|
تعالو حلو مشكلتي
السلام عليكم كيفكم انا انسانه مدلعه وكل شيء خلاص عرفتو :d<<< اختصرت المهم خطبني ولد عمي انا عمري 22 وهو 26 .. انا قعدت ابكي مابيه عطتني امي اسبوعين افكر وقالت لي ابي الجواب نعم .. وابوي نفس الشي يبني اوافق .. قال ابوي وافقي واذا مانبسطتي معه ادعي علي قلت له هو وامي والله لادعي عليكم انا قلت كذا عشان خلاص يعرفو مابيه وقعدت ابكي هو اخلاق وطيب بس انا ماحبيته ماتخيلت هذا الانسان يكون زوجي يوم من الايام .. بعدين رجعت وافقت عشان امي وابوي واخواتي واخواني وصديقاتي بالنت وبالواقع كلهم قالو لي وافقي .. المهم وافقت وانا ابكي ...امي فرحت مع انها شافتني ابكي مابيه المهم كانت الجمعه اللي فاتت النظره المهم انا مابيه ويوم شفته انصدمت كثيرررررررررررررررررر مو حلو واسمررررررررررررر مره اسمرررررررررررر مو عبد بس اسمر:eek: وانصدمت من الطقم جايب طقم ذهب صغير <<<< تعذر عشان الذهب غالي مشيتها مومشكله الطقم بس مشكلتي الي الان ماحسيت اني احبه وكل مافكر هذا بيكون زوجي ابكي تعبت وربي تعبت من التفكير ماحسيت زي اي بنت تنخطب حتى امي تقولي انتي تعبتيني مو زي اخواتك.. وقالت لي تطالعي بالشباب اللي بالنت وهم كذابين وتعايرني تقولي غلطنا جبنا لك كل شيء.. وتقولي ولا عشان متزوجه اثنين ماتفارقينهم الاب توب والبلاك بيري <<< احلى شيء قالتها امي :d وانا مابي اتزوج اقول لامي مااااااااابي اتزوج لاهو ولاغيره خلوني عانس :22: والله لي 3 اسابيع ابكي وحالتي النفسيه زفت مره |
وعليكم السلام ورحمة الله وبركاته
اختي استخرتي قبل الموافقه ؟؟؟ الشيء الثاني هونيها وتهوووووون ولاتقارني نفسك وحياتك بالاخرين كذا ماراح تعيشي ولا راح تنبسطي والله يعني ارضي بما قسم الله لك (( وعسى ان تكرهوا شيئا وهو خير لكم)):d تعوذي من ابليس واستهدي بالله بكره مع المعامله الطيبه اكيد راح تحبيه وتخيلي بس خطبك شاب ابيض ووسيم وبالاخير طلع لك مو اخلااااااااااااق وينكد عليك حياتك ساعها تقولي ياليتي رضيت في اسود بس اهم شيء يعاملني كويس ولا هالابيض النكدي وقولي الحمدلله الي رزقك بانسان اخلاق على فكره انتي انصدمتي من شكله لانك مو مقتنعه يعني شيلي هالافكار من راسك عشان ربي مايعاقبك وعشان انتي تنبسطي ولا تسمحي للشيطان يخرب عليك.. والله يوفقك:22: |
وانا مع كلام امواج ترا الرجال باخلاقو مو بشكلو لا يغرك الشكل دوري دايم على المضمون لان هو الشي الوحيد اللي يبقى مع الزمن
والله يكتبلك اللي فيه الخير |
يا بنت الرجال مخابر مو مناضر يمكن انه مو زين على قولتك بس اخلاقه ودين اهم شي ارضي بنصيب ولا تصيرين
مغروره |
أختي الغالية
