|
اشعر بضيق شديد بسبب افكار خطيبي
اشعر بضيق شديد بسبب افكار خطيبي عندما زارني اخذ يقول لي ويفهمني ان القوامه بيد الرجل وهو الذي تكون له الكلمه الاخيرة وقال لي انا لامانع النقاش والحوار ولكن في الاخير راي الذي يمشي لان المراة تتحكم بعواطفها والرجل هو الذي يسير المنزل والمراة لازم تطيع زوجها حتى على امها وابوها واسالي اي شيح راخ يقول لك صح كلام زوجك وشرح لي هذا الموضوه كله وقال لي مثلا لو قلت لكي لاتذهبي اليوم لزيارة اهلك تسمعي كلامي ولكني انا لامنعك عن الزياره لاهلك بس هذا مجرد مثل بجد نكد علي وقال لي ايضا انا لااؤيد الذهاب عند صحباتك لوحدك قلت له لماذا قال لي انا ماضمن الصحبات ممكن تكون سيئه فقلت له انا ماراح اروح عند اي وحدة راح اروح عند الي اعرفهم فقال لي ممكن يكون زوجها سئ قلت له طيب يعني ماراح تخرجني عند اخد قالي لي الا حتخرجي بس مع امك او جيرانا ادا كانو طيبين لانو نتي امانه عندي ومن هالكلام
وفي سالفه ثانيه وهي موضوع الزيارات انا الحين في ساكنه في منطقه وهو في منطقه اخرى ويجي يزورني من فترة وفترة والحين انا في الاجازة راح اسافر المنطقه الي هو ساكن فيها واجلس في بيت جدي وهو يقول لي بجي بزورك في بيت جدك قلت له جدي من النوع انو ماعنده زيارات فبالتالي ماراح يرضى وكلمته انا عن هالشئ ومارضي وعصب وزعل قال انتي زوجتي حلالي وانا ماسوي شئ خطا وراح اكلم خالك يقنعه وانا قلت له لاتكلم خالي وهو مصمم انو يكلم خالي قلت له تخيل انك خطبت وحدة وشفتها وابوها كان رافض الزيارات قال لي راح اقنعه قلت له واذا مارضي مرة انك تزورها او تكلمها قال راح اقول لابوها لك خيارين اما اني راح ازورها او كل مين راح يتسهل في طريق انصدمت من ردة فعله وفي سالفه ثالثه وهي انو احنا فتحنا سالفه الملابس وهو يقول لي على الماركات انو هي مجرد اسم وانو حرام يشتري الواحد بلوزة رجالي ب200 البلوزة حدها خمسين ريال فخفت انو يكون بخيل وانو كمان كل زيارة له يجيب لي وردة بس انا ماني ماديه لا بس انا اخاف هالشئ يستمر انا مرة مترددة هالشئ الي يصير معاي طبيعي يجدث مع كثير من البنات او انو هذا الشئ يدعو للانفصال ارجوكم لاتجاملوني قولو لي الصراحه هذي حياة مو لعبه واش رايكم مين الغلطان لاني حيل متضايقه |
والله يا أختي أنا أتوقع إن الرجال هذا متأثر بكلام ينقال له ويسمعه
كلامه ممكن صحيح بس مو وقته يقوله الآن ومع إني أنا رافض فكرة كلامه نهائيا وقلتها لخطيبتي حتى قلت أنتي شريكة حياتي وأنا شريك حياتك كل الأمور تكون بالتشاور والرأي والنصيحه وما لها داعي يجي واحد يسوي إنه المسيطر لا بالعكس نخلي الحياه حب وتقدير مشاعر الطرف الثاني وصدقيني أنتي بتأثرين عليه إذا بدأ يكلمكي بالطريقه هذي قولي تمام ومشي معه السالفه لكن بعدين راح تقدرين تغيرين منه بإذن الله بالتفاهم والمحبه ولا تنسي دعاء الله عز وجل ومن ناحية البخل ما أتوقع إن فيه أحد راح يبخل على خطيبته وزوجته وحبيبته بشيء أبد خاصه في البدايه لكن يا أختي هذا يعتمد على الحالة الماديه لخطيبك ممكن يكون مقصور اليد شوي يعني متوسط الحال وأغلب الناس كذا فهنا الوصيه لكي بالصبر والتحمل قليلا وبإذن الله كل ما يمر الوقت أكثر وأكثر راح تتحسنون أحسن وكل الدعاء بأن ييسر الله زواجكما ويسعدكما في حياتكما |
استخيري يا اختي مره و مرتين وثلاث
حتي لو توصل ليوم الزواج اذا في شي مو عاجبك ناقشيه وقولي له هذا مو عاجبني هذا مايصير الحياه الزوجيه مشاركه انتي اضافه في حياته وهو اضافه في حياتك تعاملوا علي هالشي مو علي اساس السلطه ابدن ماتمشي الحياه الزوجيه بالسلطه وطبعا كل شي بالاسلوب وبالهدوء يصير لاتسكتين تسكتين واذا جا بعد خمس سنين ست سنين قلتي لا هذا مو عاجبني انا ماقدر اتاقلم ابي اروح لصديقاتي ابي اطلع بيقول لك انا مبين لك كل شي من البدايه وتماشيتي مع الموضوع ليه توك تتكلمين والا يتغير رايك وتجادليني فيه فيه رجال من طريقه تعاملك معاهم تحسينهم مع الايام وبالاسلوب يتغيرون وهذا يبين من البدايه لكن صدقيني في نوع ثاني التعامل معاه يعتمد علي انتي وش عودتيه في بدايه حياتكم 1) انك تسكتين وماتبدين رايك ولا شي 2) او انك تتكلمين وتناقشين وتقولين اللي عاجبك واللي مو عاجبك الله يوفقك ياااااااارب ويسعدك مع اللي يستاهلك ** نقطه اخيره : البخيل انحاشي عنه بدون ماتاخذين راي احد .. |
