|
تعبت مع زوجي وقلقه الزائد
السلام عليكم ورحمة الله وبركاته مساء /صباح الخير أخواني ،أخواتي اريد من الله ثم منكم النصح والإرشاد منتبهين إلى الآيه الكريمه عند بداية الرد مشكلتي بدأت بعد انجاب طفلتي البكر يعني اول مولدة:15: في البداية زوجي من النوع القلق في النوم وخصوصا اذا فيه حاجة جديدة في حياته كان في بداية الزواج ماينام يجيه قلق وكنت اسأله يقول عادي يابنت الحلال طبيعي بالرغم انا متملكين سنة وزيادة وطرحنا خلال السنة هذي كل شي ممكن يخطر على البال والحمدلله استمر شهرين ع هذا الحال -القلق- ورجع ينام ممتاز.:25: وواستمر كذا طوال فترة الحمل ..................... ولمن ولدت كانت الصدمة .....قال نامي انتي في الغرفة وانا بأنام في غرفة ثانية لحتى ماتهدا البنت. والصراحة بنتي كانت تبكي طوال فترة الليل خابرين المواليد تجيهم مغوص ومن هالقبيل . و قلت خلاص و تعبت نفسيا لأن الصراحة الزوج والزوجة لازم يكونوا بسرير واحد. والمثل يقول ( اذا تجافت الجنوب تجافت القلوب ) مع العلم كان أحيانا يجي ويقول اشفيها تبكي وهيه والله ماكانت تبكي يقولي خلاص صرت اتقلب واسمع صوتها على طول مرت الأيام والبنية هدأت وصارت بسم الله عليها وحاولت انه يرجع للغرفة ومو راضي يرجع ويقول مايجيني نوم انتي وبنتك تنامون وانا جالس أطالع ليكم . قلت عالقليلة يومين الأجازة نهاية الأسبوع تنام معانا ويرجع معانا وماينام قلق ع طول الخط. مع ان البنت ماتطلع صوت كذا بس قلق عالفاضي ،وناقشته اكثر من مره عندك مشاكل مااعرفها، ديون تشغل بالك ، ترانا سوا عالحلوة والمرة . اللحين عمر البنت سنه وعلى هذ الحال تصدقون كرهت غرفتي النوم . واللحين ينام لحاله وعنده قلق يعني يروح لغرفته من الساعه 12 يطلع 3 ويقول لساني مانمت لكن صرت كأني عزابية نوم لحالي واسهر لحالي مع اني انسانه عندي دوام أرشدوني كيف اتصرف معاه وكيف ارجعه ينام في الغرفة بكره النهار يكثرون العيال وين ينام برا البيت:24: ويامعشر الرجال هل هذا طبيعي لأني أخاف من الحسد جعله بعيد عني وعنكم لأن وحده من قريباته دخلت غرفتنا اول ماولدت وكنا مجهزين سرير للنونو والغرفة بالمرة حلوة فخفت انه منها وكمان اكره اني اعلق كل شي عالعين والحسد. آسف عالإطاله ارائكم ومروركم شرف لي تقبلوا تحياتي |
يمكن زوجك من النوع الي نومه خفيف جدا ولا يتحمل اي حركه ولو بسيطه او يعاني من بداية قولون ان شاء الله فتره وتعدي حاولي انك ماتظغطين عليه كلميه بكل لين ورفق وبعدين اذا بيطلع وينام برا الغرفه قولي له اجلس في غرفتك وانا بنوم بنتي في غرفه ثانيه علشان يتعود على النوم في غرفته وبعدين اقراي الاذكار وسوره البقره لان فيها بركه وتطرد السيطان ويارب يجمع شملكم ويبعد عنكم كل حاسد
|
اختي صرخة حب
حياك الله نومه خفيف لانه قلق بالأول ماكان خفيف وانا حامل اروح لدورة المياة اكرمكم الله اكثر من مره ومايصحى شكرا عزيزتي لأهتمامك ومبادرتك في الرد تقبلي حبي |
يمكن هو ينام في النهار يطول...عشان كذا مايجيه نوم في الليل...
او يشرب شاهي او قهوه...خليه في يوم يمتنع يشربها ويختبر نفسه يمكن ينام.. وبعدين انتي الله يهديك وقت ماكانت البنت صغيره وتبكي في الليل المفروض تلقائيا تاخدين بنتك تطلعين وتروحين غرفه ثانيه عشان زوجك ماينزعج وينام في غرفة نومكم عشان مايتعود على غرفه ثانيه..اعتقد هو تعود على الغرفه الي هو ينام فيها الان. وتاقلم مع جوها.انتي غلطتي من البدايه وهذي غلطت كل زوجه بعد الولاده انها تجلس في الغرفه هي والمولود وتخلي زوجها ينام في غرفه ثانيه..وش فيها لو خرجتي من الغرفه لحد ماتكبر بنتك شوي وتهدا. .قدر الله وماشاء فعل.. |
حاولي مرات للنوم معا قبل ان يتعود
تصدقين وحدة من معارفي رفض زوجها النوم معها في بطانية واحدة وعاشت سنين على الحال كل واحد في بطانية وتقول شكت مرة لوحدة وقالت انتبهي لو تخيطي البطانيتن معا بس لاتبعدي عنه وتقول طبقت نصيحتها وفعلا قربت انفسنا |
الله يسخره لك
حاولي تهدئين جو غرفة النوم بخري و عطري خففي الإضاءة جددي بأي شكل و الله يريح بالك يا قلبي |
حاوولي معاه
كثرر الدق يفك اللحام بس امرره غريب |
مرحبا فيك أختي شروق ,,, الرجل حينما يقلق تأكدي أن هناك أمر ما في حياته سوا كانت العمليه او الحياتيه ويبدوا أن مافي زوجك إلا وسوسه وهذا مايجعله يسمع صوتك بنتك وهي ماتصيح ,, العلاج ,,
من طرفك انتي : 1/ أجعلي القرآن دائماً مشغل سوا كان في غرفة النوم او بالبيت ككل بصوت عالي ولا يكون مزعج , 2/ الأتصال على طبيب نفسي وذكر مايفعله زوجك قبل النوم واثناء النوم و إذا كانت هناك كوابيس موعجه . 3/ الدعاء لزوجك بالشفاء اما من طرف زوجك هو اللجؤ الرقية الشرعيه وبإذن الله ماتشوفون شر ,, |
هل زوجك قلق في جميع الأمور الحياتية ؟
بمعنى اذا عنده شئ غداً , هل يشيل همه ويظل يفكر به ؟ ام فقط لايستطيع ان ينام ؟ |
اقتباس:
أختي يمكن ماينام فالليل واليوم الا 3ساعات وانا من البداية ماكنت معاه في الغرفة كنت لوحدي في غرفة ثانية بعدين اقترح علي اني انا انام بالغرفة وهوه بيروح لغرفة ثانيه لحد ماتكبر البنوته اشكر مرورك تقبل حبي |
| الساعة الآن 06:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©