|
ابغا ابكي :(
سلام مدري ايش اقول :rolleyes: بجد بجد تعبانه حدي ودموعي معبيه عيوني وفيني الصيحه اول العصر كنت جالسه مع امي واخواني وجات سيرة زعل وما زعل قلت لأخوي الكبير انت ماضيك اسود امي زعلانه عليك واجد وانا صادقه امي دايم تفضفض لي بما اني الوحيده اللي معها في البيت عاد اخوي هذا حساس ومايحب امي تزعل عليه وامي من النوع اللي يزعل ويشيل في قلبه ومع الناس تضحك وتسولف طيبه بزياده الله يحفظها وشكلي بطلع مثلها :( المهم واشوف امي تغيرت وكانها زعلت وصوتها تغير وحتى اخوي حسيته تعب وحزنان ويسئلني وفلان وفلان زعلانه منهم والله واكمل ايه زعلانه منهم بس انت اقوى شي تسامح منها ومير يسكت ويبان على وجهه الضيقه ويوم راحو وامي تقعد تهاوشني ليه تعلمينه والله انك خليتيها عقده بخاطري والله ما عاد اعلمك بشي ومن هالكلام انا يا ناس نيتي صافيه ومبغا امي تشيل بقلبها على عيالها وابغا عيالها ينتبهون لتصرفاتهم معها مير اني مدري احس ضايقه فيني الوسيعه يوم امي تهاوشني وصوتها فيه زعل هي الحين راحت برا ولما تجي بتسامح منها وبحب راسها وبقول سامحيني والله كان قصدي خير مير انتي غير تشيلين بخاطرك وهذا الشي يضايقني انا يعني بس بجلس مستمعه اذا جات تشكي بالايام الجايه وبتعلم درس اني ما اعلم خواني اذا زعلت عليهم الحين وش استفدت غير انها زعلت مني يااااربي وش السوات الله يهديك يا يمه مالي داعي تحرقين اعصابي كذا وانا مقصدي اخلي قلوبنا متصافيه ومحد يزعل على الثاني ويشيل بخاطره والثاني مو داري سلام يارب هونها انت ادرى بنيتي |
صفعت الكف بوجهي التي اخذتها منك في موضوعي لن انساها.... ردك قريته كامل ...... ساارد عليك وعلى الاعضاء قريبا شكراااااااااااااا |
اغضبتي والدتك بإفشائك لسرها .....وجرحتي اخاك بتذكيره بماضيه ....ابكي وابكي حتى ترتاحين ...
|
اختي عطر الحياة
ما انسى ردودك في مواضيعي ولا جميلك علي راح اقولك كم كلمه ان شاء الله تريحك أول شي اختي انتي نيتك صافيه لاتزعلين نفسك ثاني شي روحي وتسامحي من امك وبوسي راسها واشرحي لها نيتك ووش كنتي تبين ثالث شي كلمي اخوك يستسمح من امك ويراضيها وبإذن الله الأمور تزين والقلوب تتصافى واهنيك صراحه على طيبتك موضوع بسيط وأشغل بالك الله يسعدك ويسعد ايامك ويرزقك يارب من حيث لا تحتسبين |
امك يوم قالت لك وفضفضت لك الي بقلبها تبي تفرغ الحزن والزعل من عيالها لك.. عشان لآ يبقى بخاطرها شي عليهم ,,وزعلها في محله لأنها كلمتك ووثقت فيك وانتي شقيتي القربة:d
عاتي يالغاليه تسامحي منها وقولي لها انا ما قلت لأخواني ذا الكلآم الا لأني احبهم ولآ ابي خاطرك يضيق عليهم, وعشان يحطون ببالهم انهم غلطو عليك ولآ يعيدون الغلطة,, |
الله ياعطر انت حبيت الخير وتنبهين خوانك بس موب ها الطريقة كان انفردتي بأخوك لحالج
مير صار اللي صار حبي راس اميتك وقولي سامحني قولي لها والله ماكان قصدي بس بإذن الله يتغير اخوي من هالطريقة يكون بعلمك مابو بيت دون مشاكل خليها ع ربك |
شوفي ترى أمي كذا بس صراحه أنا اعلم إخواني وخواتي بيني وبينهم يعني مو قدام أمي لان بصراحه لازم يعرفوا ان أمي زعلانه ويرضوها بس مايروحوا يقولوا لها أني كلمتهم
يعني الزبده امك طيبه وعلشان كذا هي تضايقتك لما شافت اخوك تضايق وزعلت منك بس موقصدها تزعل منك موفقه |
| الساعة الآن 08:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©