|
تقدم لي شاب كل شي فيه جيد لكن مشكلته الدخآن
السِس‘ـلآم عليكُممْ
كيفكُم ..؟! كح آنآ عضوههَ جديدة لكِن دآيركت بقولكم مششكلتتِي :25: و يً رب آححد يسِآعدني , مَ عندي آححد آستشيرهه لإني آسِتححي < تححآول تخليهم يحزنون عليهآ خخخ آنآ عمَري 18 خطِبنني وآححد عمرههَ 22 آو 23 مدري كم بالظبط :o وسألنآ عنههَ وكل شي تمآم صلآة وآخلآق بس مشكلتتته الدخآن :( آي وبعد رآح آبععد عن ماما كمآن =( آهلي تآركين القرآر ليّ آستخرررت وآجججد بس مآ آحس بشِي :rolleyes: آحيآن مرتآحة وفرحآنة وآحيآن لآ آتنككككد خآيفة يتطور عن الدخآن :( عآد تبون الصِدقق اقٌول آذآ مآمآ سألتني بقولهآ لآ مَ آبغغآه ولمآ تسألني آستحي واقولها مدري :o < عجزت اعرف انا مرتآحة له آو لآ خخخ يآلييتت تسِآعدونني لأنني محتتتآرة ولككم آحلى دعوةة =/ آنتظظركم :o |
إذا حابه تآخذي نصيحة أختك الكبرى
لاتوافقي على الشاب أول شي أنتي ولله الحمد باقي عمرك18 وإن شاء الله راح يتقدم لك الكثير لاتتعجلي على الزواج والله الدخان ماورآه إلا الأمراض صدقيني والله لاتقولي سأنصحه يترك الدخان لا البعض يقول عاجبك وضعي أدخن وإلا تفضلي بيت أهلك ويا أختي إذا أنتي يهمك الدين والأخلاق ليش تتدخلين بمتاهات مالها أول ولاتالي ليش تتدخلين هم المشاكل الدخان مرض لاتقولين حبيته وما أدري كيف لا يا أختي الدخان مرض وبعدين إذا أنجبتي كذا طفل تقولي بطلب الطلاق!!!!!!!!!!!! الكثير تفرح بالزواج وإذا ضاقت بها السبل تتطلب الطلاق!!!!!! أعرف إحدى الأخوات تقدم لها أكثر من شاب مدخن ولاتوافق ولما وصل عمرها 30 تزوجت بشاب من أفضل الشباب فأنتي العمر أمامك وأظن أنك راح توافقين لأن كلماتك تتدل على ذلك لكن أنتظري رأي باقي الأخوه والأخوات |
^
الدخآن آبتلآء مو مرض تبغين الصِدق هالحين آهلي يحسبوآ إني موآفقة وربي محتتتآرة الكَل قآلِي تقدري تغيري لأنههَ آبتتتتلآ وبالدعآ والإستغفآر رآح يسير اللي آبغى آنآ مآدري احاول اقنعك والا اقنع نفسي =/ |
يعني بسم الله الحين سبب الرفض الدخان؟؟؟؟؟ معناته اللي متزوجين مايدخنون؟؟؟؟ لااختي في الله شوفي اهم شىء الصلاه والاخلاق خلاص مافي داعي للرفض وتوكلي على الله وبعدك عن امم سنه الحياه اللي هي الزواج كل واحد يشوف نصيبه بالدنيا وامك ماراح تبتعدي عنها كثير كل عطله تروحي لها ودامكم متفاهمين بتروحي لها...
|
هذا مو سبب للرفض التدخين موعيب بس عاده سيئه
عليك بالاستخارة وتوكلي على الله إذا حسيتي إن قلبك مشروح وافقي دام دينه وأخلاقه كويسين وعن تجربه أنا خطيبي يدخن لكن بعد الاتفاق والآلحاح منى والاصرار صار قليييل يدخن وان شالله مايجي العرس والا تاركه اذا الله كتبلك نصيب خليك وراه وحنى عليه |
السلام عليكم مع احترامي لكل واحد منكم كيف تقولون ان التدخين مو عيب وانه سبب يخليها ترفض التدخين حرام لانه الواحد بيضر بصحته وبصحة اولاده لما يدخن قدمهم واكيد لما الاولاد يشوفون ابوهم يدخن عادي هما كمان يقلدون ويطلعون له انا شايفة انه سبب للرفض انا اتكلم عن وجهة نظري وكل واحد حر انا حاسة فيكي اختي ممكن انتي حبيتيه بس انتي لسة صغيرة وان شاء الله يعوضك بخير منه يااارب هده وجهة نظري اختي
|
ااختي في الله
الدخاان صحيح بلوه لاكن بعض الشباب يدخنون لاكن في قمة الاخلاااق ومحااافظين على الصلاه وماشاء الله عليهم الدخاان ماهو عاااق في الرفض اهم شي الاخلاااق وانه يكون على قد مسئولية الزوااج تخيل تزوجتي رجل مايدخن لاكن بعد الزواج دخن على تطلبي الطلااااق وثانيا ليس بكل مدخن يكون سي يشرب الكحول او المخدرات لاكن بلووه ابتلاء بها ايام المرااهقه وانتي بااسلووبك تقدرين تخلينه يهد التدخين واللله الرجل لو حب زوجته لو تبي القمر جابه لها وانا من الناس الي يدخنون والله العظيم 3 من جماعتنا اخطوبوني لبناتهم وهم يعلمون اني ادخن لاكن ماهو سبب للرفض والله يوفقك ويسعدك ويكتب الي هو صالح لك |
مرحبا فيك اختي والله يوفقك ويسعدك الدخان بما اني ماحب ريحته ولا أحب أجلس جنب اللي يدخن ولكن مايمنع أني أتعامل معاهم الله بلاهم بهذا الشي ولكن ليس منبوذين في مجتمعنا , أختي تقدملها شاب مدخن سألنا عنه الكل كان يثني عليه ويمدحه والدي رحمه الله وافق عليه والآن بعد فتره ترك التدخين وكله بفضل الله سبحانه وتعالى و اصرار اختي عليه عموماً الله يوفقك ويدبرك على الصالح
|
من واقع خبرتي كرجل اكبر منك بعشرين سنة اقول لك ان كل الشباب المدخنين الي عرفتهم في حياتي مايردهم شي عن باقي الشهوات مثل الشراب والبنات فمن تغلبه سيجارة سيغلبه ماهو اكثر منها صدقيني والتدخين في حد ذاته دليل على سوء التربية لذلك نصيحة مني لوجه الله اتركيه ويعوضك الله خير منه ولاتنسين انك ستعيشين معاه تحت سقف واحد فتخيلي انك ستصبحين مدخنة مثله تماما والرسول عليه الصلاة والسلام قال لاضرر ولا ضرار الان بيجي واحد ويقول لاتعمم وماهو صحيح فلا تصدقيه وانا ماقلت هذا الكلام الا من باب ابراء الذمة لا اكثر وانت حرة |
اقتباس:
يعطِيككْ العآفيةة =) |
| الساعة الآن 10:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©