|
بختصار .. محطم
سلام عليكم ورحمة الله وبركاته
وشلون اصير واثق من نفسي ؟ رغم العيوب اللي فيني وكيف اتجاهل كلام الناس واصير بارد ولا يهمني شي ؟ ليه كل ماقالو شي عني يضيق صدري وكل مامدحوني استااااانس مدري ليه اهتم بكلام الناس واتعمق فيه ليه ماصير اناني مايهمني الا نفسي وشلون اصير واثق ؟ ابي اصير واثق وقوي وآخر اهتماماتي الناس افكر افكر لو تزوجت ؟ كيف بتشوفني زوجتي ؟ وانا كذا حساس حساس حساس اي كلمة تجرحني واي مدحة تطيرني فوق وتفرحني ابالغ بأنفعالاتي وشلون بتتحملني ؟ ووشلون بتحبني اصلا ؟ وليه ؟ وعلى ايش ودي اصير اجتماعي ودي افتك من الانطوائية ليه اخاف من الناس ؟ وهم مثلي جسد وروح واحساس .. وليه ماقدر اواجة احد مع اني كنت قوي وشخصية .. واسد وش اللي غيرني ؟ صدق ماعدت اعرفني مدري وش انا هو انا ذكي ؟ غبي ؟ وسيم ؟ شين ؟ مميز ؟ طيب ؟ لئيم ؟ مدري وشهو انا وشلون اعرفني ؟ ابي احد يعلمني كيف ارجع ثقتي وعلاقاتي وبرودي وافتك من انطوائيتي وصدودي ؟ |
أولآ أسلوبك بطرح الموضوع ماشاء الله روووووعه والله مو مجامله كيف تحمل هالكلام وهالأسلوب وأنت تقول ماعندك ثقه أنت مو مشكلتك ثقه أنت بس يبغالك تعزيز هذي الثقه
كلامك دليل إنك فاهم نفسك وعارف مشكلتك هذا يسموه الشعور بالمشكله هذا أول الحلول 2 شيء على طول أبدأ غير بنفسك كلام الناس هذا آخر شيء أفكر فيه تدري ليه لإنها تخرج عن طريق ألفاظ سواء مقصوده أو غير مقصوده وأنا مو معقول أتعب نفسي بتفسير كل كلمه وأوجهها علي أخوي لاتكون مثل الريشه تطير بالهواء وتسقط من دونه وأعلم إنك أنت الوحيد المسؤل عن سادتك وأعلم إن السعيد من يسعد نفسه ولاتنتظر من أحد يسعدك أو يقدم لك شيء جميل حتى تسعد وإذا العكس تحبط تدري لي صديقه مقربه مشكلتها لو زوجها قلها كلمه وحده وزعلها تحبط وتتصل فيني وتبكي وتشتكي أقولها يمكن زعلان أو ينرفزك أو أو حاولي تتجاهلي الكلام تقول لاء وتكبر الموضوع وتقول أكرهه والله اليوم ال2 يراضيها يوديها مطعم أو أي شيء تغير كلامها كله تقول أنا كمان غلطت ومن ذا الكلام اقولها خلاص أعرفي مشكلتك من البدايه ولاتبالغين واليوم 4 تتصل تشكي والسبب جرحني ومدري أيه وعلى هالحال سنتين2 تدري أيش آخرتها والله ماأرد عليها لإنها إنسانه حسب الموقف تزعل لو زعلها وترضى لو راضاها حتى حمل إلى الآن ماحملت لإنها كل يوم بمزاج وتوتر وأصبح عندها لخبطه فموضوع الحمل تعبت واناأسمع لها فكيف زوجها اللي يعاشرها مالومه أتمنى وصلت لك الفكره وتقبل مروري وأي طبع بالدنيا نقدر نتعود عليه ومو مستحيل وأتصفح بالنت عن دورات تعزيز الثقه بالنفس وأسمع للدكتور أبراهيم الفقيه راح تدعيلي |
تشعر ودك تصير شخص لا مبالي او شخص بليد او شحص دائما يطنش مايهمه كلام الناس صح !!!!
مشكلتك ماهي بعيدا عني!!!!!!!!! يارب لا ادري لماذا و ماهي هذه المشاكل النفسيه كثرت بعصرنا هذا! جبت لك فيديو بأذن الله يفيدك تحديدا عن مشكلتك هذه الفيديو الاول http://www.youtube.com/watch?v=biCDvDQm6fU الفيديو الثاني http://www.youtube.com/watch?v=byUdQxZeSjY |
إذا كان لديك إناء مملوء فلن يستوعب مزيدا تملؤه به
فامتلئ بحب نفسك و تقديرها و لن يجد كلام الناس لنفسك سبيلا |
هل تعاني من مشااكل نفسيه او جسديه ؟؟
|
انا اقولك كيف تتخلص من هالشي
تعرف كلام الناس هذا حطه ورا ظهرك كن مبتسم ونظيف وحسن التعامل مع الناس وثقيل ورزانه واترك عنك التفكير بكلام مضى عادي الكل يخطء ويصيب لايهمك لا مدح الناس ولا سبهم بالنسبه لزوجتك بالمستقبل لا تخاف فيه بنات وش كثرهم لو تبي اربع يبون بس تطق الباب بالتوفيق اخوي |
اخ صديق الامل أنا كنت إنسانه مب بس واثقة من نفسي إلا قمة بالثقة دايم أسمع كلمة تطلق علي هذي إنسانه واثقة من نفسها فجأة تغيرت 180 درجة حاولت أرجع ماقدرت الناس تقول هذي إنسانه واثقة من نفسها لكن من الداخل أبدا أحس بإنكسار بإهتمام لكلام الناس عانيت تقريبا سنه ونصف وقبل أسبوعين شفت مقطع فديو يعلمك الكلمات اللتي يستخدمها الواثق من نفسه طريقة المشي طريقة الاستماع طريقة التحدث مع الاخرين طريقة كلي ششيء يسويها الواثق من نفسه الحمدلله بفضل الله رجعت مثل أول حسيت الحياة حلوهـ بعد مارجعت لي الثقة حسيت براحه حسيت إني بعالم والناس بعالم صارت الناس آخر همي وراحتي آول إهتمامتي المقطع صراحة ماحفظته عندي للأسف لكن بحاول أبحث عنه لعلك تتغير كما تغيرت |
اقتباس:
شكرا على كلامك الراقي الجميل مشكلتي اني ماحب اشتكي لحد ولا احب اكلم احد يعني عايش حياتي هروب انطوائي وبلحالي مالي عزيز ولا غالي وحتى اللي اعزة ماهوب فاضي لي دايم ولا احب اكلمه وازعجة يمكن مشغول .. يمكن نايم ان اتصل هو زين على زين ان ماتصل ماروح ادوره اكرر شكري على كلامك المحفز |
اقتباس:
هل من موقف ؟ ولا من صدمة ؟ ولا من تعليقات ؟ |
اقتباس:
كلام مختصر وجميل تحياتي |
| الساعة الآن 11:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©