اعطوني حل في زوجي
 

السلام عليكم ورحمة الله انا انسانه لي تقريبا 5 سنوات متزوجه ولي طفلان لكن زوجي من النوع اللي يحب يخرج مع اصحابه كثيرا وطلعات وسفريات واحنا اخر اهتمامه حتى يبخل علينا بكل شي ودايم ادا طلعنا معاه يكون متنرفز ومتضايق وانا والله ماني من الحريم اللي اطلب اشياء كثيره الا ان كان الضروريات في البيت عشان لااشوفه متضايق ولااحب اكدره حتى لاطلع اقله روح استانس يحس انه لازم هو يعيش حياته واحنا حاط اناماناقصنا شي تعاملت معاه بكل الطرق بس انا تعبت نفسي اعيش زي الحريم سوق وطلعات وجيات بنفس راضيه وبشكل معقول مو مره تكفوني اعطوني حل ماودي اطول عليكم

لاتراعينه دام مايراعيكم
دام هو اناني .. علميه درس ماينساه
حاولي تكوني رسميه بحت معه فتره ولاتطلبي منه شئ
وتغيري عليه ..
ابعدي عنه واهتمي بنفسك وانشغلي فيها
صيري انانيه مثله
اذا حسيتي انه شعر بتغييرك
لاتجاوبيه خليه في حيره بينه وبين نفسه
لين يجي هو ويقول وش تبين
وقولي ابي مصروف محدد واطلع كل اسبوع مره
ولاتزيدين على هالكلام
وشوفي رده فعله ..
بعض الرجال الطيب مايثمر فيهم
بس مو معناته انك تتطاولي عليه عامليه بالحسنى
وتوكلي على الله في امرك وادعي انه ربي يهديه ويسخره لك
واكثري من الاستغفار
.
.

أختي كان الله في عونك ونصيحه
غيري من اسلوبك اذا خرجتي معاه
وخليك مرحه
وفي نفس الوقت متغاضيه
قد يكون شي لدى اصاحبه ويفتقده كثيرا معك ابحثي وسوف تجدين الحل

حاولي تناقشيه بشكل مستمر في هذا الشي
كثرة الدق تفك اللحام

السلام عليكم
الطفلة النائمة اتمنى تقرئي هذا الموضوع في الرابط التالي :
http://www.66n.com/forums/showthread.php?t=52941

أختي مع آحترامي لك .. ومن باب النصيحة.
منطـق كلامك يـدل على قلت خبرتك.

وما هكذا تورد الآبل ... حاولت تستفيدي من المنتدى ... و أوسعٍ نطاق معرفتك للطبائع الناس.
وكيفية التعامل مع كل شخص ( لأن الناس ليسوا شخصاً واحداً)..
===============

يسـرك الله لك أختـي .... أنصـحك أن تعــرفي مفاتيح زوجـك !! ما هي مفاتيحــه ؟

حتـي يتسـنى لك الدخـول عليه من الباب الصحيح ... ( لأن الذي يناسب زوجك لا يناسب زوج آحد العضوات هنا ) ...

بالتوفيق...

انتي الي عودتيه..تقولين له روح اطلع استانس...وبعدين تجين تشكين...

عادي مافيها شي لو طلبتي تطلعين تتمشين انتي وعيالك وديهم ملاهي وروحي زيارات.. حتى لو متضايق منكم ماعليك منه خليه يتضايق اهم شي انتوا استانستوا..وهو لاحق على الوناسه مع اصحابه..

اما باسلوبك هذا ماراح تستفيدين شي...

نصيحة مجرب
ارجو تتأكدين من اهتماماته وهوياته اذا كان من أهل الرياضة والكوره أو اهل الصيد والبر أومن اهل الاستراحات والشواطي
عليك تشاركينه نفس الاهتمام ولو مجامله حتى يبدا يتحدث معك بنفس الموضوع وشاركية
الله يكون بعونك ويهديه الى حب اهله وابنائة

الله يجزاكم خير على ردودكم .لكن افهموني هو يحب عالمه الخارجي دايم اطلبه نطلع ونروح ونجي بس هو مايبغاني اطلب شي يقول الحريم مايمشون كلامهم حتى لو خرجنا وهو متنرفز مااقدر استانس ادا هو منكد علينا يبغ يكرهنا في الطلعه باي شكل حتى عيالي احيان ماخدهم عشان لايقول ازعجونا وطفشونا وفوق هدا عايشه حياتي بالبيت انظف والبس وارتب ماجلس انتظره واللي يقهرنيييي انه دايم يقلي تبغون شي حتى وقت النوم وادا طلبته يطفش ويزعل حتى طلباتي اجيبها باسلوب مو بقلة ادب واوامر مادري كيف يبغانا نعيش مليت

,اغلب الرجال هكذا اختي الكريمه
لما كنت اطلب زوجي سابقا قضاء بعض احتياجاتي احيانا احسه يتضايق
واحيانا يتهرب يقول بكره وبعدو حتى اني اسافر لمقر عملي وانا اشيائي مااشتريتها
ولما يطول غيابه شهرعني كنت اتصل واشكي له من غيابه وقل اهتمامه ماكان يرد علي الا انتم الحريم ماهمكم شي انا عندي اشغال والخ واكره اني تكلمت حتى صرت ما عاد اطلبه شي وزميلاتي مايقصروا معاي
والمشكله نفس كلمة زوجك كان قبل مايقفل الخط يقول تبغي شي!!
الله المستعان على رجال هذا الزمان!!

شوفي انتي مكان حلو فيه منظر حلو وفيه مكان للاطفال يلعبوا نسقي انتي واعمليلوا اياها مفاجأة
خليه ينبسط في الطلعة معكم
عشان يكررها وهو يطلب انو انتو تطلعوا مع بعض
احكيلوا انتو انتي مشتاقة الو والطلعة مش حلوة الا ازا هو بيكون فيها
وان شاء الله تزبط