|
زوجه ثانيه وضحيه ظرووف ساعدوني بخبرتكم
السلام عليكم ورحمه الله وبركااته كيف حاالكم جميعاا افكاري مشتته ومااعرف ابدى من فين؟؟ فتحت عيني على الدنيا من ام تعتبر زوجه ثانيه وللأسف طلع حضي مثل امي تربيت على يد احسن ام واب مكافحين محترمين قنوعين عشت حيااه مستواها المادي جداا ضعيف بس مااحسيت ولا مره بالحرمان ابوووي طيب وحنون عمري ماحسيت ان له عيال غيرنا زوجه ابوي وعيالهاا يتمنون لنا الموت والامراض لدرجه ان اخواني من ابوي ساكنين في بيت واحد ماشوفهم الا بالعيد تبهذلنا كثير انا وامي وخواتي بحكم ان ابوي مو موظف وشخصيته ماهي حازمه انذليت بركوبي اللموزينات ومع السواقين عشان الدراسه مع العلم اخواني موجودين بس يعتبرونا ماانقرب لهم حقووودين مرضى نفسيين اتمنى من الله ان يااخذ حقي منهم لانهم سبب تعااستي طبعاا عيال عمي ماافيه احد منهم تقدم لي الا واحد سكير والباقي اخواني ماايبوني اتزوج قبل خوااتهم خطبني واحد عمره 55 سنه طبعاا رفضت وجلست اضحك على هالموضوع بعد سنه واافقت عليه صاار لي مووقف يمكن تاافه بس خفت من اخواني وحبيت اتخلص من ظلمهم وفكرت بالمنطق اني صغيره ولو صرت زوجه ثانيه بيدبعني زوجي وبنسى همي الموقف اللي خلاني اوافق على زوجي ركبت مع اخوي الكبير وزوجته بنحضر زواج وامي معاي حلفت امي انا نركب معه ولا انا مااودي اطلع معاه طول الطريق يتاافف يوم جلسنا بالزواج ومع بنات عمي ووناسه وفله الا يجي اخوي الصغير يقول لي يقوولك فلان اخوي ارجعي انتي وامك مع ولد عمي لان السياره مااتشيلكم بااخذ معي خوات زوجتي المصيبه ان ولد عمي اللي يبيني ارجع معه اخو زوجته يعني ليش مو زوجتك ترجع معه؟ المهم دخت بالزواج من القهر وبرد وجهي قدام بنات عمي فيه الفرحان وفيه اللي راحمتني رجعت ع تاكسي مع امي وناديت ابوي قلت زوجني لو صلبي مااله اصل لو ولد حراام انا لو جلست بالمشااكل ذي ذبحت نفسي كنت عاايشه حيااه صعبه مع ان امي تحااول تغير جونا بس يد وحده مااتصفق ويااليتهم ارتاحو يوم وافقت اتزوج واحد كبير لا زعلو ان عنده فلوس واني ممكن اعيش بعز خططو لطلاقي قاامو وسرقو ذهبي يوم زواجي قيمته 50 الف وعرفت بعد زواجي باسبوع ان البصمات اللي على دولاب امي بصمات اخوي جااني ابوي وطلبني اني اساامحهم في الدنيا عشاان ماافضحه مع زوجي ويدرون الناس عنا ساامحتهم بس قدام ابوي ولا عمري مااحللهم على انهم فجعونا وسرقو فرحتي ومن بجاحتهم يحلفون انهم مااسرقو شي ويوم هددت اني ادخلهم السجن رجعو لي طقم وااحد يارب انتقم منهم المهم كل هذاا اعتبرته ماضي عشت مع زوجي بعد زوجي باربع شهور اطلبت مني امه واخته اجيب لهم ملابس له وملابس لي ويسوون سحر لنا لانهم يبون فلوسه وقالو انتي نخليه يحبك وكذاا طبعا هم شافو اني صغيره وماني بنت نعمه قالو اكيد بتوافق رفضت وحلفت اني اعلمه قالو لو علمتيه نضرك طبعا مااهمني علمته وتوقعت انه ينصدم وكذا قاال اساسا امي كبيره وحاكمينها بنااتها وانا مااخلي عيالي يشربون ولا ياكلون عندهم وعاارفهم ولايهموني انا جتني صدمه من تزوجت يخليني يوميا المغرب اتقهوى عند امه واتعشى داايم معاهم يعني بالعربي مااهميته كاان حاطني تحت التجربه من تزوجته