![]() |
من المخطىء انا ام هي ؟؟ضائعه بلحكم ..
السلام عليكم
اخباركم يامنتداي الغالي ... ان شاء الله تكونوا بصحه وعافيه ... مشكلتي مع وحده توني تعرفت عليها من بداية هلسنه (لاني توني بلسنه الاولى من الجامعه ) وهي من دوله عربيه معروفه واسال الله ان ينصرهم ويرفع البلاء عنهم ويصبر اهلهم البعيدين عنهم ... الاهم هي متزوجه ومعها ولد مثلي طبعا ودارسه مثلي لها اول سنه ولكن بقسم اخر وانا بقسم اخر تعرفنا ع بعض ومعنا 2 من البنات الاساسيات وغيرهم بعد .. وبيننا احترام وتقدير وسؤال يعني ليست صداقه متمسكه جدا كأني اعرفهم من زمان لا توني ماقد عرفتهم طباعهم ولا تصرفاتهم مدة التعارف (2 اسبوعين ) وهي فترة الاختبارات وانشغالنا بها مع بعض ولكن كانت ايام حلوه الله يسعدهم الأهم الان انا وبلاخص هلسنه والحمد لله ع كل حال مررت بلظروف التاليه وهي تعب عمي سنه واكثر والنهايه وفاته (من غير تعبنا وبكائنا ووالخ ) حملي بفتره بنظري مو مناسبه وهي بلحظات فراق عمي وفترة العزاء دراستي اللي صادفت الاحداااااث من تعب السفر وعدم الاستقرار والحمل والخمول والنفسيه البعد عن زوجي مجبوره بسبب الاختبارات يتعبني ويغير نفسيتي مع اني احاول اني مااوضح لصديقاتي او اهلي اخاف يفهمون خطأ اني ماابيهم لاني متمسكه به جدا ولا ارتاح الا معه ( والان للاسف اببتعد ولكن قلت خليها اجازه زوجيه له ولي وبلاخص لاني حامل احتاج لتغيير الجو شوي وياليت روحات وطلعات الا اختبارات ) فهذا يجعل نفسيتي متوتره شوي من غير الاختبارات .. وللان لم استقر ببيتي الا (3 اسابيع ) والسبب اني تعبت وتنومت بسبب تعب الحمل وارتفاع الكرسترول وسبب صداع اعجز عن الحركه الا اذا كنت مجبوره ع القيام لانوم ولا اصلي الا جالسه انخفاض الضغط بسبب الصداع ونسبه بسيطه من فقر الدم فتنومت 2 يومين والتهابات ....والان انا بلشهر الخامس والاسبوع القادم اخر اسبوع لي فيه والله يسهل علي ويرزق كل محرومه .. جعلتني هذه الاحداث بعيده عن مجتمعي فما بالكم بلصاحبات اللي تعرفت عليهم ومن ضمنهم ( د)هذه الصاحبه لم تقصر معي تتصل ترسل بفترة تعب عمي واذا شحنت جوالي ارد لها واعتذر لها عن انقطاعي ولكن ليس بنفس الوقت والسبب يامافي شحن بجوالي او بجد تعبانه نفسيا ونوبة بكاء وبداية حمل وتعب .. او توني جايه من سفر وتعروفن الحامل وربي تعبببببب واقعد كم ساعه مع اهل زوجي واطلع انام .. وزيارات وعزاء وللان ضيوف ياتون ليونسون ام زوجي لانها بلعده فلا اجد وقت ابدا ابدا للتواصل معهم حتى وان ارسلوا لي ارد لهم ولكن عندما افضىء واجد وقت فوقتي اجتماعي وسفر وتنقل ودراسه وحمل فكيف اجد وقت ؟؟ انا اعترف مقصره جدا ولكن هذا لايجعل هذه الصاحبه (د ) الى تركي كذا رغم توضيحي لها والاعتذار منها بكل فتره ارسل لها بها عن ان بعدي للاسباب اللي ذكرتها .. وجعلها تكتب بلمسن وهذا مارئيته ( في ناس مابتستاهل انها تكون بقائمة المسن لانها تقطع ولا تعتذر )!! اعترف هنا انها هي ارسلت لي بظل ظروف ماليه مررنا بها انا وزوجي بنص الشهر الماضي وبداية هذا الشهر وكل مادفعنا به هو حاجه ملحه لنا وضروره جدا وبلاخص لاني حامل منها ملابس وقرب اختبارتي ورسومها وملابس لولدي وكماليات للبيت ولزوجي لاننا انشغالنا سنه عن هلامور بسبب انشغالنا بعمي رحمه الله واسكنه فسيح جناته .. وهذه الظروف جعلة ميزنيتنا مضروبه جدا جدا فلم استطع ان اطلب زوجي بطاقة شحن ب 100 ريال او اكثر وهو يااتي لي بلمهمات والضرورات بدون مااقول له احيانا فهو يغمرني والحمد لله فااخجل ان اطلب فقلت اصبر شهر 5 والان شهر 6 الربوع هذا ابسافر للرياض لقرب الاختبارات ومنها بيعطيني مصروف جامد من غير السواق ..يعني بعد خساير من غير كرمه فهذه الصديقه( د) ارسلت واتصلت فما رديت لان ماعندي رصيد ولم اطلب زوجي لاني مقدره لظروفه ولم اقل لااحد غيركم وبكذا اضنها زعلت وشالت وهذا مارئيته بلمسن وحسيت احساس اني انا المقصوده قصدها ليه ماتعتذري ليه طنشتي ؟؟! طيب انا توني طلعت من المشفى هذا اولا .. ومافي رصيد .. اتصلت علي بوقت ورب البيت كل جسمي يوجعني من أبر المغذيات والمسكنات .. وش وله الزعل والعتب ارسلت لها واعتذرت اني لم ارد عليها الشهر الماضي ولم ارسل لها وقلت ان توني شحنت لعيونك لاني فرحت وتفائلت بااحداث الجمعه ببلدك واساال الله ينصركم يارب وبجد والله ماشحنت الا ب 20 فقط لخاطرها وارفع معنوياتها لان اعمامها وخالاتها هناك .. حبيت اساندها .((وللاسف شكلها حست اني رجعت لاجل الاختبارت قربت !) طيب واذا لاجل الاختبارت مثلا انا مااخذ منها شيء لا من دروس ولا محاضرات علاقتنا من الاساس ماهي قويه ولكن بيننا احترام فليه الزعل من كم مسج واتصال مارديت عليهم اكيد اني بظروف واقسم بالله لو اني انا لعذرتها ولا اعتب واكتب بلمسن وغيره عتب وهي الان لم ترد علي لابرسائل مسن وكنت ارسل لها عبر المسن رسائل اسالها عن الحال وغيرها لان ماكان عندي شحن واكثر من رساله والان شحنت وارسلت لها وللباقي الباقي الله يسعدهم عذروني لاني شرحت لهم الامور ووحده منهم غمرتني مسجات بلشهر اللي انقطعت فيه ولم ارد عليها وهي ردت الان معذوره والكلام الزين المساند والدعاء ... الا هذه بصراحه طاحت من عيني .. هي ماشاء الله اهلها واهل زوجها بمنطقة الرياض وهي ساكنه هناك مستقره يعني ماشاء الله ومعها ولد وتذهب لااهلها يعني مرتاحه ظاهريا اما عن تفاصيل حياتها لااعلم ولكن انا اختلف 180 % درجه كما وصفت لكم سابقا .... فاانتم ان صادقت وحده فيكم بجد ولم ترد ع اتصال واحد لكم ولا مسج فهل تزعلون ولا تردون وتهمشون كرد للحركه وكأنها مقصوده ؟؟؟ عجيب امر بعض الناس .! طبعا ماانسى قد اتصلت عليها وقد ارسلت لها مااذكر كم مره ولكن اول مره ابتعد عنها فتره لظروفي واول مره لم ارد على اتصالها .. هي قد قطعت علاقتها بوحده من الشله والسبب انها مهمله بلاتصال والرد عليها فقلت لها يوم اخبرتني انتي لاتعرفي عن ظروفها قالت لا هي تكذب ووالخ ولا اعرف ولا اظلمها .. سوالي هل انا مخطئه ام هي ؟؟وماذا افعل اذا ذهبت الجامعه للاختبار وهي زعلانه(طبعا ابعرف من تصرفاتها ) رغم اني عطيتهم تفاصيل سبب بعدي وتعبي ... ماذا افعل ؟؟ وهي للان لم ترد لا ع رسائل المسن الماضيه ولا ع مسج بلجوال ... وهذا بنظري دليل انها زعلت . انقهرت انها لم تراعي ظروفي . |
gawlp
كفشتك انتي بموضوعي اخبارك واخبار اختباراتك الله يوفقك يارب ... ان كان لك رد فاافيدني بحكم دراستك بنفس وضعي وجامعتي وياليتك معي كان فديتك بعيوني . |
حيٌن يِتعمَّد الأخرَين َفهمٌك بطرٍيقه [خاٌطئه]
لاُ ترِهق نًفسك بِالتفكُير فٌقط ٍأدرُ ظهرِك وً [تمتعِ بالحًياة] صديق لم يلتمس لي الاعذار ووضحتها له مااعتبره صديق .. يعني عارفه بحملك وعارفه وفاة عمك الله يرحمه .. يعني ظروفه صعب وماتقدر وضعك ونفسيتك ....؟ انت ِلاتتسرعي الان .. انتظري شوفي ردت فعله وتعاملها معك ... اذا حسيتيها متشرهه وضح موقفك بنقاط بسيطه قبلت قبلت ماقبلت مو مهم تقبل .. اذا ماكنت ِ المقصوده فالحمد لله .. سؤال خاش عرض ... انتي بجامعة الملك فيصل ..؟ ولا بجامعة فيصل ؟ لان ودي انتسب ... |
انتي ظروفك اجبرتك انك تنقطعين وشرحتي لها وضعك واعتذرتي
انا عن نفسي لو مكانك :) اتعامل ولاكان شي صار ولاكاني انبهت لزعلها من الاساس لاني قدمت اعتذار واضح صريح والمفروض ان تقبله هالاعتذار والزعل يكون بمحله انتي تعاملي بالي يريحك |
اقتباس:
يسعدك ربي ريحتيني شؤي انا مارديت بنفس الوقت يعني مثلا اول مره ابتعدعنها شهر كامل وارسلت لها مع اعتذار اتوقع قصدها ليه ماسئلتي عني الا مره وحده ولا ترسلين مثل ماارسل لك طيب الله يجزها خير ع سؤالها ولكن يعلم الله انها ظروف وتعب وعزاء هي قصدها خلاص الشغل اللي شغالها عنا انتهىء ( وهو تعبنا مع عمي ) ماادري ؟ هذا ماحسيته من كلامها يوم اتصلت بها لااخبرها ان عمي ابو زوجي مات واسئلها عن الحال واخبارها واعتذر منها خلاص وش له الحزن انتم عارفين بيموت وش له التعب الان ؟؟!استعجبت وسكت قلت حتى ولو للان تعبنا ع فراقه وكم تمنيت انه عايش وكم مره احس اني ابشوفه من حبي له وكم مره اتخيل اني ابشوفه وش بتكون ردة فعلي من الصدمه فما بالكم حامل .؟؟! اتوقع انها ماصدقتني من كثر مااعتذر لها بكل اتصال او مسج قالت هذه كاذبه .! ع الاقل تقدر اني غير مستقره ببيتي وكأنها شقه مفروشه بسبب ان امه متعبه ومحد لنا بلشرقيه وحيدين فبك1ا ننزل سوى بظروف او غيرها هي ع بالها اني مثلها مستقره ببيتي ع الاقل قصدها وش هلشغل اللي شاغلها . عن الجامعه نعم انا بجامعة الملك فيصل بلاحساء ..قسم علم اجتماع انتساب كل شيء عبر النت من حضور محاضرات وحل واجبات وحضور محاضرات مباشره وبس يتطلب حضورك بوقت الاختبار ..الرسوم 2 الفين و800 ع مااظن . |
