|
مشكلتي في شنبي ولحيي :(
السلآم عليكم ..
انا شاب ابلغ 20 سنة وشنبي خفيف جدا ولحيتي معدومة وهذا الشي يضاقني كثير .. خصوصا ان اصدقائي واقاربي عمرهم 16 الى 17 سنة وما شاء الله وجوهمم غزيرة بالشعر .. فبحثت في المنتديات فلقيت حل الي هو "" زيت الخروع "" فصرت اداوم عليه لي 3 ايام مع استعمال فيتامين ( centrum ) للشعر.. فهل لزيت الخروع ضرر علي ؟؟ وهل يوميا استعمله ؟ ولو فيه طريقة افضل لتنبيت شعر الشنب واللحية افيدونآ فيها جزاكم الله خير .. لان الشيء هذا أثر علي كثيرا وصرت ما اخرج من البيت بعض الاحيان بسببه :( .. والله يصبرني ويصبر الجميع |
أخي الكريم.. اذهب لدكتور جلدية سيفيدك أكثر من ناحية الأدوية.. وبعدين والله رجال كتير يشتكو من الشعر الكثيف في هذه المنطقة وتكرار الحلاقة .. أهم شي تكون واثق في نفسك وفي شكلك.. أتمنالك التوفيق.. |
^^
لا هنت + ننتظر المزيد من الاعضاء |
:d حياك اخوي وليش زعلان عاااادي وانا خوك جدا اانا عمري 24 سنه ولا طلعلي شي:25: وبقولك شي عمر الشعر ماكان اثبات رجوله ولا غيره الرجل بافعاله وبعلومه بين الرجال وانت عارف وين يطلع الشعر :29: لو ان فيه خير الشعر ماطلع في الاماكن الحساسه وسع خاطررررررررك وعاااااااااااادي جدا |
سبحان الله العلي العظيم
اخي العزيز لاتهتم .الحين تشوف الشباب يصلخون وجيههم عند الحلاقين صلخ الله لايبلى مايبون الشعر . ! وانت تشتكي من قل الشعر . لاتشتكي واستمتع بالحياة كما انت . مع امنياتي لك بحياة سعيده |
شي طبيعي أنت توك بالعشرين كل ماكبرت يزيد الشعر وبعدين مافيها شي أهم شي تكون واثق من نفسك اخو زوجي عدا الثلاثين ومافيه لحيه أبدا
|
وحده من صديقاتي كانت تذكر لنا قصه اخوانها
تقول انهم يستخدمون دهن العود على الوجهه عشان يطلع بسرعه بس بصراحه ماادري هل هو فعلا يطلع او لا :) |
مشكورين اخواني ..
+ اكيد الشعر مهو علامة الرجولة .. لكن كمظهر ويدل على الكبر .. صراحة انجرح كثير في سالفة العمر .. حتى الوالد ما يعتمد علي ويقول لسعك شنبك ما خط .. .. والحمد لله انا واثق من نفسي بس لو فيه طريقة تعجل بنمو الشعر اكون شارك لكم .. .. |
احلق موس حتى لو مافي شعر وروح عند دكتور جلديه يااخوي لازم يكون هناك ثقه بنفسك ولاتهتز لإجل شيء بسيط زي هذا وعادي انت رجال ومايعيبك شيء واللي يعايرك قول مصري هههههه
ماقصدي أنتقص عرق معين بس المصاريه يحبون الحلاقه وانت من عند الله ابذل الاسباب ولاتشيل نفسك فوق طاقتها لاتحط الموضوع براسك انا اقولك مثال الحرمه لمن تشتكي من تساقط شعرها ايش تقولها الدكتوره لاتفكرين بموضوع التساقط لإنه يزيد واللي تبغا تحمل يقولون لها لاتفكرين لإنه بكذا ماراح تحملين هذا معناته ان التفكير له صله بشيء اللي احنا نبغا نتايجه اعمل بالاسباب وخلي الباقي على ربي واشرب مويه زمزم بنيه ماتريد يقولك ماء زمزم لماشرب له وادهن عليه بوجهك واستخدم ادويه والله ينبت لك شعر دقنك وشنبك |
صراحه انا ما اشوف فيها مشكله بس اتا مكبر السالفه شوي عل عموم انا اقولك بطريقه اخوي يسويها احلق وبعد الحلاقه مباشره حط منقوع المر بتلاقيه عند العطار اسمه مر انقعه في مويه وغسل فيه وجهك بعد الحلاقه هو الريحه مش ولابد خايسه شوي بس تحمل مو يومين يعني في الاسبوع مرتين او ثلاث وبخصوص زيت الخروع لاا عااادي ما فيه ضرر زيت عااادي وان شاء الله يطلع لك شعر وراح تشوف وتدعي لي
|
| الساعة الآن 02:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©