|
مشكلتي مع زوجي بعد زواجه الثاني وتعلقي به
يا بنات الحقوني...عندي مشكله وابغى احد يسمعني ويشاركني همي احسني تعبانه مره.... مشكلتي مع زوجي ...قبل شهر سوا ملكته طبعا خش عني الموضوع وقال لاهله لا احد يقلها بحجه شبكه اخويه ما يبغا ينكد عليه قبلها المهم يوم رجعت البيت بعد شبكه اخويه لقيته اخذ العيال وداهم عند عمتهم يعني يبغى نكون لوحدنا الاهو قايلي عن ملكته في البدايه انصدمت بس بسرعه تمالكت نفسي وقلتله عن شروطي وطبعا وافق اللي صار بعدها كان معايه مره حنون ويراعي مشاعري لكن سبحان الله اللي تغير بعد الملكه انه كان بيننا مشاكل طويله فكان قاسي معايه وانا على قد القسوه ابعد عنه واكرهه اللي تغير حسيت يابنات باحساس غريب ماادري غيره والا حب حقيقي احسه له في قلبي ..اللي صار اني بعد ماكنت ابغاه يخرج من البيت صرت ما ابغاه يغيب عني واللي احسه في صدري مو غيره احسه لاول مره اني اموت فيه لكن ايش صار بعده صار يتضايق من لهفتي عليه ويقول ايش اللي تغير نفس خروجي الاول ونفس وضعي لكن الوضع موكذا اللي صاير انه اذا قعد معايه احسه مومعايه في البدايه كان قدامي يرسلها مسجات وهي ترسله اكثر واذا خرج يطول يكون يكلمها وانا تضايقت مره وكنت ابكي على طول اقله ابغاك اذاكنت عندي تحسسني انك معايه في البدايه كان يحاول بس بعد كذا صار يعصب ويقولي فينك من زمان ماكنت موجود وانتي مومعبرتني الحين يوم اتزوجت صرتي تموتين عليه واذا بكيت عنده يعصب عليه ويقولي قومي لاتبكين عندي ابكي بعيد عني شوروا علي يابنات كيف اتصرف ابعد عنه واخلي اللي في قلبي في قلبي واخليه لحياته الجديده مع العلم ان زواجه في اخر شهر شوال كيف اتصرف احس اني تعبانه مره .........ردوا علي يابنات بسرعه الله يوفقكم
|
في الحقيقة ان المرأة لاتحتمل ان زوجها يتزوج بأمرأة أخرى
وحالتك قد تسؤأ مع اقتراب الزواج طبعاً اكثر المعددين علاقتهم مع البيتين علاقة ليست قوية الحل في وجهة نظري :: هو ان تتقبلي الأمر وتحاولي تتعودي على غيابه وان تطلبيه أن يعدل بينكما وان تحاولي ان تجعليه مرتاح عندما يأتي الى البيت حتى هو يحن الى المجيء الى البيت |
المشكله اني كلما حاولت اتعايش مع الوضع الاقيه ابدا مو معايه يعني على قد لهفتي عليه الاقي مو منتبه لوجودي اصلا ويوم اشوفه زي كذا معايه اتعب مره لدرجه احس اني مريضه واسحب نفسي عنه بعيد طبعا اقوم بواجباته بس كاني لوحدي وهو يوم يشوفني زي كذا يتركني وكاني ما اعنيه في شي بل بالعكس اذا طالعت فيه الاقيه مرتاح ومبسوط ولاهو شاغل باله بتعبي وفي الاسبوع هذا صار يتركني كم يوم هو في حاله وانا في حالي واذا يبغى يسوي لي تعويض يناديني للفراش وفوق هذا احسه بس واجب يؤديه وكانه في نظره انه زعلي عشان هذا الشي بس بالله كيف اسوي بنفسي وكيف اتعامل معاه
|
ابحثي عما يشغلك عنه .. ابحثي عن نشاط خيري ... دورات .. دراسة .. عمل .. علاقات اجتماعية مع الاهل والصديقات
