|
شاب في مقتبل العمر ورحلة الإدمان : ( !
السلام عليكم ورحمة الله وبركاته اخواني بقولكم قصة واحد من اقاربنا وهو شاب عمره 24 سنه بداية قصته عندما ترك الدراسه وهو في صف ثاني متوسط وذهب مع شلة شباب فاسدين - وانمسك مره بالهيئه ومعاه واحد من اخوياه ولقوا معهم حبه " حبوب " وصارت سالفة وكل واحد يقول مو لي للثاني - المهم كلهم انسجنوا تقريبا لمدة 45 يوم .. وطلعوا بعدها ، والشاب هذا من بعد ماطلع من السجن وظهرت عليه تصرفات غريبه ! دايم يسرق من آهله فلوس ذهب أدوات كهربائية كل شي ينباع يآخذه ويبيعه ، أخر مره سرق من ابوه تقريبا 2000 ريال ، ومايدرون وين وداها .. وتقريبا قبل كم يوم مسكوه وهو بياخذ مكيفات من مستودعهم عشان يبيعها ، قامت مسكته امه واخوه الكبير واخوه الصغير وضربوه على اساس انهم يبون يعرفون وين يودي هالفلوس ، تركهم وقام للحمام وإنتوا بكرامه وشرب كلوركس - يعني بينتحر - لحقوا عليه اهله و ودوه للمستشفى وصار تحاليل وغسيل معدة وما الى ذلك .. المهم اتصلت ام الولد بـ ولد عمه وكلمته وقالت له يودي ولدها مستشفى الامل عشان يكشفون عليه اذا هو مدمن او لا ، لأن تصرفاته مرره تبين انه انسان مدمن وطبعا صار وكشفوا عليه وتبين ان مدمن بـ نسبة قليله في الدم .. دروا اهله وهاوشوه ولكن لا حياة لمن تنادي .. اخرها اليوم سرق من ابوه 150 ريال وما تاب ... تكفون قولوا لي وش التصرف الصحيح مع هالولد .. لا تقولون مستشفى الامل ، لأن اخته كلمتهم وقالوا لازم موعد وما الى ذلك ، وانا ابي حل سررررررريع جدا ‘ لأن لو تركوا الولد على هالحال بتطوور والله وبيصير مدمن من غير شر :( مع العلم إن الحالة الاجتماعيه للولد ميسوره والده مصاب بمرض نفسي لانعلمه الام والاخت مابيدهم شي يسوونه الاخوه وجودهم كعدمهم وهم في منطقه بعيده عن اهاليهم - اي انهم غرباء في المنطقه التي يعيشون بها الان . لا تبخلوا بالمشورة والنصح ، جزاكم الله خيرا وسدد خطآكم .. |
الحمدالله الذي عافانا مما ابتلاه به
المخدرات افه الله يحفظ شباب المسلمين منها الحل لازم يتعالج من الأدمان لاااااااااااااازم لأن طالما هومدمن مابتقدرو تعملون حاجه لأنه المخدر بدمه احجزو في مستشفى الأمل وعرفوه على شلة خيرين وكلمو شيخ له كلمه ومؤثرعلى اساس ينصحه ويجلس معه |
صراحه ما ادري وش أقول
بس حبيت ادعي له أسأل الله أن يعافيه مما ابتلاه وان يعافي شباب المسلمين وبناتهم ويحفظهم من كل شر ومن كل فتنه تقبل مروري |
واضح من البدايه
اهمال اين رقابه الاهل عندما قرر ان يفصل من المدرسه ؟؟؟؟ وانتقل بعدها الى سجن الاحداث بحكم سنــــه والكل يعرف ان سجن الاحداث دماااااااااااااااااااااار دمااااااااااااااااااااااااااااااار وكل اللي حصل له بـ اهمال الاهل ؟؟؟؟ المخدرات ممكن تجي معها لبس من الشياطين وايضا العلاج من هذا الادمان لاكن لا ينسي الرقيه الشرعيه او الذهاب به عند راقى راح اذكر قصه حدثه لـ احد جيرانا بيت.. الاب فيه مدمن لاكن بشكل قليل ... الام مريضه نفسياً مره تصحي وعشره تكون اجن مما هي عليه في السابق الابن الاكبر سخره الله لهذه العائله ملتزم في صلاته لديه محل خضار يسترزق منه ويعيل هذه العائله والاخت كذالك الله هداها وايضا لهم اخوين صغار الابن الاوسط ا...لله ابتلاه بالادمان دخل السجون ودخل مستشفي الامـــل وتعالج لاكن لم يكن متعالج ؟؟؟ دخل على غرفه الابن الاكبر وقتله ذهب العائل لهذه العائله >>>قصه طويله لاكن اتضح ان هذا المدمن لديه مــس من الشياطين بسبب الادمان .... |
اقتباس:
|
اقتباس:
مشكووووووور جزاك الله خير |
اقتباس:
الله يستر من الجاي بارك الله فيك على المشاركه |
اسال الله ان يهديه
حسبنا الله ونعم الوكيل |
والله ما في زي الدعاء في كل وقت مع الالحاح والدعاء بالسجود وقت السحر
أسال الله العظيم أن يهديه ويبعد عنه أهل الشر والفساد ياربي نور بصره وقلبه بذكرك اللهم افتح عليه فتوح العارفين ورده إلى تلاوة كتابك المبين وأسعد والدته بهدايته يارب العالمين أختي ابتعدوا عن القسوة في التعامل وعليكم بلين الجانب والنصح بالود والمحبة |
اسال الله العظيم ان يشفيه
حاولوا انه يتعالج باسرع وقت والحمدلله انها نسبه بسيطه |
| الساعة الآن 09:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©