|
فاشل في اقامة علاقة وديه مع زوجتك
تقول زوجتي
على شدة حبك وشغفك بالنساء الا انك فاشل في اقامة علاقة وديه مع زوجتك !!!؟؟؟ قلت لها وش هالكلام ترا مصختيها قالت معظم الرجال كذا من وين تجيب هالكلام هالحرمه مدري وش رايكم صدق معظم الرجال كذا |
الرجل فاشل الى حد ماااااااااااااااا في اقامت علاقه وديه مستمره مع زوجته يعني ودنا هل العلاقه الوديه اتدوم فتره طويله بدون ما يتخللها مشاكل تافهه والسبب هو الرجل :25:
|
هالحرمة؟؟؟ الي تتكلم عنها زوجتك وعايشة معاك الحلوة والمرة.. وقالت الي تشعر بيه وحاسته..( ماتعرف تكون علاقة ودية).. يعني علاقة مقرّبة.. فيها حب ومشاعر واهتمام.. تكون مشتعلة على طول.. مو علاقة جافة أو روتينية... الله يهديكم ويجمعكم على خير.. |
أخي الكريم خليك من سؤالك هل اغلب الرجال كذا ولا مو كذا خليك بنفسك لان كل شخص وله طبيعته وله ظروفه اللي اتربى فيها ومجتمعه اللي محيط فيه يعني الكل بيختلف عن الثاني وان اجتمعوا في بعض الطباع والعادات انا ملاحظه انك كل فتره تنزل موضوع زوجتي قالت وقالت يعني تعطيك رؤؤوس اقلام عن صفات ماتحبها فيك المفروض هنا انك تحاول تعرف وش اللي ماتحبه زوجتك فيك وتحاول تغيره بمعنى بما ان عندكم شغاله خل الاطفال عند الشغاله واتصل عليها قولها بعد ربع ساعه انا جايك بنروح مشواريعني الربع ساعه علشان تجهز نفسها واذا قالت ليه وين نروح قلهاشغله بسيطه وراجعين ان شاء الله مو مطولين وديها مطعم واتعشوا وقولها ابغاك تصارحيني وش اللي مايعجبك فيني خليها تطلع كل اللي عندهاوانت قولها كمان انا كذا وكذا مايعجبني وصارحوا بعض وانت حاول تعدل من تصرفاتك اللي ماتحبها فيك مو بس تعرف وش اللي مايعجبها وتجلس مستسلم لهالشي بدون تغير بس يجلس بنفسك انها قالت وقالت الله يهديكم لبعض |
انا من الناس أحب تكون الزوجة صريحة مع زوجها مهما كانت حتى لو زعلته دام الزوج وضعه صعب لابد أن تبدي الزوجة رايها والعكس كما ينطبق الحال على الزوج برضو ينطبق على الزوجه ولكن أفضل مكان او طريقة لفتح القلوب هو المكان المريح إذا وجد المكان المناسب وهو مكان غريب مايتواجدون فيه بشكل دائم يعطي الزوج او الزوجه ارياحية في التعبير عن مافي ذات من مشاكل ويخرج مافي قلبه حتى لو كانت امور بسيطة حتى لا تتأزم
|
اعتبر زوجتك صديقتك وزوجتك واختك واهلك وتأكد انك سوف تعاملك بالمثل
|
معليش اسمحلي انت اعطيتها وجه زيادة عن اللزوم ...
