منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   تصرفات بنت جيرانا الطائشه .. (http://www.66n.com/forums/showthread.php?t=223391)

أعماق 12-05-2011 07:21 PM

تصرفات بنت جيرانا الطائشه ..
 

السلام عليكم ..

اختي لها صديقه وتصير بنت جيرانا ... وتعتبرنا عائلتها الثانيه بحكم الجيره الطويله ..

قبل يومين هالبنت كلمت امي عن اختها ... وتقول انها لها يعني مقابلات من ورى اهلها .

وانها خايفه على صحة امها لو درت وخايفه من عصبية ابوها .. وتبغى امي تكلم اختهاا ..

المشكله لو امي كلمت جارتنا مستحييييييييييييييييييييييييييييل تصدق هي طبعها كذا دايم

اذا قلنا ملاحظه على بناتها انتبهي او صار حتى لو امور عاديه ماتصدقنا ابد وتبرر لعيالها ..

وش الافضل نكلم امهاا .. ولا نكلم البنت نفسها وننصحها ..

والام الله يصلحها .. فالته الوضع .. ماهي حريصه عليهم وفيها ثقه عمياء فيهم ..

انتظر ارائكم ..

اصعب حكاية 12-05-2011 10:29 PM

دام الام ماتصدق في بنتها راح تتوتر العلآقات بينكم بدون فاايده, وكلمو البنت نفسها بحضور اختها الي كلمت امك, لكن الاهم ان فيه اثبات ضد البنت,واذا ما تاابت عن تصرفاتها ممكن تنبهو الام بس بطريقة غير مبااشرة,مثلآ تجيبو سيرة البنات الي مثل كذا يطلعو من ورى اهلهم ومن ذا المواضيع,ولو استمرت على الموضوع ,اخت البنت تكلم ابوهاا وتفهمه كل شي, خليه يعصب عليها ويضربها بعد , لأن اتوقع انها كبيرة ومدركة لخطورة الي تعمله, وهو مو موضوع خاص فيها , هذا يشمل العاايلة كلها ,
اللهم لآ شمااته بس مت البنات تفتح عيونها:eek:

لا تقتلنـي بذنـبٌ كنـتَ فاعلـهُ **وانت المؤلف ما بين الشاة والذيبُ
الشاة تعلـم بـأن الذيـب ياكلهـا**والذيب يعلم بما في الشاة من طيبُ


اسئل الله العلي القدير ان يهديها لطريق الصوااب,,:

همس 2009 12-05-2011 11:39 PM

حبيبتي
تعجبت والله من طلب بنت جيرانكم
ولكن
اتوقع ان بينكم تعارف قوي كعشرة عمر ع قولهم ..

سؤال
كيف الميانه بينكم ..؟؟
وبلاخص البنت كيف اخلاقها عامة ..هل هي محترمه بلتعامل ...هل هي مقدره لاامك ..
بوجهه عام علاقتكم بجيرانكم ..؟


واتوقع الافضل عندي عدم التدخل نهائيا ..لان هالشيء مايضمن لكم ان البنت (المخطئه ) تكذب من ناحية امك وتتهمها وتتقول عليها مع امها او اهلها وتوتر العلاقه بين العائلتين ...
حبيبتي
لو انا مكانكم او امي مكانكم بأنصحها بعدم التدخل فهذا الشيء تدخل بخصوصيات عائله اخرى ..!
ووش يضمن ان اللي قالت لكم ان كلامها صدق .؟!لااظلمها
ولكن
ان أتت جارتكم (ام البنت ) تهزء امك وتدافع عن سمعة بنتها
وتقول لاامك مالدليل ؟؟؟
احرررررراج ومشاكل

فااقول
ابتعدوا عن اي شبه او اي تدخل فيهم حتى وان طلبت اختها
تروح لااحد من اهلها الاب الام والله لو انهم يذبحونها الاهم مصلحتها .

