|
اغار على كل البنات وش اسوي..؟؟
بسم الله الرحمن الرحيم السلام عليكم ورحمة الله وبركاته انا شاب ابلغ 21 عام اذا طلعت من بيتنا اشوف بنات راكبين مع سواق لحالهم والنقاب هذا كبره والعيون شق وتطالع في كل شخص اغااار واموت قهر اذا شفت وحده تأشر لموزين وتركب معه لحالها او معها وحده وهي غير متستره اغاااااار واموت قهر لما اشوف وحده تكلم واحد عيني عينك وتعطيه وجه وتبتسم له اغااااار واموت قهر بالإضافه إلى اني اغار على اهلي موووت وما ابيهم يطلعون من البيت مع غيري او مع غير اخواني سواء لحالهم او مع بعض وما اخليهم يطلعون من البيت لحالهم ولا يطلبون من البقاله او من المطاعم لأني انا تقريباً البي لهم كل شي الا اذا جا مني بعض القصور عاد انتم تعرفون الحريم اذا عيينا عليهم في شي واحد قالوما فيكم خير وانا ماارضى يدخل بيتنا سواق لو ايش ما كان ومهما بلغت الحاجه له المهم انا وش اسوي قلبي مره ضعيف ما اتحمل اشوف مناظر كذا وش تنصحوني فيه ..؟؟ وهل فعلي صحيح مع اهلي او لا؟؟ |
اقتباس:
اهنيك يااخوي على قلبك الحي وعلى غيرتك على اهلك وعلى محارم المسلمين .. واحنا في زمن قلت فيه الغيره وقلت فيه استنكار المعاصي ... شوف .. لو شفت منظر مايعجبك ادعي لهم بالهدايه .. وادعي ربك يرزقك زوجه تقيه نقيه تسعد بها ويرزقك منها ذريه صالحه .. الغيره ع الاخوات شئ حلو وطيب .. لكن لا ضرر ولا ضرار .. يعني كل شئ بشكل معقول حلو .. فيه غيره تخنق ... لو مثلا منت موجود مااشوف بأس لو اكبر البنات طلبت من المطعم ولا البقاله ..؟ والوالده موجوده اكيد بتكون سامعتها وهي تطلب ... يااخوي خلك اخ حنون وقريب للاخواتك بعض الشباب غيرتهم تقتل ويضيييق على خواته ويقسي عليهم ... خلك وسط غيور حريص بنفس الوقت تعطيهم مساحه ... الله يسعدك يارب ويخليك لك عين ترجيك .. |
ماشاء الله عليك أخي الكريم .. هذه شيم الرجال.. ولكن لاتضغط على أهلك.. معقول ماتخليهم يطلبو أكل من بره؟؟ وخير الأمور أوسطها .. حاول تكون ليين شوية .. وماتخليهم يتضايقوا.. وبالنسبة لأجانب مافي غير الدعااااااء .. أدعيلهم أنه ربنا يهديهم ويرحرسهم ويستر عليهم |
الله يجزاك خير وَ يكثر من أمثآلك .. وَ لكن أحمد الله على ما انت عليه من صحة وَ كثير من الحريم ما أضطرهم لـ مثل مارأيت الا الحاجة وَ عدم توفر من يخدمهم أو بلادة إحساس بعض من يخدمهم ويلبي حاجاتهم حفظك الله |
يــآآآآآآ الله حسستني بإحساس رائع
لو كل الشباب زيك كــان الدنيا بخير نـــــــــــــــــــــــــآدر جدا إللي بقلوبهم غيرة على بنات المسلمين الله يكثر من أمثالك , بس !!! ياليت لو تكون غيره معقولة ( كلام الأخت اللي قبلي صحيح ) مو قساوه وشده لأن البنات لو حسوا أنهم محاصرين ---> ينحرفوا سوري ع اللفظ يعني يسووا أمور من ورا أهلهم بس حلو لو تحسس اخواتك انو تغار عليهم من حبك فيهم . لكن احساس المحاصره صعب جدا الله يكثر من امثالك |
ماشاء الله قلبك قوي ماهو ضعيف
والغيرة من صفات المسلمين لأن عكسها الدياثة والله الدنيا تكون بخير اذا الشباب زي كذا لكن حط لها حدود لأنها احيانا تكون الغيرة عمياء خاصة في حياتك الجاية مع زوجت المستقبل تحياتي |
هذه غيرة محمودة الغيرة على الدين أسأل الله أن يرزقك الزوجة الصالحة التي تكون قرة عين لك
اللهم امييييييييييييين |
ماشاء الله الله يكثر من امثالك
جميل انك تهتم بخواتك وتلبي لهم طلباتهم الله يوفقك ويرزقك الزوجة الصالحة |
شكراً لكم على الدعوات
ردودكم جداً مقنعه ورائعه بس انا ابي اقولكم شي بهالوقت لما الواحد يشوف شي غلط يخاف ينصح خصوصاً البنات لأن مثل ما تعرفون فيه بنات ما تستحي وما تخيل وتحب النظر للرجال وفتنتهم انا لما اشوف كذا نفسي اسوي شي بس ما اقدر مره بالسوق دخلنا محل انا مع اهلي حصلت وحده جالسه تشتري والبائع حق المحل من الجنسيه اليمنيه الله لايوفقه ولا يرزقه لقيتها هي جالسه تسولف معه وهو لازق فيها وسوالف وضحك رحت لم البائع و هاوشته وما تكلم وقلت للبنت استحي على وجهك جالسه تتكلمي معه كأنه زوجك عيب عليك قامت تصارخ وتهوش انا ما عاد ادري وش اسوي خفت ادخل بمشكله انا مالي علاقه فيها رحت وتركتها , ومره كنت بمطعم وفيه وحده تطلب وتقول للسوري حق المطعم انا جوعانه كثير كثير وكل شوي تردد هالكلمه انا جوعانه انا جوعانه يعني وش تقصد..؟؟ وليه تكررها والسوري وش دخله فيك هذا انتي طلبتي بس الشهاده لله السوري ما عطاها وجه واعجبني صراحه انا ناصحتها وقالت لي ضف وجهك :( ومن بعدها صرت ما اقدر اتكلم مع اني انقهر واغار وتشب نار جواي وانا صراحه من النوع اللي يستحي من الحريم بشكل عام شكراً لكم أحبائي |
الله يوفقك يااخي الكريم انا مقدر لكـ غيرتكـ على شرفكـ ودينكـ ونادرا مانحصل شاب في مثل صفتكـ الله يكثر من أمثالكـ تقبل مروري .... |
| الساعة الآن 10:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©