![]() |
ابي حل عاجل،،
السلام عليكم ،،،
~~~ قريبه لي تمر بمشكله زوجيه،،وزعلت وراحت عند اهلها،،وصار لها اسبوع ويوم تقريبا،، والمشكله ان لها بنت وولد،،ولا تستطيع ان تتركهم اكثر من كذا،، وهي ناويه ترجع لزوجها،،بس هو ضربها ضربا مبرحا ومن المفترض ان يعتذر لها،، ولكن صار لها 8 ايام لا اعتذر ولا دق،، وحست هي انه لازم هي تطيح الحطب،، ونوت تدق عليه وترجع له،، بصراحه هي طلبت مني اساعدها ،،انو وش تقولوه بالمكالمه،، وكيف تبدا بالمكالمه وكيف ترجع نفسه له بدون ماتحس انها فرضت نفسه عليه،، ~~~~ وطلبي عندكم كلام تبدا فيه او وشلون تفتح معه الموضوع،، ~~~ اخواني قريبتي مشاكلها كثيرة مع زوجها من 12سنه تقريبا وتعبت نفسيا فهو مقصر بحق الله،، ومقصر بحقها وحق اولادها،، وهي من تعبها معه اخر اسبوع راحت لأهلها وهي تنوي الفراق ولارجعه،، ولكن اولادها هم نقطة ضعفها،،هو حرمها منهم هالاسبوع وتفطر قلبها عليهم ،، ونوت ترجع له ،،الشكوى لله،،بس شلون تفاتحه بالموضوع وتبدأ معه،، وشكرا لكم |
للأسف ان زوجها عرف نقطة ضعفها واستغلها لصالحه
شخص بلا دين ولا خلق ماذا ترجو منه ؟!!! تحاول ان تدخل اصحاب عقل ودين من اهلها او غيرهم وتاخذ حضانه أطفالها ولا تعود له ، لسلامتها وسلامة أطفالها النفسية |
قبل ماتتصل تستخير اذا فيه خير يجمعها ربي معه وتكثر من الاستغفار بس مسالة الاتصال صعبه على الاقل تقول لاخوها يتصل ويتفاهمون
|
السلام عليكم
يحز في النفس ان تسمع بزوج مستهتر مضيع للحقوق الا يخشى وقوفه بين يدي الله صبر قريبتك مدة 12 سنة لن يضيعه رب العباد ونسال الله ان ياجرها عليه ويرزقها الاخلاص هي ادرى بردة فعل زوجها عندما تبادر بمكالمته والاتصال به فان كان سيقدر ذلك لها فلتقدم عليه دون تردد مع صلاة ركعتين او اكثر متوجهة بدعاء خالص وان كانت ترى العكس وسيزيد من اهانتها فلتكلف العقلاء والحكماء من اهلها ومعارفها للتدخل من اجل انصافها نسال الله لها اصلاح امرها ولزوجها الهداية تحياتي |
مادري وش أقول
إلا الله يكون في عونها تخلي من يتدخل بينهما من ذو الحكمة والدين اما الإتصال فاحس انه ذل واهانه وانكسار -راي شخصي- ولكن لأجل عين تكرم مدينة عشان عيالها الله يصلح حالها وييسر امرها دعيها تستخير |
اقتباس:
هي دخلت والدها وهو حكيم ورايه دائما سديد،،وقال لها اذا طلبتي الطلاق هو راح ينتقم منك بالاطفال لانه صاحب اخلاق سيئه ولا يهمه نفسيتها ولا نفسية اطفاله الذين حالتهم سيئة جدا لاتسر عدو ولا صديق وراح ياخذهم منك ويحرمك منهم والمحاكم لن تكون في مصلحتنا،،واشار عليها والدها بأن ترجع له ،، وطبعا والدها في اول يوم من المشكله كلم زوجها،،واعتذر الزوج من والدها واحتج بإنها لحظة غضب،، ووعد بإن يعتذر من زوجته ولكنه لم ينفذ وعده فلقد مضى اسبوع ولم يكلف نفسه برساله،، ،،،،،،،، ما نفسية اطفالها الله يكون بعونهم البنت عمرها 11 سنه والولد 8 سنوات وتقول يكلونها يوميا ويحكون لها معاناتهم ويومياتهم وتتفطر هي كمدا ع حالتهم،،فزوجها في الليل يقفل عليهم ويطالبهم بالنوم وعدم الحركه من اماكنهم ويخرج يسهر ويتركهم لوحدهم،،طبعا هم في نفس بيت اهل الزوج بس ساكنين فوق واما عماتهم ،،فماقصروا بزيادة نفسيتهم سواءا اذا نزلوا عندهم يسئلونهم بكل قسوة وين امكم هي مريضه بالمستشفى ولا وينه؟؟فلا تسألوا عن حال الاطفال بعدها ،،ربي يلطف بهم،، قريبتي تقول لي والله انهم مثل قسوة اليهود بل اشد،،لاحول ولاقوة الا بالله ،،،، |
اقتباس:
|
اقتباس:
وسأتصل بها واقرأ عليه ردك ،، وربي يلطف بحالها وحال اولادها |
اقتباس:
وزوجها ولا هامه شيء،، آآمين الله يصلح حالها ويسر امرها،، جزاكِ الله خيرا ع مشاعركِ الطيبه |
يا أختي ليش ابوها ما يعزمة بالبيت و يتفاهم معاه يعني و يكون يجبه من باب احترام النسب و يخلي الموضوع يكون بين الرجال يعني يحرج الرجال لين يستحي علي وجهه و يكون منحرج لا الرجال تستحي من الرجال
وبنته بتكون معاه بالمجلس يعني ممكن يتأسف قدام ابوها لها . وبالتالي عصفورين بحجر ولا تنسين يخلي عياله يجون مع ابوهم يعزمه مع عيالة . والله يصلح حال المسلمين ويلم شملها بعيالها. |
الساعة الآن 11:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©