|
تجربة ماضية أريد أن أمحي كل تفاصيلها من حياتي !
السلام عليكم ورحمة الله وبركاته ,
أنا مريت بتجربة سابقة وتعرفت على شخص من النت وصار بيننا مكالمات .. وهالعلاقة استمرت سنه تقريبا وبعدها حسيت بندم والحمدلله وقطعت كل شييييء يربطني فيه .. صار يكلمني ويزعجني ويرسلي مسجات فتره وبعدين انقطع ونسيت كل شيء .. والحين لي تقريبا منقطعه عنه 4 سنوات ! حاولت إني أغير رقمي بس كل محاولاتي باءت بالفشل لأن والدي رفض هالشيء لأن هذا أول رقم لي وغير كذا هو مفوتر والشيء الآخر مميز ! ودايما يقول ماراح أبيعه لو تغيرينه .. المهم إنه رافض فكرة إني أغير رقمي ودايما يقول يجيك ازعاجات ؟ اذا فيه عطيني الأرقام وأنا اتصرف ! من بعد مااسمع هالكلام أتراجع عن الفكره لأني ماأبي انفضح لو أعطيه الرقم اللي يزعجني ولأني عارفه مين صاحب هالأرقام .. وهالفتره صاير يجيني رقم ويزعجني صباح وليل مكالمات ! وجاني احساس انه من نفس الشخص .. عطوني حل وريحوني .. وكيف أقنع أهلي بتغيير الرقم ؟؟؟ لأن أعتقد هذا الحل الوحيد إني أنسى هالتجربة وأشيلها من تفكيري .. ولكم جزيل الشكر |
الله يعينك اختي
بس لابد من تغيير الرقم ....... تقبلي مروري |
السلام عليكم
اختي ياانك تقنعي امك عشان تكلم ابوكـ او انك لمن تكوني جالسه معاهم كبي شاهي اوماء بالغلط الهدف عشان تنحرق الشريحه امامهم ويكون عذر لتغييرها صح انك راح تكذبي عليهم بس الاهم انك تتخلصي من العلاقه هذي والله يعينك |
اقتباس:
شوفي اختي.. بما انه من 4 سنوات منقطعه العلآقة معه , معناه انك ما اتصلتي فيه ولا ارسلتي له رسايل, وهذا الشي ماراح يطلع بالفاتورة .. ما عندك حل الا تخبري ابوك وقولي له هذا الرقم يزعجني ووو الخ.. خلك وااثقة من نفسك .. بس اهم شي يكون الي كنتي معه مايعرف عنك معلومات شخصية ..اسمك واسم عايلتك ولا ... .. لأن لو فرضنا ابوك كلمه وقال له معلومات عنك.. مصيبة!! والحل الثاني عندك الهيئة ترى مايقصروون والله.. بس عسى الله يحطك بشخص متفهم من رجال الحسبة .. |
فيه هيئة الاتصالات
وفيه حظر الازعاجااات والمعاكسااات دووري رقمهم بالنت وبتلقينه يوقفون رقم اللي يزعجك وسوي ذي الحركه الين يمل |
أختي خدمة كنترول بالجوال وضعت لحالات الإزعاج
ضعي الرقم 8883 ثم الرقم وارسليها لـ 902 إذا كنت بشركة stc بعد 8883 مسافة ثم الرقم سيوضع الرقم في قائمة المنع ... وترتاحي من الرسائل والاتصالات المزعجة |
ليش انحذف ردي كتبت شي غلط و لا يسيء لصاحبة الموضوع ؟؟
|
| الساعة الآن 02:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©