![]() |
اريد ان ارتاح
السلام عليكم ورحمة الله وبركاته
بداخلي مشاعر مختلطه لا ادري ماذا اقول؟ اعلم ان ما اصابني بامر من الله والحمدلله على كل حال والحمدلله راضيه بما كتب لي ربي ولعل فيها خيره انا لا اعلمها ولكن يا اخواني ساعات احس اني انا المتسببه في طلا قي فالوم نفسي كثيرا لا ني لم اصبر واتصرف بحكمه فصدمتي به افقدتني توازني فاشعر بحزن شديد بعض الا يام وبعض الا يام اجد نفسي مطمئنه ومرتاحه سؤالي هل ما امر فيه طبيعي ام هو تانيب ضمير ام هو شعور مرت به غيري من المطلقات؟ اريد ان ارتاح انتظر ردودكم واسعدكم الله واراح بالكم |
ياقلبي انتي الله ياجرك بمصيبتك ويخلف عليك بالافضل
تأكدي ان مثلك كثييييييييير نحن لانختااااااااار لانفسنا الزواج ولا الطلاق ولا الموت ! كلها مقاااااااادير قدرها الحليم القادر وله بذلك حكمة هو الاعلم بما يصلح لنا وقد يكون ما اصابنا ظاهره عذاب لكن باطنه رحمة تأكدي لو الله اراد لكِ الاستمرار لاستمرت الحياة بينكم حتى لو كل يوم بينكم الف مشكلة ! لا تلومين نفسك ولاتخلين الشيطان يفرح بحزنك انصحك بشريط (جنة الرضا ) الشيخ / ابراهيم الدويش رااااااااائع دائما رددي ( اللهم اجرني بمصيبتي واخلف لي خيرا منها ) حاااااااااااسه والله بشعورك والله يعوضنا خير فضفضي وقولي كل الي بخاطرك متابعه لك |
لا صح كلامك تأنيب الضمير يوجع وكثيير كمان لإنه تحسين غيرك صبر ودارى ومشى حياته ومشيت معاه
ولاكن تقعدين تراجعين نفسك كثير لو إنتي كنتي مشتركه بالخطأ وعندك اطفال مافيها شيء حاولي بالرجعه بأي طريقه |
عزيزتي حنين للا مل
والله ان كلامك بلسم الله يسعدك حبيبتي |
اختي فاقده شي
انا طرحت قصتي هنا عشان ابغى اعرف هل انا مخطئه اولا هل انا استحق الطلاق اولا هل تللك الكلمه التي قلتها تستاهل الطلاق ابي حكم حتى ارتاح واذا عن الرجعه حاولت لكن بطرق غير مباشره بس مافي احد اعطاني اهتمام لا اهل ولا زوج وخاصة هو ما عنده اي مبادره عندي طفل وهذا هو الهم الكبير يعني حياتي مع هذا الا نسان غير منقطعه وربي ساعات الوم نفسي كثير بسبب هذا الولد والله يسعدك حبيبتي |
يا أختي
أكيد راح تشعرين بالألم ولكن لاتعيش الأألم ما أصابك من الله فهل الحزن يعيد الماضي عيشي حياتك لاتحزني والله يصبرك يارب |
جروحي كثيره اللهم امين
بارك الله فيك اختي والحمدلله على ماكتب |
والله ع امثاله لاتحزنين ابد
المفروض تكوني مبسوطة حجرة وانزاحت من امامك ولاتلومين نفسك ولاتزيدي حزنك تاكدني انك ع خير والفرج قادم وايامك القادمة اجمل صبر قليل’ وتفويض امرك لربك’ وتوكلي عليه ترى كلنا مليانين ماساه وهم وكرب ودموع لكن مالنا غير الله توكل صادق ويقين قوي وياتي الفرج باذن الله تحياتي ,, قلب متحدي |
شوفي والله العظيم بقولك قصه واقعيه لإختي أوكي
