متخوف من جوانب كثيرة .. ساعدوني
 

توكل على ربك واذا البت مو عاجبتك اطلب تشوفها مرة ثانية وتتاكد من ملامحها وشكلها
هذا راي والله يكتب لك بنت الحلال الي تسعدك يارب

لا لا شعرها مجعد وايد

تأكدت ..

و هذي ضربة جديدة ليا و للبنات اللي بمثل حالتي

يعني في هذا الزمن حتى اخلاق البنت ما ترفعها عند الناس

ما يرفعها غير بياضها و شعرها الحرير نصيحة لوجه الله

لا تقول طيبة و اخوانها فيهم الخير و ترجع تقول شعرها مجعد

انا سمراء و انخطبت لاسمر و امه بيضاء طبعا ما اخذ منها شي

و يوم الخطوبة قبل يشوفني قالو اهله حلوه البنت بس سمرا ..!!

و بعدها مشيت الامور تمام ولين فجأة اختفى هو و اهله و اعلنوا فسخ الخطوبة

باختصار ( ما كانوا مقتنعين ) و انت نفس الحكاية مو مقتنع عشان شعرها

اتركها لوجه الله و اللي خلقها قادر يرزقها من تملا عينه و يركز على اخلاقها قبل شعرها

و آسفة ع الاطالة

على فكره دآيم اسمع الناس تقول العرق دساس

و هذي مقولة مشهورة و ليست حديث نبوي انتبهوا

و الاغلب يقول ما آخذ سمرا و لا شعرها مجعد لأن العرق دساس

لا تنسون يا جماعة ان العرق فعلا دساس في الشكل و الاخلاق

و الخير و الشر يعني اذا تخاف على نسلك من شعرها حتى البيضاء و اللي

شعرها حرير ينخاف على نسلك منها اذا كانت ( بلا اخلاق )

لأن الانسان يورث الصفات الشكلية و بتربيته لأبنائه يغرس فيهم و يورثهم

صفات الخير و الشر فلا تطلقو كلمة ( العرق دساس ) على الجوانب

الشكلية فقط و اكرر و اقول اذا مو مقتنع لا تجرح بنت الناس و تعطيها امل

البنت يهون عندها ان محد يدق بابها و لا تنخطب و يرفضها العريس و يدقق

على تفاصيل مو بيدها و لا بيد اهلها انما هي باختصار خلقة رب العالمين و تصويره