بعض حب وهم وخرابيط مثل اي حب بهالوقت طلعتي معه غلطتو مع بعض وش النتيجه وبعدين؟؟ خسرتي رضى ربك رضى والديك سمعتك مستقبلك الزمي بيت اهلك واحمدي ربك وادعيه يرزقك بالزوج الصالح وحاظفي عليه بعد |
الله يكفيك شر الفتن والاخوان كفو ووفو بس بدعيلك ان الله ييسر امرك ويفرج همك ويسعدك في الدنيا والاخره تقبلي مروري ... |
| الساعة الآن 06:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©