أعماق 13-05-2011 12:57 AM

اقتباس:

المشاركة الأصلية كتبت بواسطة اصعب حكاية (المشاركة 2615578)
دام الام ماتصدق في بنتها راح تتوتر العلآقات بينكم بدون فاايده, وكلمو البنت نفسها بحضور اختها الي كلمت امك, لكن الاهم ان فيه اثبات ضد البنت,واذا ما تاابت عن تصرفاتها ممكن تنبهو الام بس بطريقة غير مبااشرة,مثلآ تجيبو سيرة البنات الي مثل كذا يطلعو من ورى اهلهم ومن ذا المواضيع,ولو استمرت على الموضوع ,اخت البنت تكلم ابوهاا وتفهمه كل شي, خليه يعصب عليها ويضربها بعد , لأن اتوقع انها كبيرة ومدركة لخطورة الي تعمله, وهو مو موضوع خاص فيها , هذا يشمل العاايلة كلها ,
اللهم لآ شمااته بس مت البنات تفتح عيونها:eek:

لا تقتلنـي بذنـبٌ كنـتَ فاعلـهُ **وانت المؤلف ما بين الشاة والذيبُ
الشاة تعلـم بـأن الذيـب ياكلهـا**والذيب يعلم بما في الشاة من طيبُ


اسئل الله العلي القدير ان يهديها لطريق الصوااب,,:

مااودي نحرج اختها الصغيره ... انا اعرف انها تسوي هالشئ لاني لاحظت كذا امر .. بعدين

ناقشت امي وقالت لي امي ع الموضوع وقالت وش رايك اكلم امها ولا البنت ...

والبنت الكبيره عمرها تقريبا 19-20 ...

خوفي نكلم البنت اوكي يمكن تتاثر بس المشكله امهاا تارك الحبل على الغارب ..

الله يستر عليها يارب ويهديها ..

أعماق 13-05-2011 01:05 AM

اقتباس:

المشاركة الأصلية كتبت بواسطة همس 2009 (المشاركة 2615607)
حبيبتي
تعجبت والله من طلب بنت جيرانكم
ولكن
اتوقع ان بينكم تعارف قوي كعشرة عمر ع قولهم ..

هي تعتبر امي امها الثانيه ... وفعلا عشرتنا فوق عشرين سنه ...

سؤال
كيف الميانه بينكم ..؟؟
وبلاخص البنت كيف اخلاقها عامة ..هل هي محترمه بلتعامل ...هل هي مقدره لاامك ..
بوجهه عام علاقتكم بجيرانكم ..؟

علاقتنا ممتازه ... والبنت حياويه ومحترمه بالتعامل ..


واتوقع الافضل عندي عدم التدخل نهائيا ..لان هالشيء مايضمن لكم ان البنت (المخطئه ) تكذب من ناحية امك وتتهمها وتتقول عليها مع امها او اهلها وتوتر العلاقه بين العائلتين ...

امم مااتوقع تكذب امي .. انا اكتشفت هالشئ بنفسي وفيه كذا شخص عارف بس ساكت ..
ومو شرط البنت تعرف ان امها درت .. نبي على الاقل تحرص عليها مو تفلتها ..


حبيبتي
لو انا مكانكم او امي مكانكم بأنصحها بعدم التدخل فهذا الشيء تدخل بخصوصيات عائله اخرى ..!
ووش يضمن ان اللي قالت لكم ان كلامها صدق .؟!لااظلمها
ولكن
ان أتت جارتكم (ام البنت ) تهزء امك وتدافع عن سمعة بنتها
وتقول لاامك مالدليل ؟؟؟
احرررررراج ومشاكل

بس لو اسكت والله احس بتانيب الضمير .. يعني عارفين وساكتين .. والبنت تعز علي اشوفها تضيع

وانا اتفرج ...


فااقول
ابتعدوا عن اي شبه او اي تدخل فيهم حتى وان طلبت اختها
تروح لااحد من اهلها الاب الام والله لو انهم يذبحونها الاهم مصلحتها .


ماقصرتي ياغلاي ....

والله يهدي بنات المسلمين ..

