|
تعبت من المفاتن وش اسوي ..!! والله بكيت من الهم..
بسم الله الرحمن الرحيم
السلام عليكم اخواني اخواتي انا ببدا في الموضوع على طول أنا تعبت من المفاتن اللي كل يوم اشوفها .. يعني لما اجلس بالبيت اطالع التلفزيون اشوف البنات اللي اجسامهم تغري وتفتن لما اطلع برا البيت او اروح مع اهلي السوق الاقي المفاتن انواع واشكال من عبايه مخصره ومن لثمه وعيون تفتن وما يحتاج افصل انتم عارفين حتى لما امشي بالشارع يقابلني مثل كذا وانا صراحه ما اتحمل ابد وبنفس الوقت انا محافظ على ديني وعرضي وعرض اهلي ما اقدر اكون علاقات مع هالأشكال لاني مؤمن بتحريمه لكن انا اذا شفت مثل هالمفاتن وهالبنات المغريات تتغير نفسيتي وتتسكر الدنيا بوجهي خصوصاً اني ماني متزوج وما عندي زوجه الجأ لها بعد الله يعني يجيني ضيقة صدر ما تتخيلونها احياناً ابكي وتدمع عيوني لاني ما اعرف وش اسوي لما اشوف مثل كذا ما ادري امسك نفسي او اروح اتعرف وارقم مثل الشباب وارجع اكلم بنات لأن هالشي مأثر علي حتى في دراستي لدرجة اني اتمنى اتزوج لو مسيار لو وحده كبيره عادي بس تعفني الحين انا وش اسوي بحياتي ..؟؟ تعبت ما قدرت اعيش براحة بال تعبت مره انا بين نارين المحافظه على ديني ونار المفاتن وعالم البنات اللي الله فاطرنا على هالشي (حب النساء) لأن الرسول صلى الله عليه وسلم يقول ( ما تركت على أمتي أشد فتنة على الرجال من النساء) وفعلاً انا مهوس بهالشي احب النساء بشكل جنوني واحب الجميلات بجنون وبالمقابل انا ما ودي اضيع ديني تكفون طلبتكم وش الحل ابي ارتااااح خلاص مليت من التفكير ومليت من كثر ما اتحسر وصرت ما عاد ودي اطلع من البيت مع انه فيه تلفزيون وانترنت ومفاتن بكل مكان وانتم تقولون العاده السريه مضره جداً وحرام علينا نسويها طيب انا وش اسوي ؟؟ لا تقولون اني مريض ما فيني الا العافيه مع العلم اني ماني من الشباب اللي يسافرون برا عشان المراقص والبنات ولا بحياتي سويتها وش اسوي ساعدوني |
غص البصر والزواج هذا حل مشكلتك أخوي الفاضل
|
بس انا ما اقدر اتزوج لظروفي الماديه وظروف الدراسه
|
اقتباس:
والنت لن تأتيك مثل هذه المناظر ألا أن أنت بحثت عنها وحاول قدر استطاعتك البعد عن أمماكن تواجد المتبرجات أسأل الله لهم الهدايه قبل الممات ممكن أسألك كم عمرك ؟؟ وماهي الموانع من الزواج يعني تكلم بشكل مفصل أكثر أذا مافيه مانع ؟؟ أليس بأمكان والدك مثلاً مساعدتك للزواج لأني اشعر بحاجتك الشديده للزواج أسأل الله العلي القدير ان يرزقك من حيث لاتحتسب ويوسع عليك رزقه |
بس انتي عارفه المفاتن بكل مكان
وعارفه البنات هالأيام ولبسهم وفتنتهم انا ما اقدر اتحمل ما اقدر اعيش حياتي كذا انا دخلت 22 الموانع اللي تمنعني من الزواج كثيره أول شي حالتنا الإقتصاديه لو ابوي تاجر كان تزوجت من سنيتن بس حالتنا الإقتصاديه ما تسمح ابداً السبب الثاني عندي اخ اكبر مني واخت اكبر مني ما تزوجوا ووالدي ما يقدر يوفر لي الزواج لأنه اساساً ما وفر لنا حياة كريمه يعني بالعربي ابوي ما دبر نفسه ولا دبرنا معه انا تعبان وبس احس اني مريض وماني عايش مثل الشباب مدري وش اسوي بعمري |
أخوي اذاً مالك حل الا غض البصر أبعد عن كل مايمكن أن تجد فيه مايثيرك
ومعروفه أماكن تواجد المتبرجات أبتعد عن هالأماكن قدر الأستطاعه لاتنسى أخي الكريم قول الرسول اللهم صلي وسلم عليه ((عن أنس بن مالك-رضي الله عنه-قال: قال رسول الله- صلى الله عليه وسلم-: (يأتي على الناس زمان القابض على دينه كالقابض على الجمر) فأنت ماجور على مجاهدتك لنفسك وأسأل الله ان تعالى ان يرزقك ويحفظك ويستر عليك دنيا وآخره وأشغل نفسك بدراستك حتى تنجح وتنال الدرجات العليا التي تساعدك على ايجاد الوظيفه بأذن الله الله يوفقك ويثبتك على دينك ويهدي بنات وشباب المسلمين |
أخي الفاضل.. الحياة مو كلها بنات ومفاتن.. أشغل وقتك بأشياء تانية.. اشترك في نادي.. مليان نوادي أسعارها كويسة.. أخرج مع أصحابك.. شوف ايش هواياتك ومواهبك ونمّيها.. أشغل نفسك بشي ينفعك لما تتخرج وتتوظف إن شاء الله.. كمبيوتر .. لغة .. وظيفة مؤقته وبعدها إن شاء الله تقدر تتزوج وتعف نفسك.. وترى الأشياء الي يعرضوها في التلفزيون مبالغ فيها.. |
اكثر من الصيام وحاول قدر الامكان ان تغظ بصرك
|
صحيح مثل ماقالت الأخت الفاضله قلبي حنون أشترك بنادي
أطلع مع اصحابك ذاكر زور أقاربك شوف هواياته وحاول تنميها لاتخلي فراغ بحياتك حتى ماتترك مجال لمثل هالأفكار تجي على بالك حتى تتخرج وتتوظف وتصير مستعد للزواج |
اقتباس:
والله ما قدرت مع اني محافظ على صلاتي وكل شي بس ارجع افكر في البنات انا لو اشوف يد بنت انفتن على طول ادعو لي انا مفتوون |
| الساعة الآن 02:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©