|
الخاطب يطلب صوره لي..
السلام عليكم ورحمة الله وبركاته: سبق ونزلت موضوع هنا وذكرت انو فيه شخص متقدم ولقيت في ردودكم مايؤنس الروح وجونا اهله في البيت وعجبتهم وقالوا ان ولدهم ملتزم ويخاف الله ويبغى وحده ملتزمه وأنا فرحت كثير واليوم صار شي خلاني ماارتاح له لانه خلا امه تكلم امي وتقول لها :الولد يبغى صوره لبنتكم..!! وانا بصراحه استغربت هذا التصرف من رجل ملتزم مع العلم ان الام اخذت رقم والدي واخي يعني كان بإمكانه مكالمتهم والدخول من الأبواب وتحديد يوم للنظره الشرعيه بصراحه أنا مومرتاحه لأسلوبه أبغى رأيكم في الموضوع.. |
قوليلهم فيه نظره شرعيه حكايات الصور مو من عاداتنا وانتهى
|
اقتباس:
أنا قلت لأمي ماابغاه وماادري اذا تصرفي صح أوغلط بس استغربت من التصرف يعني لاديننا ولاعاداتنا فيها هذي الأشياء ولوكان ملتزم بحق ماكان بدر منه مثل هذا التصرف.. |
اقتباس:
ولماذا لا تحسني به الظن قليلاً وتفترضي أنه خجول مثلاً واستحى أن يطلب رؤيتكِ مباشرةً؟! أو ربما هو متوقع أن النظرة الشرعية عادةً تكون خاطفة لا يحصل فيها تدقيق كافٍ لملامح الوجه .. لذلك رأى أن الصورة توفر له فرصة رؤيتكِ والتمعن في ملامحكِ كما يجب .. وفي نفس الوقت تعفيه من حرج (البحلقة ;)) خلال جلسة النظرة الشرعية. |
والله مدري وش اقول لك استخيري الله
وقوليلهم بس نظره شرعيه اذا حس انه ماشاف قوليلهم مو مشكله لو تبون نظره ثانيه مستعده ولاتنسي الاستخاره |
نصيييييييييييييييييحه
لاترسلين صورتك ارجووووووووووووووك إذا هو ملتزم ليش يطلب صورتك ليش ماطلب نظره شرعيه ارجووووووووك لو حبيتيه لاترسلين له رجاااااااااااااااااااااااااااااااااااااااااااااااا ء قولي لأهلك ينظر لك نظره شرعيه وإلا أتركيه الله بيعوضك خيرا منه |
اقتباس:
أما انه خجول فمااتوقع أبداً لأنه من ثاني يوم من بعد رؤيه أهله لي اتصل بأخي وهومايعرفه أبدا وسأله عن عمري مع ان أمه سألتني عن العمر ولمن سأله أخوي مين انت طيب؟ قال انا خطيب اختك فلانه واستغرب اخوي وقال لي :من متى ماشاء الله صار خطيبك يعني موقفين ورا بعض كلها مي مقبوله.. |
الحين بتحاسبون الرجال على زلة لسان !!! ياختي افرضي قال كلمة خطيب من الربكة لان أخوك ماعرفه وماعرف كيف يعبر عن نفسه !!!! بالنسبة لطلبه صورتك ترى موقف عادي جدا .. أول مرة أعرف انه اللي يطلب صورة معناها مو ملتزم لانه هو بكل الاحوال ربه شرع له انه ينظر لك سواء بصورة او على الواقع , عادي جدا يطلب صورة أو نظرة شرعية .. تقولين ليش ما يدخل من الباب ترى الرجال داخل من الباب ومرسل أمه تطلب الصورة من أمك شوفي أختي نصيحتي لك لا تقعدين تدققين على كل كلمة يقولها , كل الي عليكم تسألون زين عن الرجال وبأماكن مختلفة وتاخذون راحتكم بالسؤال والتفكير وانتِ تستخيرين الله وتستشيرين وبعدها تقررين أما تستقعدون له : ليش قال كذا , وليش سوى كذا ماشوف انه هذه تصرفات صحيحة ماعدا الأشياء اللي فعلا مستنكرة ادخلي يوتيوب اكتبي طارق الحبيب اختيار شريك بتلقين حلقة عن اختيار شريك الحياة |
والله أختى عن تجربة ... فى مرحلة الخطوبة يصبح سوء الظن والشك للاسف هو سيد الموقف نتيجة مانراه ونسمعه من حكايات وحوادث..
أنا مع فرض حسن النية... لكن فى نفس الوقت لاارجح إرسال صورتك ...وافضل النظرة الشرعية.. حتى يعلم أنك عزيزة .. ولو صمم لاتندمين ... مادامت هذه ليست عاداتكم وهو يعلم ذلك .. فلاداعى لإرسال الصورة.. تحياتى اخوكمm.s |
أرسلي صورتك وأنت بحجابك الكامل أقصد غطاء للرأس من غير مساحيق التجميل |
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©