مسك 2009 13-05-2011 06:31 PM

الله يستر علينا وعليها يارب

نصيحه مني وعن تجربه


دايم الي اقل من 15 سنه لك عليهم وعلى فهمهم

شوفي مثال صار معانا والله على مااقول شهيد

اختي الي عمرها 10 سنوات راحت عند بنت عمي الي اكبر منها 4 سنوات
وقالت اختي ام 10 سنوات الله يسامحها عن وحده من خواتي انها تحب ولد جارنا وانها تقابله ويروحو مع بعض ويكلمو بعض
ويجي عندنا البيت وكلام كبير بحق اختي المسكينه :(

ماادري ليش قالت كل هذا الكلام الكذبي

المهم بعد فتره يمكن بعد 3 سنين جت وحده من عماتي تنصحنا وتقول الي بينكم لايطلع لبرا
المهم حنا سحبنا عمتي بالكلام ومصدومين من كلامها خير ايش في ايش صآر !؟

قالت عمتي : اختكم فلانه قالت لبنت عمك فلانه انو اختك علانه تسوي كذا وكذا وكذا
كيف الكلام وصلها اقولك
عمتي هآذي عزمت اخوها الي هو عمي وعياله ومنهم بنت عمي الي اختي كبرت القصه لها واجتمعو وجوو اهل زوج عمتي وعندهم بنات كبار وصغار وبنت عمي اجتمعت معاهم وقالت كل شي

وتقول عمتي اجتمعو عندي اهل زوجي وقالو صحيح بنت اخوك سوت كذا وكذا معقول يعني ماشاء الله بنات اخوك محترمات
تقول عمتي بغيت الأرض تبلعني ولااحد يجيب سيرتكم قدامي

عاد كلنا هوجنا على اختي الصغيره ترى صار عمرها بعد ماعرفنا بالسالفه 13 مدري 14 وقالت والله ماادري وماكان قصدي

صحيح اختي كانت تكلم ولد جيراننا بس مو كل يوم
و كانت اخته صحبة اختي وبعد ماتخلص مكالمتها مع اختي تخليها تكلم اخوها
يعني لعب عيال وسن مراهقه حتى والدي كان ملاحظ وكان يدق ولد جيراننا بالكلام لدرجة انو ولد جارنا قال ابغى بنتك ياعم وابوي ضحك منه قال اكبر وانا ازوجك اياه بس ماكان يدري انو اختي تكلمه

واختي الصغيره السوسه سوت لنا فضيحه وتخيلت اشياء من عقلها :(
لدرجة انو بنات اهل زوج عمتي مايجلسو معانا الي الآن:( على بالهم انو حنا صايعات :d


يعني نصيحه مني خذي هالبنت الي نقلت اسرار بيتها لكم هي واختها ام 19 مدري 12 سنه
وقولي لهم كل شي

لاتدخلو امهم وابوهم بالسالفه علشان ماتكبر

كلنا نغلط وبالنهاية نعقل ياليت تنصحينها + تكتمو على السالفه ولاتقولو لكل من هب ودب

ممكن تكون برئيه

ترا في اخوات ان تخاصمو تبلو على بعض :(

الجانب الآخر 13-05-2011 06:41 PM

هناك أناس يرون ابنائهم انهم " ملائكه " ! , ان كانت تلك الأم من هذه الفئه , فلا يوجد فائده من اخبارها ..

أعماق 13-05-2011 10:03 PM

اختي مسك ..

السالفه صح ميه بالميه لاني انا بنفسي لاحظت اموور واثبت لي هالشئ ...

تسلمين ع التنبيه ... والافضل زي ماقلتي نكلم البنت نفسها ...

جزاك الله خير ..

أعماق 13-05-2011 10:04 PM

اقتباس:

المشاركة الأصلية كتبت بواسطة الجانب الآخر (المشاركة 2615972)
هناك أناس يرون ابنائهم انهم " ملائكه " ! , ان كانت تلك الأم من هذه الفئه , فلا يوجد فائده من اخبارها ..

صدقت هي لا يمكن تصدق في عيالها ...

الله يهديها بس


الساعة الآن 02:18 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©