صارت مشاكل بينها وبينه في السنوات الأولى لهم بالزواج تعرفين لسه مو نضوج كامل وتطلقت تزوج حق عناد لها المهم كسرها تعرفي أيش معنى كسرها لإنها راحت زعله عند أهلها وكبرت المسأله وراح تزوج بس مايأست تحاول وهو يرفض مابقت أحد على قولك بطرق مباشره وغير مباشره المهم بعد فتره ترسله الولد يبغا يكلمك أو الروضه طالبين كذا أو المستشفى المهم ماسابته كل 4 5 شهور تذكره برغم إنه نسي ولده أو تناساه المهم بعد محاولات 3 سنين والله الآن لها شهرين راجعه لزوجها ومبسوطه ومال قلبه لها وحس بقيمتها أكثر من أول ولإننا كنا نلومها أول فتقولنا شفتو كم تسوى فرحه ولدي وإحنا مع بعض وفعلآ ولدهاوالله نفسيته تغيرت ويقول بروح بيتي انا عندي بيت ماأقول غير الله يصلح أحوالك ودامه ينفع لاتيأسين على فكره كانو الناس يقولون لها ليش ترجعين متزوج قالت ولو تزوجت مو باخذ متزوج لا والله الأولى أبو ولدي وصدقت بكلامها وربي معاها لإن نتيتها طيبه ولاشرطت يطلقها ولاشيء وسبحان الله يمشي بين الناس يقول أحب أم فلان والكل لاحظ بعد صده كيف مال لها لإنها صبرت لاتيأسين لو طليقك فيه خير وأبو صالح ولايهمك فكلام الناس بس بطرق غير مباشره تحججي بولدك ولو مافي أمل على الأقل ريحتي ضميرك وعلى فكره يمكن صده إنك أخطيتي عليه معليش مع الأيام والمحاولات بتهدأ النفوس بس أصبري |
اهلين أختي عبره وهلت
نفس المشاعر اللي تمرين فيها مريت أنا فيها وكثير غيرنا أنا وياك مروا فيها أحيانا يجي على الوحده وقت تلوم نفسها وتقول أنا يمكن غلطت ؟ أنا يمكن تسرعت؟ أنا يمكن قصرت ؟ أنا ما عرفت أحافظ عى بيتي !! وليتني صبرت أعتقد إنها مشاعر طبيعيه والكل تقريبا مروا فيها .. بس تذكري دايما إن هذا شي ربي كتبه علينا وما يندرى وين الخيره .. والطلاق والزواج والموت كلها أمور مالنا يد فيها كلها مكتوبه عند ربي قبل لا ننولد فلا تحملين نفسك فوق طاقتها وإذا دخل لك الشيطان من باب لو وياليت عشان يحزنك ادحريه واتعوذي منه وقومي صلي ركعتين وادعي ربك واطلبيه إنه يفرج همك ويكشف ضرك وإنه يجعلك من الراضين بقضاءه ومن أهل اليقين .. وصدقيني لا راد لقضاء الله و ما راح تاخذين إلا نصيبك ولو اجتمعوا الإنس والجن على أن ينفعوك بشي ما راح ينفعوك إلا بشي كتبه ربي لك ولو اجتمعوا يضرونك بشي ما راح يضرونك إلا بأمر الله ... "قل لن يصيبنا إلا ما كتب الله لنا" ولا يرد القضاء إلا الدعاء فادعي ربك بما فيه خير وصالح لك دايما وأبدا وتذكري وعسى أن تكرهوا شيئا وهو خير لكم ودايما خليك متفائله .. وخلي عندك حسن ظن بالله ورددي هذا الدعاء للشافعي عشان يريح قلبك: (اللهم إني لا أملك لنفسي نفعا ولا ضراً ولا موتاً ولا حياة ولا نشوراً، ولا أستطيع أخذ إلا ما أعطيتني، ولا أتقي إلا ما وقيتني، فوفقني لما تحب وترضى من القول والعمل في عافية). أسأل الله تعالى أن يصبرك ويربط على قلبك ويصلح الحال إذا فيه خير لك ويبارك لك في ولدك ويرزقك بره ويكتب لك الخير ومافيه .. آمين تحياتي لك ،،،، |
الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©