يعني بعد تصرفاتها معك والكلام اللي قالته لك من قبل ... انا ما اعرف كيف تحط عينها بعينك ... لا احد يجي يتفلسف ويقول هو سوى وهو عمل ... تظل للزوجهخطوط حمراء لا تتعداها على زوجها .. واذا ما تبغاه تخرج من حياته بكرامتها .. اما اللي جالسه زوجتك تسويه .. فهو استغلال لموقفك واحساس منها بضعفك وتمادي لانها تشوفك تجري وراها ..انا ما اقول لا تدور رضاها لكن ارجع واقول هي مزودتها ... وما يبغالها الا الطنااااااااااااااااااااااااااش لين تعرف ان الله حق يا يرجعلها عقلها وتتصرف مثل العالم والناس وتوزن كلامها وتصرفاتها .. يا انت لا تجلس تنتظرها تتحن عليك .. وقلها اذا كنت ما تعرفين وش تقولين ترى مو ضروري تتكلمين .. وردا على انك فاشل واغلب الرجال كذا ... قلها وانت فاشله تحتوين زوجك وتحافظين عليه .. واغلب الحريم كذا ؟ |
أخي الكريم رجل ولكن
مريت على جدالك مع الأخ الكريم أمير الحرف في موضوعه عن الزوجه الثانية وأجد هنا موضوع من الوجه الآخر للعملة نفسها. والعملية هي ليش ثقل الدم بين الزوجين وسبق أن بحثت هالشي وسويت دراسه مختصرة له وأقرب مثال ليش الزوج خفيف دم مع أخته وثقيل دم مع زوجته وهي مع أخوها خفيفة دم ومع زوجها ثقيلة دم الجواب ببساطه(وش يبي بهم إبليس هي وأخوها) لا بينهم طلاق ولا مشاكل ولا ضياع أولاد فيحوس أخته مع زوجها مو مع أخوها ويشين الزوجين بعين بعض ويجمل لهم غيرهم ومن يستجيب له يقع في حبائل إبليس عليه لعنة الله . لذلك عدم إقامة علاقة ودية يشمل الطرفين إلا من رحم الله. |
الأخ الفاضل رجل
عندما تقول لك زو جتك : أنت فاشل بإقامة علاقة وديه معي أو تقول : ليش انت اذا كنت جالس معي بس مكتم وساكت وزهقان و و و الخ . فهي تتحدث عما تلاحظه فيك ويزعجها منك وليس حلاً أن نقول أن معظم الرجال هكذا , وأنك لست وحدك بهذه الصفات وعليها أن تتحمل بل هذا تهرب من المواجهة ولا يغير شيئاً من السلبيات . لا تلتفت للردود المخدرة , وعليك بنفسك وأصلحها قدر استطاعتك زوجتك ستستمر بإبداء الملاحظات على كل ما تراه منك مهما كان صغيراً وكل ما سكتت عنه طيلة سنوات زواجكم ستتحدث به الآن فهي الآن بصدد تقييم علاقتها معك من الصفر , وغسل كل ما علق فيها من الشوائب وهذا كله لأنها باقية عليك , ولا زالت تودك أما لو قررت تركك وطلب الطلاق , فلن تبدي لك أي ملاحظه وسيكون لسان حالها : ماذا يهمني منه , ولماذا أحرص على توجيهه للأحسن والأفضل ؟ من يهمه أمرك هو من يبدي لك ملاحظاته ويتمنى تغيرك للأفضل ويود لك الأحسن ومن لا يهمه أمرك , لو رآك تلقي نفسك من فوق ناطحة سحاب سيصفق لك ويحييك . رداء الخجل منك الذي كانت ترتديه سابقاً ومراعاة مشاعرك , وعدم جرحك بالكلام والملاحظات .... الخ سقط الآن بعد مشكلتك الأخيره , وتجد من نفسها الجرأة الكافية لقول كل ما يضايقها منك بدون أي حذر , لأن ما حصل منك جرأها وسيجرأها لقول كل ما هو غير متوقع من طرفك فلا شيء بنظرها يستحق السكوت أو مراعاة مشاعرك أو مجاملتك كل ما يحدث الآن هو تداعيات للمشكلة الرئيسه . هي الآن ستضعك تحت المجهر بكل صغيرة وكبيرة وعليك بناء حياتك من جديد إبتداءاً من الصفر , وزرع الثقة مجدداً وبقدر ما تبذل مجهوداً ستختصر الزمن على نفسك وبقدر ما يقل مجهودك سيطول بك الزمن ولو توقفت عن بذل الجهد , لن أستغرب لو أصرت زوجتك على الطلاق . |
ماشاءالله عليك ياابو حكيم ماشاااااااءالله حللت الامور صح
هي تعاتبك وتبغاك تعطيها الثقه وانت الله يهداك مو متحمل شئ منها في موضوعك الاول عن الملاطفه مع الغير اقولك بكل صراحه زوجي مثلك يكلم الناس باحترام وصوت هادئ اما انا وبناته دايم عصبي علينا ولا يسولف معنا الا ماندر لكن عادي مو شايفتها مشكله كبيره ومتقبلتها واحاول اغير من طبعه ويمكن اغلب الرجال كذا .. لكن مثل حالتك لا انت جرحت مرتك بالخيانه وياما قلنا لك ان تصرفات زوجتك تدل على انها تحبك وخصوصا باسئلتها هذي وانت الله يهداك تعصب عليها موالمفروض تعطيها الثقه وتكلمها بلين وتلاطفها اكثر من الخادمه والاغراب ؟؟؟ وخصوصا ان وضعك حساس وتقبل منها اي تصرف لانها تقبلت بخيانتك وجالسه معك للحين ومع ذلك تقسى عليها .. كان ودي لما قالتلك تفشل بعلاقه مع زوجتك تقربت منها وقلت لها انا ماابي غيرك ولا راح اشوف واحب غيرك وتوددت معها مو العكس الله يهداكم ويسخركم لبعض وياليت تحط اسئله زوجتك بموضوع واحد بدل هالشتات |
| الساعة الآن 11:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©