طيب وش اقول له لما اكلمه اخاف يقزل لي طيب وبعدين يحرمني والله اني في هم مايعلم فيه الا الله هل اطلب الانفصال
|
يا أختي أسأل الله لي ولكِ ولجميع المسلمين الهدايه طبعاً أنا شفت سؤالك من بدري شوي بس حبيت أحد يسبقني ويجاوبني لكن الآن لهذا الحد ما أحد رد يعني شكل مافيه إلا أنا الله يعين وهذا لأني والله مقدر الوضع اللي تمرين فيه الآن وفاهمك زين لكن يا أختي تعوذي من إبليس ولا يلعب بعقلك واعرفي ان هدفه هو التفريق بينكما أختي لا تتعبين نفسك بالهم والغم والتفكير والوسواس واعقدي أمرك وتوكلي على الله إن الله يحب المتوكلين وفكري بأي شيء إلا الإنفصال لأنه والله والله والله مو حل أبداً أبداً أبداً مهما كان ومهما صار ومهما ومهما ومهما يا أختي إذا فيه بينكم حب حقيقي فوالله أي واحد بيضحي لو بحياته علشان الثاني مو بأشياء بسيطه توكلي على ربك واعزمي ولا تتعبين نفسك بالهموم والتفكير يا أختي كفااااايه طلاق كفااااااايه تشتت أسر كفااااايه ضياع أحلام كفااااايه يا ناس كفاااااايه أختي صدقيني والله بتسعدين بحياتك بإذن الله معه مهما كان إلا إذا كان زواج جبري أو إنه الهدف من الزواج غير الحب والحياه الزوجيه فممكن كذا معكي حق ومو تفكرين بالإنفصال بل انفصلي من الآن لكن إذا كان الزواج عن رغبه وحب لبناء أسره مسلمه فكذا اصبري واصبري واصبري واعلمي أختي مستحييييييل تحصلين بالدنيا هذي رجل كامل كل شخص وكل إنسان وكل رجل فيه أخطاء ويلزم أن يكون هناك اختلاف آراء ووجهات نظر بين الزوجين خاااااصه في البدايه لأنهم عايشين في بيئات مختلفه عن بعضهم لكن بالرأي والتشاور والتناصح تنحل هذي الأمور ومع الوقت يبدأ التأقلم أختي فكري بكلامي زين واعرفي أبعاده ويشهد الله إني ما كتبت هذي الكلمات إلا محبة للخير لكي أسأل الله أن يسعدكي ويقر عينكِ بزوجك وتقبلي مروري .. أرجوا من الجميع الإدلاء بآرائهم ,, |
مرحبا فيك أختي
ياحليله متحمس اخونا في الله وصار يقول اللي ينقاله زي ماقال اخونا الراقي , انتي ممكن لمن تعرفينه أكثر راح ترتاحين له إذا مانقدتي إلا على الحاجتين بسيطة مع الوقت بيرضخ للأمر الواقع ياما شفنا رجاجيل مرره متشددين ولمن تزوجوا تغيروا جذرياً ,, أذكر واحد من ربعي كان ابوينادونه بكنية أبوفيصل وبعدما تزوج وجاه ولد قلتله هاااه ان شاءالله هذا فيصل قال لالا المره تبي يكون زي أسم ابوها مع انه مرره عصبي وشديد لرايه إلا انه رضخ لآمر الزوجه,, انتي كوني قويه بأحترامك له كوني قويه بحنانك عليه كوني قويه بأحترام اهله كل الأمور هذي تجعل الزوج يعشق زوجته ولا يرفضلها أي طلب وحتى لو رفض اعتقد بالأخير راح يقبل لآنه مطلب لزوجته ,, عموماً الله يوفقك اختي ويتمم عليكم يارب ,واصبري موب اول سلبيه فالرجل كبرتيها يمكن بعد انتي فيك من السلبيات مالله به عليم ,, |
حبيبتي أنا لماقرأت كلامك أضحكت لأنو مافي شي بزعل أبدا ولابضايق بالعكس لأنو مثل مابتكون البنت متخوفه من الرجال كمان الرجال بكون متخوف من البنت وتفكيرها وانوحكالك هالكلام مابعني انو حيجبرك أويمنعك من شي بس انتي احكيلو كلامك صح ومش حعمل شي ضد رغبتك وبالنسبه لكلامه انو بده يشوفك بالعكس لازم تنبسطي كثير لو أنو مو سائل فيكي مابتفرق معه يشوفك أو لأ وعن الماركات برضه مالها دخل بالبخل لأنو نفس مبدأي وأنا ايدي فرطه وبصرف كتير وعارفه وانتي بتحكي كأنك بتحكي عن زوجي لما كنا خاطبين وهلا وبدون مبالغه ولاأحسن من هيك وبروح وين مابدي وتاركلي كامل الحريه وكريم وبحبني المهم لاتسمعي كلام من حد متل ما اعملت أنا وحتعيشي أحلا حياه ودائما فاجئيه بردة فعلك بأنه كلامه صح وما تعاكسيه
|
| الساعة الآن 11:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©