تعالوا شوفوا زوجتي هي طبيعيه ولا لا(المستجدات بالر 32)
 

تذكرون نزلت لكم موضوع عن خيانتي لزوجتي واعتذاري منها ونصحتوني اقرب منها
حاولت اتقرب من زوجتي مثل ماطلبتوا مني واحسها هدت بس كاتمه واذا دخلت وسلمت ترد وهي ماتشوفني واذا تكلمت بسالفه ماتسمعني باهتمام واذا ابتسمت لها تبتسم ابتسامه من ورا قلبها وتتزين وتتجمل وتروح اهلها وتتركني بالبيت مع الخدامه والصغار واذا استملتها وضميتها ماتناظر بوجهي تصد وتلبس مغري واحاول اقرب وتلتهي بالعيال ولاتجيب اي حجه وتبعد واشوفها تغيرت يعني بس ساكته ماتكلم كثير ولاتجلس معي مثل اول وكانت اول ماتطلع وتترك الخدامه معي بالبيت الحين عادي تتركها واذا تاخرت بالدوام ماتسأل وينك مثل اول ولما نجلس انا وهي والعيال بمكان واحد اشوفه تمازح العيال وتسولف لهم وانا ماكني موجود

ابي تفسير وتحليل للي صاير

كم صار لها منذ أن علمت بخيانتك ؟ ... أقصد كم شهر

صار لها اكثر من تسع شهور

لاتلومها اكيد مصدومة وماراح تطلع من صدمتها بالسهولة

وين الموضوع الاول علشان نعرف نرد؟

احمد ربك انها مازالت معك بالبيت


ومن ثم هي عم تكوينك بالنار بلبسها وتخليك تحس بالنار اللي انت فيها وقت عرفت بخيانتك لها

وتعاملك بالمثل تضحك مع الاولاد وتتجاهلك مثل ما كنت انت تتجاهلها وتضحك مع زملائك

اصبر قدر ما هي صبرت واثر الا تعلم ان للذكر حظ الانثيين ولذلك عليك ان تصبر مرتان اكثر من زوجتك


وقت تقدر وتحصل اي فرصه ارفع ذقنها واطلب منها ان تنظر الى عينيك وقل لها اشتقت الى نظراتك وحبك واهتمامك

واعترف لها انك كنت غلطان وانها دنيتك وحياتك كلها
وانك الطفل اللي فاقد لامه قل لها انك اشتقت الى روحها المرحه

حسسها انها ملكه في قلبك

كل ما مرت من قربك ارفع لها وجهها وانظر الى عينيها وقل لها اشتقت الى نظراتك

اقتباس:

المشاركة الأصلية كتبت بواسطة اميرة الرومنسيه (المشاركة 2620155) طيب اخوي انت ماتقول انك تعاملها بجفا وتعصب اذا تاخرت بالغدا وماتضحك معها وتضحك مع زملاءك..وتعامل الخادمه احن وارق من تعاملك مع زوجتك ؟؟؟ اش هذا التناقض ؟؟ ولو سمحت ياليت ماتسوي زي كل مره تنزل موضوع وتروح ماترد على الاعضاء ولا شئ الله يهديك ويصلحك ويهدي زوجتك ويصبرها عليك

جاوب على هذه الأسئلة..
أنا صراحة ما حبيت أشارك في البداية لاني من جد مستغربة من التناقض الي انت فيه..
يعني طول الوقت جاف .. وجيت مره وحده حنيت عليها .. محا تتجاوب بسرعة.. خليك مستمر..
.. وأي موضوع تطرحه..
إذا تبغى الفائدة منه لازم تتابع مشاركات الأعضاء وترد عليهم..

أشكرك غاليتي أميرة الرومنسية..

انا ما ارد لانكم تطلعون برا الموضوع وردودكم لي لاذعه ليش انتم كذا خلكم بالموضوع