ماايعطيني فلوس الا بالعافيه شكيت لاهلي قالو بس يختبرك ولاهو كريم صبرت والحين هااذي ثااني سنه زواج معاي ولد وحاامل وهو يقطر علي بالفلوس ويعطي اهله كثير زوجته الاولى واذا طلبت اغراض للبيت قاام قسم لي من بيت زوجته زوجته الاولى تمثل عليه انها تحبني وتحب ولدي وهي نفسها لي بالمووت وهو يقولي شووفيها مااتجيب طاريك الا بالخير وانا مشكلتي صريحه قلت انا احترمها واحترم عيالها والله اعاملهم معاامله مااحد يصدقها حتى ولدي يجبرني احطه عندها بالساعات لاجيت اطلع مكان ولارجعت الاقيه جوعان ولاتغير له لاوصخ واذا قلت له قاال يمكن توه موصخ ولا رضعته ومااشبع لاتظلمينها لو بحكي مواقفي مع زوجي والله اتعب واتعبكم بالقرايه المشكله الحااليه يوم كنت حامل بولدي طلبت شغااله قام حطني عند اهلي وقال مقدم لك لاجت رجعتك البيت جلست اربع شهور ورجعني عقب قال انا جبت الشغاله ووديتها لحرمتي وانحااشت جلست لحد ماوصلت الثامن ونصرني ربي وانحاشت شغاله امه لي وعيت تشتغل الا عندي طبعا طلعوني متفقه معها ومن هالكلام كاان باقي لها 6 شهور وتنتهي مدتها خلصت وسافرت طلبته شغاله لاني كنت ادرس ورفض في يووم تحديته وجبتها وحلفت لو طلعها من البيت طلعت معها خلاها 15 يوم ومشاها بدون مايشاورني قال انا مقدم وطلع كذاااااااااااااب انا الحين تعبانه ومعي نزيف هو يبيني اروح لاهلي ولاخفيت ارجع وانا ابي اجلس في بيتي ويجيب لي شغااله قاال يوم طلعت حامل انه جاايب شغاله اندونسيه وفرحت وحمدت ربي يوم جاء امس قال ترى الشغاله لاجت لحرمتي لانها صار لها تسع شهور مقدمه على سريلالنكا ولاجتها قال اللي تجي الاولى لها واذا جت السيلانيه قبل تاخذها هي ولاجت الاندونسيه عطيناك السيلانيه انتي مو محتاجه الاندنوسيه اناا طبعا حسيت ماالي كرامه لاني صاابره على ولا شي وخاايفه اسقط االي ببطني لان بحملي الاول ولدت ولاده مبكره وجلس ولدي بالعنايه شهر بسبب التعب والارهاق صحتي ماتتحمل واذا قلت له قال لاتشتغلين بيتي وصخ ولا اقدر اصبر عليه مغبر وحوسه اناا قلت لامي الموضوع وقلت اليوم بالليل بقوله بجيب شغااله بالشهر واذا جت الاندونسيه تكون لي واذا رفض بروح لبيت اهلي ولاعاد اكلمه يتفااهم مع ابوي احسه مستهين فيني عشااني صغيره وطيبه تكفوون راايكم لاهنتم اسفه ع الاطااله بس ابيكم تفهمون الموضوع من كل جووانبه انا مااودي بالطلاق والمشااكل لاني ماانحشت من بيت اهلي بلحالي عشان ارجع له ببزراان زوااجي غلط وحيااتي غلط بس هذاا نصيبي |
الله يفرج همج..ويصلح احوال زوجج واهله
ما بيدي إلا الدعـــــــــــــــــــاء حبيبتي..كان الرحمــــــــــــــــــــــــن في عونج قصتج جدا مؤثرة..الله يسخر لج من يساعدج ويجبر بخاطرج انت وولدج |
زوااجي غلط وحيااتي غلط بس هذاا نصيبي هذا هو احلى مافي كلامك هذا نصيبك ولازم تقبلي فيه حاولي تتكيفي مع هذي الحياة الجديدة بالنسبة لموضوع الشغالة فاذا كانت لك من البداية لا تتنازلي عليها أبدا لانك لو قبلتي على نفسك مرة واحد بأنهم يستقوون عليكي وانتي تركتي حقك فاعلمي بانه من هنا ورايح حقك رايح فيهاااا الله يفرج عنك ويكتب لك الي فيه الخير |
اقتباس:
