|
من سبق لها تجربة حمل تفيدني ..قلقه جدا ..
السلام عليكم ورحمة الله وبركاته
اخباركم حبايبي من امس قلقه قلة نوم وتفكير أكلت شفايفي من التفكير والان الساعه 9 وشوي مانمت من التفكير اشتغل انظف وانا افكر ! وللاسف مماعرف اي شيء عن حالتي الا من خلال قراتي لبعض مواضيع الناس بلنت لايخفى عليكم اني حامل والان اببدء بلسادس الله يعين مشكلتي هي http://www.66n.com/forums/showthread.php?t=223349 نزلتها باانتظار رد الطبيبه ولكن جعلت هنا لاجل اشوف ردودكم انتم وبلاخص من مرت ووش النصائح اللي تنصحوني فيها هل اقلل شرب الماء ام السوائل بشكل عاااام ؟؟ لااعرف شيء \ حتى مقال طبي مالقيت ... افيدوني احبابي جزيتم خيرا ... متوتره وقلقانه وطفشانه وسفر اليوم اختبارات قربت واببتعد عن زوجي الغالي وكل شيء متضايقه منه ويوم رحت للدكتوره للاسف قفلت الدنيا بوجههي ... ماعندي سكر وانتظر ذهابي للرياض وبعد اسبوع او اكثر ابحلل عن كل شيء للتاكد . |
للرفع وافادتي قبل سفري
|
الله يسهل لك حملك وتروحي وترجعي بالسلامه انشااااء الله
|
والله ماعندي فكرة عن الموضوع أنا أعرف أن موية الجنين أذا نقصت الأمر في خطورة بس أذا زادت الله أعلم
طيب الدكتورة لما عملت لك سونار ماقالت وش سبب زيادة الموية؟؟ على العموم أن شاء الله خير الله يطمن قلبك هموسة |
لا بأس عليكِ ياهموسه
لا تقلقي، أختي بحملينها كان عندها مويه زايده ، وصاروا يتابعون عندها السكر، وطلع ماعندها سكر، وكل مرة يتوقعون سبب وما يطلع صحيح ، واللي فهمناه من كلام الدكاترة إنه المويه الزايده مايعرفون أسبابها تحديداً ولا أضرارها ، فهو شيء بالنسبة لهم مجهول عشان كذا يخافون إذا طلع عند الحامل مويه زايدة ويخافون على الجنين ، ومن الشهر السابع وهم يحاولون يولدون أختي ، بس هي مارضت ، وخرجت من المستشفى وماولدت إلا بعد ماخلصت التاسع ودخلت العاشر،والحمدلله هي سليمة وأطفالها سليمين، فلا توسوسي واكثري من الاذكار وحصني نفسكِ وجنينكِ وما قدامكِ إلا العافية |
ما عندي فكرة أختي همس
حبيت أدعي لك بس الله يتمم حملك ويطمن قلبك |
الله يتمم لك حملك على خير و ان شاء الله ما فيك الا العافيه :22: Polyhydramnionالسكر من اسباب زيادة ماء الجنين و لكن قد تكون هناك اسباب اخرى مثل العدوى التي قد تصيب الجنين حفظك الله و جنينك من كل سوء او انه لا يبتلع الماء المحيط به بالسرعة المناسبة لسرعة تكوينه لهذا السائل و قد لا يكون هناك سبب واضح و يتضح هذا من فحص السونار التفصيلي حيث يتم فحص الجنين و تطور تكوين المريء و الكليه و باقي اعضائه اهم شيء انك لا توسوسين و ان لم يكن عندك سكر ففي الاغلب ان جنينك باذن الله بخير و الشيء الذي يمكن توقعه هو حدوث الولاده احيانا و ليس دائما ابكر من المتوقع بسبب كبر البطن و الضغط الزائد داخلها عموما اذا اردت القراءة عن الموضوع ابحثي باستخدام المصطلح و ان شاء الله يتم حملك على خير و نفرح بسلامتك و سلامة مولودك او مولودتك في احسن صحة و اتم خلقة :14: اعذريني لو كان الكلام جاف شوية بس انا حاولت اختصر مقال الماني شديد الجفاف و في نفس الوقت اطمنك:26: و باذن الله خير |
اقتباس:
اقتباس:
احتماااااااال ان موية الجنين زااايده ...ولكن اعملي تحاليل ..وانا بصراحه سافرت ووصلت امس الرياض واببدء اختبارات وبعد ماانتهي ابسوي سونار وتحاليل وكل شيء وبلاخص التحاليل . اقتباس:
ماتصدقين قد ايش ارتحت يوم شفت ردك والله ارتحت لاني شفته قبل ماأسافر ..الله يسعدك ويوفقك يارب ريحتيني . اقتباس:
اقتباس:
الله يسعدكم وينور دروبكم ماتعرفون قد ايش ارتحت انا وزوجي لاني اعلمه بردودكم لانه حتى هو قلقان واشوفه يبحث بلنت عن هالشيء من ورااااي لاجل ماأقلق .. الله يجزاكم الف خير وان كان من له افاده او حاله مرت عليه مثلي اتمنى يطمني اكثر الله يسعدكم . |
| الساعة الآن 07:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©