|
اوقات احسها تحبني بس مشكلتها جامده
السلام عليكم ورحمة الله وبركاته
انا والحمدالله زوجتي طيبه ومرتحاح معاها من جميع النواحي بس انا ماني عارف هيا تحبني او لا يعني هل فيه زوجه لمدة 9 سنين ما تحضن زوجها لو لمره وحده ولا تسلم عليه ولا ترحبو اذا دخل البيت ولا تدلع عليه بشويه حركات وركزو معايا ولامره من تسع سنين هيا للامانه تحسنت في اشياء من ضمنها لو كنا متخاصمين ما كانت تبادر حتى لو كانت هيا الغلطانه انما من فتره صارت تجي وتسلم ونتهي الخصام وهيا الحاله الوحيده الاتجي تسلم فيها يعني اذا كنا متصافين مستحيل تجي واحسها ولا يخطر على بالها يا عالم حتى الرسايل نادر ما ترسل يعني اذا تكون مستحيه ولا تقدر تقول وتسوي وجه لوجه على الاقل ترسل وانا كلمتها كثير يا حبيي يا نور عيني يا حياتي ليه ما تسوي كذا ليه ماتبسطيني يعني ماستاهل تقول لا والله تستاهل وفي اوقات تقول انتا ماتقنع قد ما اسوي تبغى كمان وانا والله ما ابغى اكسر خاطرها وقولها ايش تسوي احسها راح تتحطم يعني ملابسي الشغاله بتغسلها وتكويها وغدا انا ما اتغدا لاني انا على طول والعشا اجيبه من برى ما باقي الا انها تهتم فيني وتحسسني انها تحبني مو كفايه اني اعرف انها تحبني وخلاص مافي داعي لاي حاجه بعدها اذا كلام وكلمتها قالت ان شاء الله ولا صار شي طنشت على الوضوع شهور ولاصار شي بطلت اسم عليها واحضنها ما صار شي جبت لها كتاب ومصار شي يعني فيه اشياء بسيطه تسويها زي مره صحين من النوم لقيتها حاطه ورده في جيب الثوب يعني لدرجه احس انو لو صارلي شي ما راح تزعل اوقات احسها تحبني بس مشكلتها جامده وكل الي يشغلها اولاد والبيت تشتري لبس للعيال ها ايش رايك ونبغى نشترليهم كمان نبغى نسوي في البيت ونغير ونجيب اشياء ونشترلي اشياء هاذا الي يهمها وفي مره وانا في العمل فاضي قلت اخليني استهبل عليها وارسلت لها يافلانه انت تحبيني صارحني ولا تجامليني ردت عليا (والله احبك و اموت فيك وا اتخيل حياتي بدونك ومشكله اذا لما دحين ما تعرف) يعني انا في اوقات يكون الوضع عادي تسوي ولا ما تسوي ما عندي مشكله بس انها تكون على طول كذا والله الواحد يحس انو الحياة جافه وانا نزلت مواضيع كثيره وجربت حلول كثيره بس ما جابت نتيجه يعني اقتلها وارتحاح (امزح ترى)سوالي لجميع الزوجات هل في وحده تكون كذا ومع هذا تقول احبك واموت فيك |
الله يحييك أخي / ابوعزوز صراااحة من كلماتك ماشاء الله احسك طيب معها .. وهي ماشاء الله مو عاجبها شي لكن اتوووقع والله اعلم تربيتها جااافة .. التنشئة الاسرية شبه جامدة عندها ولهذا هي لم تتربى على البوح على السووالف .. وانت ماشاء الله تسع سنووات وعلى هذه الحالة تصدق لو انا مكانك .... والا خليها بالقلب خخخخ .. اسأل الله ان يصلحها لك .. ويسخرها .. مع تحيات أخوووك .. |
مع أن السؤال موجّه للزوجات لكني سأتطفّل في الموضوع.
۰أظنّ أن زوجتك إنسانة تهتم بالأشياء العملية الظاهرة المؤدية إلى نتائج شكلية ظاهرة أمام عينيها. -لا تغفل جانب التربية في تنشئتها هكذا أو دور طبيعتها النفسية في ذلك فهي أمور مؤثرة بكل تأكيد. ۰ربما تعتقد في داخلها أنها إذا قامت ببيتها وأبنائها وبعض الأشياء الأخرى فقد انتهت من أداء مهامها على أكمل وجه، وما دونها فلا ينبغي الالتفات له. ۰ربما تعتقد كذلك أنه لا حاجة للأشياء هذه ولا أهمية لها في الحياة الزوجية فهناك ما هو أهم منها. ۰أنت شخص بعكسها تبحث عن الحنان واللمسات العاطفية. ::: هل فكرت في أن تلمّح بالزواج من أخرى؟ هل فكرت في إيراد بعض قصص الزواج لرجال معددين، وكيف تبدلت حياتهم للأحسن؟ |
ما أدري اش أقول ,لكن هذي حال كثير من الزوجات (الأمر بالعكس) لا يسمعن كلام جميل من أزواجهم و لا لفتات حلوة
و إذا سألت الزوجة زوجها ,أتحبني, قال أكيد و سؤال ماله داعي,, عندما يشتكين , ينصحهن الرجال و النساء بالإقتناع لأن طريقة تعبير الرجال عن الحب تكون بالأفعال لا الأقوال فلما لا تقتنع بالطريقة التي يعمل بها أكثر الأزواج في التعبير لزوجاتهم هل هي تمنعك من نفسها , هل تخاصمك و تسبك لا سمح الله , إذن أنت في نعمة , اصبروا كما تصبر النساء الحمد لله أنك بصراحة رجل يعاني ما تعانيه بعض النساء من شح الكلمات , لنعلم أن في الحياة من يعرف مشاعرهن اصبر و استمر أنت بكلامك الجميل فلابد من مردود.. و لاداعي للتهديد بالزواج بأخرى إذا كنت تحبها فما راح تنساها لك و سيأتي كلامها عن ضعف و تعب نفسي للتمسك بك و ليس حبا لإسماعك الكلمات,, |
اقتباس:
صابر تسع سنين ومستعد اصبر العمر كلو لانها ببساطه تستاهل انا لو احس انها تتغلى ولاقاصدا انها ما تسويها كان من زمان سبتها يعني حمدالله عايشين ومبسوطين بس تجي اوقات الواحد يبغى يشوف شي بس تاخذ وقتا وتروح |
اقتباس:
|
اقتباس:
وهيا عصبيه مع الكل الا انا |
اقتباس:
لايوجد زوجة كاملة ,بل أنك إذا رأيت في زوجة الإحترام الخاص لزوجها و الأدب و حسن التربية و حفظ المنزل , فهذا يعني صلاحها و يحمد الزوج الرب عليها , و يحتمل عيبها, فلا تعقد الأمور ,, |
بلعكس هيا كلامها كثير يعني ممكن تتكلم اكثر مني
وانا عارف انو مافي احد كامل بس مو لدرجه هاذي يعني مثلا اش الفرق بينها وبين اختي يعني حتى اختي تحترمني وبتقدرني وما ترفع صوتها في وجهي |
إذن طبق حديث الرسول صلى الله عليه وسلم (لا يفرك مؤمن مؤمنة. إن كره منها خلقاً رضي منها الآخر).
تكيف مع وضعك، وعش حاضرك. ::: إذا لم تستطع الصبر فادخل عالم المعددين إن كنت تمتلك القدرة من جميع النواحي. |
| الساعة الآن 08:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©