|
تعبت من أمي ..!
السسلام عليكم ,, أخبـآركم كيف الحـآل ..؟ بصرآحه انا سجلت بـ المنتدى عشان هالمشكله مضايقتني ودايم افكر فيها وو حتى المذاكره ما اقدر من كثر التفكير انـآ أكبر اخواني , وعمري 18 سنه وقريبه من أمي مرره وحيـآتنا أحسن شي علاقة امي بأبوي حلوه وابوي يحبها وهي بعد .. انا من النوع اللي اقول لأمي أي شي ما اخبي شي عنها وحتى لما ادخل للنت واسولف مع شباب وبنات واي سالفه تصير اقولها شي بمنتدى بقروب وغيره اقول كل شي بالتفصيل , والسبب عشان لو صار شي ممكن يضرني تنبهني عليه المهم امي مو كبيره مره ومتعلمه كويس وتحب تتصفح النت قبل شهرين تقريباً سجلت بـ الفيس بوك , وداخله بأسمها ام فـلآن ال.. وكانت دايم سوالف مع بنات عمي وغيرهم نعرفهم واقاربنا المهم انها تقبل أي اضافه ! , مدري أيش السبب اتوقع انه فضول بس قبل اسبوع تقريباً , كلمها شاب بعمر ال 25 بالفيس بوك وهي ترد عليه عادي وسوالف انا عارفه سوالفهم عاديه والولد على قولته معتبرها مثل امه ! ويقولها انا اعتبرك مثل امي وهذي مشكله ممكن تحلينها ومن هالكلام , بس طريقة كلامه لها ما تعجبني يعني احسه مثل اللي يتسلى وكذا واحس أمي ترد عليه بطريقة غلط :( وبصراحه انا ما ارضاها مهما كان امي هذي ولا ودي تكون قدوتي كذا ! وامي مو من النوع المتفتح لا بالعكس حريصه على الصلاة والوتر وغيره ودايم تستغفر وكذا يعني انسانه قريبه من ربها وانا بصراحه ما صبرت رحت وكلمتها قلت لها يمه هذا شكله يستهبل لا تردين عليه مو زين بعدين ينسخ كلامك ووينشره وانتي داخله بأسمك واسم العائله مو كويس , قالت لي مو انتي اللي تنصحيني وبعدين انا كبيره وفاهمه وو لا قلت كلام غلط ! مدري ششسوي ! والله مو مرتاحه |
الله يخليكم , أبي حل مو تجريـح مهما كان ما ارضـآهـآ
|
قولي لها أخاف ابوي يقرا مابيرضى
أو أنهي حسابها افضل |
أفضل طريقة أن توجهي أمك و تقولي لها هل ترضي أن يتكلم أبي بالخفاء مع امرأة غيرك فإذا قالت لا فقولي هو كذالك لا يرضى فخافي الله فينا فأنتي قدوتي و مرآتي التي أتجمل بها فلا تكسري جمالي بسقوط تلك الأقنعة الجميلة بارك الله فيك
|
بما ان امك متدينه فادخلي لها من الجانب الديني , فالدين له نظرة في مثل تلك الأمور
فضلاً على ان مثل هذه الأفعال التي تدخل صاحبها في نطاق " الشبهه وسوء الظن"! تعتبر خطأ كبير وللفاروق رضي الله عنه كلمة جميلة في ذلك وهي " من عرض نفسه للتهمه فلا يلومنّ من اساء الظن به " لابد ان يبتعد المرء عن الشبه والتهم ونحوِ ذلك وماذا لو علِمَ ولدك بذلك؟! , اقل شئ سيحدث هو سقوط امك من عينه وتوتر العلاقه بينهما! يجب ان تعلم امك ان ماتفعله خطأ , قد يفتنها بدينها! , وقد يصيبها في علاقتها بزوجها ونظرة الناس لها ايضاً هي ليست مسؤوله عن ذلك الطفل العابث! , ارجو ان تخرجي امك قبل ان تسوء الأمور , فالشيطان يجري بالأنسان مجرى الدم تمنياتي لكِ بالتوفيق |
طيب تقدرين تمسحينه من الاصدقاء بدون علم أمـك ؟
والاسم يدخله أنتي وأمك بس ولا خواتك وأخوانك كمــان ؟ ذكري أمــك بالله وأنه يايمه مو معناه أنك أم عيال يجوز تكلمين شباب ذكريها بالحساب ذكريها بالاعمال اللي تقوم فيها من إستغفار وصلاة وصيام وصدقه ..... لاتذهب هذه الاعمال على دقائق في مكالمة هذا الشاب أدعيلها بالهداية والثبات في صلاتك . |
عموما انت ما وضحت كيف مو مناسب الكلام,حتى انت عبرت بكلمة (أحس) والاحساس دا زي الظن.
السؤال اللي يطرح نفسو وينتظر الاجابة: هل الكلام فعلا غير مناسب؟ قد يكون هناك مبالغة في إحساسك لان امك داخلة باسم العائلة وتعرف ان بنتها شايفة كتاباتها, ما اتوقع ان أي أم ممكن تغامر بهذين الشيئين بهذه البساطة.. |
| الساعة الآن 01:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©