ألمس من كلماتك قلة نضج و غنج من تربية أمك و أبيك الله يحفظهم لك أتمنى تكوني استخرتي الله قبل الموافقة شكليا أو الرفض ضمنيا...يعني إذا مو مستخيرة الله فالقرارين الإثنين غلط, و لكن أنت يغلب عليك الرفض و هذا أيضا إذا كان من غير استخارة فهو ذنب و استكبار على رزق من الله و سوف تعاقبين عليه...أما إن كان من استخارة فالزواج مو بالغصب...بس تسوي الإستخارة و نفسيتك محايدة موب رافضة و لا موافقة و تشوفي النتيجة الإحساس كيف يكون ثانيا : طبعا الزواج كما قلت مو بالغصب و من حقك أنك تضربي على موضوع الزواج ككل, قرار الرفض من حقك بس عليك تكوني على قد قرارك و تتحملين مسؤولية نتائج الرفض عليك و على أهلك...يعني يبي منك تعقل و حسم و تحمل للمسؤولية...بس لأنك دلوعة أهلك لا أعتقد ذلك..سامحيني و الزواج سنة كونية تأجرين عليها,تثقفي أكثر و اقرأي عن أجور الزواج و عن مواصفات الزوج و الزوجة و الله يوفقك لما فيه الخير |
تصدقين ذكرتيني بـ اختي زوجها مو جميل (مقبووول ) بس ولد عمي
مثل تصرفاتك وافكارك يعني لما جابوا الشبكه قالت مو حلو وقامت تحط مئه عيب لــها >>وبالعكس الشبكه شيك وذوق بس عقلها مقنعها بالشى هذا والحين لـها متزوجه 5سنوات ومستانسه معه وعايشه حياتها اكثر مما كانت عندنا في البيت مع ان كانت حياتنها رفاهيه وترف وعايشين حياتنا بالطول والعرض بــس الحياه غير مع الزوج استخيري والله يوفقكـ |
اسألي نفسك ما هو الزواج و ما هدفه
ولما قال الرسول صلى الله عليه و سلم الزواج نصف الدين |
اعرف كلامكم صحيح ..
لكن مدري وش فيني مابيه دائما اهلي مايضغطو علي باي شيء الا بمساله الزواج من ولد عمي.. ياما تقدمو لي ورفضتهم ليش ع هذا امي قامت علي وصارت تقولي عمرك بيروح وتقعدي عندي ومدري وش واحنا دلعناك ومدري .. انا قلت اسبابي لها كلها معرف وش اسوي طفششششششششششششششششششت ××.. بس جد يابنات انا وافقت عشان امي وابوي قلت دامهم راضيين اكيد راح تمشي حياتي لكن انا يوم شفته ماحبيته ماحسيت باي شيء تجاهه زي اي بنت تنخطب ووضعي انقلب وصرت بس ابكي صارو كلهم يقولون لي ارجعي زي اول يحسو البيت هجد وحزن وربي ماحد حاس فيني وهذا اول قرار اكون وحدي والكل ضدي اول قرار اخذه بنفسي معرف وش اخذ القرار ارفض واندم ولا اكمل واظلمه معي خصوصا هو طيب جد مو عارفه تعبت يعطيكم العااافيه منورين ^^ |
حبيبتي واختي الغالية انا حاسة فيكي بس اسمعيني اختي انا حبيت واحد ابيض وجميل كتير واي وحدة يعجبها بس في الاخر قالي راح انساكي كنت اتمنى اني حبيت واحد مو حلو واسمر ويخاف عليا ويخلص لي واحسه جنبي والله كنت خليته يحس انه ملك جمال الكون ممكن تتزوجين واحد يكون ابيض ووسيم وتفتخري بجامله بس مايخاف الله ويكدب ويعيشك بجحيم اهم شي الدين اختي صدقيني الله يوفقك يارب وفكري بعقلك الحب ياتي بالعشرة والمعاملة الطيبة وخوف الله
|
ان شاء الله بخلي امري لله دعواتكم لي تكفووووووووووون
جزاكم الله خير كل احد رد علي ربي يسعده ويوفقه دنيا واخره منورين ^___________________________^ |
| الساعة الآن 02:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©