زوجتي الاولى .....والثانيه ... والابناء
 

موضوعي بختصار احب زوجتي حب كبير ..... تحصل مشاكل لكن تنحل بسرعه ... عندها اسلوب بالقناع غير طبيعي تمشكلنا اخر مره ..... على شغلها وتاخيرها فيه بعد الدوام الرسمي حسيتي باهملها لي وللاطفال والبيت ... خيرتها بين العمل او البيت وسحب السياره ووقف الدريول ... عندت وراحت تكس بدون اذني ... طردتها من البيت ... تدخلو اخوانها بس ما لهم كلمه اوراي فهي الي تامر وتنها .... راحت لمحامي رحت انا رفعت قضيه طاعه .. اهي رفعت قضيه طلاق للضرر ... عندي 4 ابناء ...الحين صار لنا سنه تقريبا انا تزوجت الثانيه ... وعقب زواجي بسبوع ردت المره للبيت لان اولادي كانو عندي طول السنه اوديهم لها في خر الاسبوع فقط ....... بعد ما ردت اكلمها تكلمني ونتعاشر وكان شي لم يكن وكان ما بيننا شي بس تريدني اطلق الثانيه.... والا ستطلب الخلع لان مافيه شي او ما اثبتت الضرر .....اكون معاها عادي ويم الجلسه تبكي قدام القاضي وفي البيت ولا كان فيه شي تضغط علي عشان اطلق الثانيه وقلت لها الثانيه مستحيا اطلقها ... نصحتها وكلمتها تقول انت قتلتني بزواجتك ولا يمكن استمر معاك عمر زواجنا 18 سنه .... جلسه النطق بالحكم بعد 10 ايام ؟؟؟؟؟ الي عنده خبره لا يبخل علي اشلون ارضيها ... اهي عنديه وتركب راسها وصعب تغيير رايها ودايم تسوي مشاكل من اتفه الامور تكبرها ... تحياتي وسمحول على الاطاله

هلا والله بنور دبي اشكرك على ردك .... وفعلا تقول كانت صدمه تمنت انها ماتت ولا سويتها لكن اذا فات الفوت ما ينفع الصوت .....للاسف احبها حب جنوني ومش قادر اتخيل حياتي بدونها.... تقول رديتي عشان اربي عيالي وهي صار لها سنه بعيده عنهم ما ردت الا بعد ما بنيت في الحوش بيت ثاني وتزوجت وعشت مع الجديده فيه حاولت فيها بدل المره عشره تقعد ببيتها وعند عيالها ونسحب القضيه فترفض رفض قاطع والجلسه بعد كم يوم والله قاعد افكر اطلقها قبل الجلس وانهي الموضوع وشوف العيال وحبي لها اقول خله يجي منها مو مني عشان ما اندم ولا يلوموني العيال بعدين. ننتظر ارى الاخوه والاخوات ..و شاكرا لمرورك وتعليقك اخوي نور دبي

.........هي اتهمتني بالضرب والسب والاهانه وعدم صرف على الابنا والله يشهد ن كلامها كذب فقط لاني تزوجت عليها تتهمني ولا توقعت اني باخذغيرها .. هل اطلقها قبل الحكم وانا مقتنع اني لازم اعطيها حقوقها كمطلقه حتى لو امرت المحكمه بالفراق بدون ما ادفع لها شي علما ان مؤخر الصداق 40 الف ريال والحقوق الاخرى متعه ونفقه وعده تقارب ال40 الف ايضا .....

نصيحة لا تخلي الامور تصل بام اولادك للمحاكم...مهما حصل لاتدع العلاقة تصل للمحاكم فهي أم اولادك وبرائي ان تطلق انت خير من تخلعك هي .. إن خلعتك هي فستمحي كرامتك الى الابد ولكن اذا كان ولا بد من فراق فطلقها طلقه واحده فربما تحن لك وتتراجع في يوم ما.

ابق على موقفك
و خلها تطلب الطلاق أو الخلع
و خل رايتك بيضاء
و الله لا تموت من الندم
الثانية ما لها ذنب
اتقوا الله في النساء

مشكوره اخت شقردية وهذا الري اشوف انه الأصوب مشكوره اختي

. مشكوره اخت ندى للأسف الزوجة تمادت كثير وما توقعت أني تطويها فسويتها وجاها شبه انهيار أنا فتوكل علي الله ويطلق رغم انها فعلا روحي وجسدي بيكون بلا روح وقلبي يتمزق. لكن والله مجبور