يعني بتمين بالغلط والعناد عشانه نصيبك اعقلي وكبري دماغك وش سيلانية واندنوسية واسيب بيتي عشن شغالة (يعني حلو تردي لبيت اهلك وبزورتك - وبرضه ماراح تلقي شغالة! يااختي نص العما ولا كله احسني الظن بالناس ولاتتحاملي على زوجته وتحكمي عليها انها تتمنى لك الموت بناء على تجاربك مع اخوانك غيري من نظرتك السوداوية ومشي امورك بالتساهيل والعناد راح يدمر نفسيتك وحياتك وحكمي الشرع في الي انت تسوينه |
يا اختي الله يهديك يعني عشان موقف لموزين ورجعة للبيت معاه تقومي توافقي بسهوله
ادري ان قبل كانت عليك ضغوط وماقدرتي تتحمليها وجا هذا الموقف وكسر ظهرك ووافقتي ياليتك صبرتي على الاقل في بيتكم واخوانك في بيتهم مايجيك منهم شي كثير وهذا درس عشان ماتتسرعي في قراراتك بالمستقبل بالنسبه لحالتك الان برايي تروحي عند امك وتخليه يعطيك مصروف يومي لين ماتقومي بالسلامه امك واخواتك ماراح يقصرو معاكي بهذي الفتره ابغاك تحسبين حياتك اللي راحت واللي جايه وتفكري زين فيها وتتخذي قرارات تريحك مستقبلا انا ماودي اعطيك بعض منها لانك انتي ادرى بظروفك وحياتك وعلى هذا الاساس تقرري اهم شي ادرسي كل شي من كل النواحي والله يكتبلك الخير وين ما كان |
الله المستعان
الله يفرج همك ويبدل أيامك فرحة وسعادة |
يااختي خليك قويه شخصيه
اللي لك لـــــك واللي مو لك مو لــــك وشلون يقطر عليك بالمصروف لالالالازم العدل ... وعليك بالصبر وانصحك تكتبين بقوقل د.مارك قونقور يشرح عقليه الرجل وبتستفيدين منه بحياتك.... |
المشكله أننا أخذنا الزواج هروب من وقعنا وتخيلنا أننا مع الزواج راح نكون سعداء
الزواج مو حل بس قدر الله ومشاء فعل مثل ماقلتي هذاا نصيبي ووالطلاق الحين بهذا الوقت مو حل لانه راح تكرر نفس الي شفتيه قبل عند أهلك مره ثانيه وبعده راح تتمني انك ترجعين لزوجك الحل الي جربته وله نتيجه قويه 1 )حطي الله بين عيونك من أذكار وصلاه ودعاء (( من وجد الله فماذا فقد ومن فقد الله فماذا وجد))) 2 ) زوااجي غلط وحيااتي غلط بس هذاا نصيبي الزواج مو سبب السعاده مو كل متزوجه سعيده كم وحده اخذت شاب تتمنى انها ماتزوجت الكلام عن نفسي :d ولا تقولين غلط لانك مراح تبدعين بحياتك وتنجحين بحياتك وهذي الفكره موجوده عندك 3 )أستمتعي بحياتك ولا تفكرين هذي حقوده وهذي ساحره اذا حصنتي نفسك وذكرتي ربك وان شاءالله مراح يضروك ما أقول صيري مغفله لا خليك حذره بس لا تكدرين حياتك بكثر التفكير 4) وبا النسبه لشغاله اذا تشوفين ان شخصيه زوجك تمشي معاه ان الوحده تأخذ موقف وتكون صارمه سوي الطريقه وذا شخصيته تتطلب انك تطلبين با الكلام الحلو والدلع أدخلي من هذا الباب ونفس كربك وفرج همك وابدل عسرك يسرا اميـــــــــــــــــن |
الله يفرج همك ويريح قلبك.. ولدك لا تحطيه عند زوجته الأولى خليه معاكي ولا عند امك.. والله يهدي زوجك ويحنن قلبه عليكي.. |
لاتخربين بيتك عشان شغاله...تعالي له باسلوب حلو وهادي عشان تحصلين على مرادك
وبالنسبه لولدك.ياأختي.الاطفال محد يتحملهم غير أمهم...خلي ولدك معك افضل لك وله.. ودام معك ولد وحامل اصبري...ان الله مع الصابرين.. |
| الساعة الآن 11:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©