![]() |
مشكلة أختي مالها حل
السلام عليكم ورحمة الله وبركاته
أتمنى من المشرفين عدم نقل الموضوع لأني متعوده عالقسم هاده وما الفلف على غيره المشكله خاصه في اختي الكبيره اختي من يوم عمرها 15 سنه والخطاب ما وقفت عنها بس هي دائما تتحجج وتطلع في كل واحد 100 عيب لين ما طافها القطار...... بالنسبه لها هي حنونه علينا ولامتنه كلنا ومحتويه الكبير والصغير بعقلها وحكمتها كانت لنا بمثابة الام ((الله يطول بعمر الوالده)) تشتري لنا ثياب وتدرسنا في المدرسه يعني قايمه بنا بالكامل حتى في زواجنا ونفاسنا(( وما انكر طبعا دور الوالده كان لها نصيب )) خطبها واحد محسوب علينا من العائله بس من منطقه بعيده نسمع عنه بس ما شفناه شافها في مناسبه عائليه وحبها وتعلق فيها وهي بعد حبته بس الوالد رفض لأن اكبر منها ب16 سنه وعنده زوجتين وموقادر يصرف عليهم شلون ياخذ الثالثه بس هي الله يهداها استمرت تكلمه في التلفون لمده خمس سنوات بالرغم ان الكل كا نرافض زواجها الا ان الوالد اضطر يوافق واستمر زواجهم اسبوعين بس اتحجج هو ان في احد مسوي له عمل وموقادر يكمل الزواج و((طلقها)) ومرت بحاله نفسيه شديده ظلينه كل يوم والثاني نوديها المستشفى بس محد فينا قال لها هذا ما جنته عليش نفسش بالعكس وقفنا معاها وهي بنفسها تشهد لنا وتقول ما اقدر انسى وقفتكم وياي المشكله مو في الي راح المشكله في الي جاي حاليا متقدم لها واحد اخلاقه زينه بس اصغر منها ب13 سنه ما يشتغل مجرد مخلص معاملات يعني ياحصل فلوس ياما حصل ما عنده مكان يسكنها يبي يسكن وياها في بيتها يعني بيت ابوي وفوق هذا كله الزواج مسيار بس مو في السر بيسون حفله بسيطه للأشهار مايقدر يدفع لها مهر هو عمره 31 سنه وهي عمرها 44 سنه السؤال الي في بالكم ليش يرضى شاب ياخذ وحده اكبر منه بكثير؟؟؟؟ هو يعرفها من زمان في منتدى ويقول معجب باخلاقها والتزامها احنا كلنا مو موافقين والوالده صارت مريضه بغت تروح من ايدنا وهي الحين زعلانه على الكل وتقول انتون مو حاسين فيني ما تدرون ان الوحده محتاجه الي زوج ووووو واتقول انها تحس بالوحده احنه قلنه لها ما عليه بس هذا زواج مو متكافئ حاله حال الي سبقه وان شاء الله بجيش احسن منه بس هي مو مقتنعه وتقول ذنبي في رقبتكم ومسؤلين امام الله ابي اريكم يجماعه ما نبي نظلمها ومسامحه على طول الموضوع حذفت احداث كثير وذكرت الاحداث المهمه عشان تكون عندكم صوره شامله |
وعليكم السلام ورحمه الله وبركاته
اختي انا راح اقول رايي بصراحه :d انا اشوف ان هذي حياتها وهي لها حريه الاختيار فيها هي مو صغيرة عشان تقررون عنها اذا هي مستخيرة ربي حبيبي ومرتاحه وعاجبها الرجل لاتقفون في نصيبها الله يوفقها ويسعدها لاتنسون كم وقفت معاكم وسانتدتكم وسعدتكم :22: وكلامها مظبوط يمكن انتم ماجربتوا الوحدة والله انه تقتل ربي يسخرة لها ويسعدهم وعسى ربي يرزقها الذريه الصالحه واذا على فارق العمر رسول الامه اخذ خديجه والفرق بينهم 25 سنه |
أرى ان هذا الرجل يريد أن يستغل أختك! ,
فهو رجل كبير بالسن وعاطل عن العمل ولن يجد من يقبل به , ووجد اختك التي تعتبر لمثل هذه الشريحه من الرجال " فرصه لاتعوض " , فهو سيسكن معها وسيجد من يصرف عليه! , والله لو رجل بالعشرين لفعلها ليجد من يسكن معه وسصرف عليه! , اخبري أختك أنه يوجد احتمال كبير انه سيستغلها , ثم بعد ذلك اتركي الخيار لها بالموافقه او الرفض , فربما هي تريد استغلاله ايضاً! , سؤال لماذا لا يعلن الزواج ؟ |
اقتباس:
ولو اختك مكانها ترضى تعطيها لرجال بالهمواصفات؟؟؟؟؟ مشكور اخوي عالرد |
اتوقع هي تبغا بس عشان خايفه تعيش طول عمرها وحيده
بس انا اتوقع انو هو يبغاها مصلحة والله اعلم انتو سئلتو عنه؟ طيب مادام مايبفى بالسر الزواج لي يبغاه مسيار؟ ووين اهله وهل موافقين وايش رايهم؟ |
|
ماأقدر أضيف على كلام الأعضاء إلى أتركولها حريه الإختيار وأنتوو دامكم وضحتو رأيكم ماله داعي الإجبار وكمان أحرصو على أن تقولون لها بكيفك إحنا حذرناك بس بعدين لاتشتكين بيصير عندها هاجس منكم ولو شافت المر وراح تهين نفسها عنده بس لاتدرون إنها تعيسه عشان ماتنكسر أمامكم صدقيني هي ادرى بمصلحتها وهي عارفه ولاكن بلغت بعمر محتاجه لتكوين عائله والله ماألومها ودامه بالحلال الله يعطيها ويصلح لها أمورها المشكله يمكن تكون أختي بنظرك فيها وأنا أرى أن المشكله بعد موافقتها فيكم لو ماأحتويتوها
تقبلي مروري |
اقتباس:
خبرناها خوي بكل الاحتمالات بس هي تشوفه مناسب |
اقتباس:
بالنسبه لأهله هو مختلف معاهم في مسائل عائليه خاصه وصلت لحد انه عايش بعيد عنهم وهو ساكن مع ابن خالته العزابي تقريبا ماله علاقه فيهم |
اقتباس:
بس الوحده ما تبيع نفسها ولو هو يبغاها زواج دائم شان حنا ما اعترضنا طريقها وبالنسبه للأنجاب ما يبغي عيال ولو يبغي شان ما شرط الزواج مسيار |
الساعة الآن 11:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©