لازم تشغلي نفسك والا بتتعبي كثير |
كيف اشغل نفسي وانا كذا حتى اذا حاولت احس كل شي ماله طعم ، مثلا كنا متفقين امس نسهر لكن تاخر في العمل لين الفجر ورجع مره ثانيه العمل عشان عندهم اجتماع ورجع الساعه عشره الصباح ويوم بغيت اروح له قال خليكي ارتاحي لاني تعبان وطفشان وجلس على النت وكان باين عليه الطفش ومعصب عاد انا قمت شفت طلباته وقابلت عيالي شوي الاهو خارج ومعاه الجوال طلع يكلم برا جلس امكن ربع ساعه او نص ساعه ويوم رجع قال للعيال وين امكم تعالي اجلسي معايه ،انا ابغى افهم يعني كان طفشان ويوم كلمها ارتاح وبعد انتبه انه كان مومعايه والحين يبغى يسوي تعويض. اناما اتحمل كذا دلوني كيف اتصرف انا مره تضايقت وسكت وقمت اشوف البيت وشغلي وتتوقعون ايش اللي صار كان شايفني متضايقه وسكت وقبل شوي لبس واتكشخ وخرج ولاحتى طالع في وجهي حتى ملابسه قال لبنتي تجهزها له شكله رايح لخطيبته كيف اسوي وكيف اتحمل افيدوني
|
صراحة اللوم عليك موع زوجك
من اول هو عندك ولاشئ ولما تزوج تعلقتي فيه مو حبا فيه بس غيرة ان في حرمة فيرحياته غيرك اول معاملتك معه ببرود لانك ضامنته عندك ولما فلت من يدك تبغي ترجعيه بس لانه فلت من يدك مو لانك تحبيه يعني سببتي للرجل الم في السابق وهذا ظلم من المراة الي ماتحاسب نفسها ع افعالها وتخاف من الله قبل كل شئ والظلم شين والحين رجع هو ذوقك الالم بزواجه كلمة اخيرة ارجعي لربك واستغفري وصححي اخطائك عشان يرجع يهتم فيك اما ملاحقته ومطاردته لك اعتقد انها فاشلة تحياتي ,, |
|
لاانا موكنت اعامله ببرود لاني ظامنته لي ابدا انا كنت بعيده عنه لانه كان قاسي عليه فكنت اي تصرف منه حلو معايه موحقيقي لابس عشان رغبته يعني الدافع وراها الجنس واذا مااخذ اللي يبغاه يعصب وينكد ويحرمني من اي شي ابغاه يعني ماكان فيه فرصه اني حتى احس بحبه اواصدق اني احبه الحين احس احساس غريب مااقدر اعرف ايش هوه اناغيرانه والا احبه حقيقي ابعد عنه نفسيا واهتم بعيالي واكون في حالي والا كيف
|
الله يربط على قلبك أختي,,
صدقيني اختي انشغلي عنه , وقت ما تحسي بضيقة , حتى لو عزيمة .. حتى لو كنت تفكرين به, مع مضي الوقت سيلتفت ذهنك لما يشغلك,, ... |
مشكورين اخواني الله يسعدكم دوم .اخويsultanooh،امااختي beta2مااقدر احس طعم لاي شي انا نفسيتي صعبه مره اذا تعلقت باحد اتعب وشكرا لك وعلى مرورك /لكن اخي قلب متحدي ابدا ما فهمتني وحكمت علي غلط على العموم رح اخذ كلامك في الاعتبار وشكرا لك /اما اختي سيده الموقف يسعدك ربي قولي امين ودي اكون قويه واعدي الوضع لكن لوتدرين اني ما ابكي الا في حضنه ومن كثر مااحس ما اقدر احط عيني في عينه ابكي على طول ويكون حلي الوحيد ابعد عنه واللي الاقيه انه ما يصدق اني حليت عنه لدرجه انه صار يقول ابغى انام لوحدي حرام اخذ راحتي تعبت مره لك تحياتي ياقلبي وشكرا لك
|
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©