أهلين يا همس كيفك يا كروشه :d والله ما أشوف الوضع مستاهل كل هذا،، مو لازم تشرحي لها كل مره عن ضروفك و إنتي زي ما قولتي شرحتي لها كل شي، و إللي مريتي فيه مو سهل يا همس الله يصبرك و يجزاكي خير و إذا ما تفهمت الشي هذا و لا عذرتك فهذه مشكلتها و إذا هي تبغى تقاطعك لأنك ما رديتي عليها فبكيفها على حسب كلامك إنتي شرحتي لها كل شي، و كمان رجعتي رسلتي لها مسجات و اتصلتي عليها و كمان إنتي رسلتي لها ايميل و هي اللي ما ردت عليكي على كل حال إلتمسي لها العذر لأنها ما ردت يمكن عندها ضروف و بعدين انتي ما تدري يمكن ماهي قاصدتك على مسألة المسن،، فلا تشغلي بالك أو تقدري تسأليها (إن شاء الله مو أنا المقصوده) مع ضحك و مزح يعني، و تعرفي ردها والله ما أشوف الموضوع يستاهل كل التفكير هذا منك، لأنك مانتي متأكده من مشاعرها و إذا فعلاً طلعتي المقصوده، فعادي تأسفي منها و خلاص خلي علاقتك معها رسميه لأنه صديقه ما تراعي ضروفك و بس تحصر تفكيرها بليش ما تردي علي و ليش ما ترجعي تتصلي، أشوفها انانيه و هدي حالك يا حلوه وركزي بدراستك و اهتمي بنفسك، ولا تتعبي نفسك :) |
اقتباس:
الله ينفس عن قلبك يارب ويريحك انتي ومن رد والله ارتحت شوي ... اعذروني من الحمل وحده معصبه اعصابها مشدوده وتدور ع الحبه ...هههههههه الاهم انا حبيت اتاكد خفت اني مااقطع او اني ظلمتها فاحبيت احد يحكم ...واعرف وش الصح او الخطأ .. وبنفس الوقت انقهرت من تصرفها معي ع الاقل حافظي ع الاحتراااااااااااام اللي بيننا صح مو صداقه بيننا لكن في احترام وتعارف لنا شهر فقط تقابلنا ع الاقل احترمي هلايااام . |
والله ياهمس مالها حق تزعل. منك ابد خصوصا انك بينتي لها ظروفك يعني عملتي الي عليك وهي بكيفها اذا كانت فعلا زعلانه منك فأنتي سوي نفسك عااااااادي لان الصديقه الصح ماتزعل لسبب مثل كذا
أنا قطعت كثير من صديقاتي بداية حملي وحنا صداقة سنين وابد مازعلو مني بالعكس قدروا ضروفي من غير مااشرح لهم لانهم مثلي امهات فقدروا الي امر فيه * |
اقتباس:
سفري الربوع اللله يعين واببتعد عن زوجي شهر واظن اسبوع زياده (عطله زوجيه له ) بيفارقنا فيها والله ويجدد العزوبيه ههههههه..وانا ياحرام مابجدد العزوبيه ابدا اطلع من جو اختباراتي ادخل بجو اخواتي واختباراتهم ولكن ابجددها ان شاء الله متوعععععععده من تعب الحمل اني ابجدد العزوبيه هههههه وحده معصبه ومقهوره . |
ندى
صدقتي لي صديقه متعرفه عليها لي منها من بداية السنه هي ارتحت لها بجد \ وقطعتها نفس صديقاتي \ وتوها امس دقت علي وسولفت معي وقلت لها عن ظروفي فهي قالت معذوره ومن الكلام اللي يريح القلب . |
الساعة الآن 06:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©