|
لا تحرموني خبراتكم وأفكاركم يا"متزوجين ومتزوجات"
السلام عليكم ورحمة الله وبركاته أول مشاركه لي في منتداكم فلا تردوني خائب اتمنى من الله ان تكونوا بأتم الصحة والعافية باقي أقل من شهر على الزواج و شهر العسل فاأتمنى منكم ان تفيدوني بعرض افكاركم وكل فكرة تفرح الزوجه وتسعدها في اول ايام الزواج وشهر العسل من "كلمة", "همسة", "تصرف", "مزحة", "هدية", وأي أي"فكرة" *ملاحظة:- لا تبخلـ/ي بشيء يسعد أخاً لك بالإسلام لن نستغني عن خبراتكم اسعدنا الله واياكم والمسلمين اجمعين |
الله يوفقك ويجعل أيامك كلهافرح أولآ
ثانيآ الكلمه الحلوه التفاهم الحوار شيء أساسي خليه بحياتكم لاتدخل أحد الأهالي بحياتكم سواء منك أو منها نصيحه وحده موجوعه من هالنقطه في البدايه تعتبرهافضفضه وأنت وهيه بتنسون لاكن الأهالي ماينسون الإحترام المتبادل أجبرهاتحترمك مو إنك تأمرهابإحترامك لاء بأفعالك لمن تشوفك محترمها ومحترم أهلها ومو مقصر معها لو هي بنت من أصل طيب صدقني راح تقدرك أكثر أقولك إياهابصراحه إحنايالنساء كلمه حلوه تطلعنافوق بالسماء وكلمه سيئه تنزلناتحت القاع لاتقطع الهدايا والله لهاتأثير وقوي كمان لاتنسى تهادو تحابو عندنامثل والله إنهم صادقين المرأه إذا شبعتها عاطفه وفراش ماتدور غيرك بيوم الزواج خذلها هديه ولمن تصحى من النوم قلها أفتحي دولابي وجيبي لي الثوب ولمن تفتحه تلقى هديه وبطاقه مكتوب فيهاكلام تلقائي من قلبك مثلآ مدري مين الهديه إنتي ولا هيه يااحلى زوجه بالدنيا لمن تناديها قولهايالله يازوجه فلان أو ياعروسه فلان طبعآ تقول إسمك والله كان هالكلام يفرحني أكثر من ياعمري وياقلبي لإنهامبتذله وتحسسني إني فعلآ ملكت إنسان وصرت حرم وزوجه و......الخ من احاسيس حلوه أخيرآ واللي اشوفه اهم شيء لاتنام بيوم وانت وهي زعلانين حاول ينقضي زعلكم بأقل من يوم وخذها عاده راح تتعود عليك وشوف انت حالات الحريم اللي يروحون بيت اهاليهم بالشهور وتقولك عادي وهو كمان لو تبحث عن السبب بتلقاه الجفى الجفى مقبره الحب بس الأزواج اللي متعودين على بعض تلقاهم بسرعه يشتاقون وحتى لو لاقدر الله راحت بزعل بيت أهلها هي مابتتحمل بتكلمك وتقولك تعال خذني لإنهاتعودت عليك وأخيرآ الله يوفقك |
(( بارك الله لكما وبارك عليكما وجمع بينكما في خير )) الله يسعدك .. على هذا السؤال.. مدام نيتك تسعدها .. فلا تشيل هم.. اكيد حتحس وحيبان عليك.. المرأة دائما تحب الي يظهر مشاعره.. مو بس في شهر العسل ..طووول العمر إن شاء الله.. فلاتنسى دائما تعبّرلها عن حبك واهتمامك.. وتتغزل فيها دلّعها.. واختارلها أسماء دلع تناديها بيها.. فاجئها دايما وأكسر الروتين..إذا جبتلها هدية.. كل مرة غيير طريقة تقديمك مره حط الهدية في الدولاب ومرة غلفها ومرة غمض عينها.. دائماً.. العروسة تلبس وتتشيك وتغيير في قمصان النوم.. كمان العريس لازم يلبس .. لاتنسى لغة اللمس..في كل الأوقات.. امسك يدها.. العب في شعرها.. هذا الي في بالي حالياً.. أتمنالك التوفيق |
كلام فاقده وقلبي حنون ميه ميه .. جزاكم الله خير ..
|
ماشاء الله وجزاك الله خير يافاقده عساك ماتفقدي غالي فعلا كلامك كله جميل وكل كلامك اقتنعت فيه واقل شي الهديه وطريقة تسليمها لأن كان براسي اقول هذي هديتك واعطيها وبس :25: بس الحين فكرتك تفرح اكثر من الهديه نفسها :22: |
جزاك الله خير قلبي حنون
وفعلا العمر لازم كله يكون عسل مو بس شهر وانا خصصت هالموضوع لهالفترة فقط لأني مفكر ولا راح استغني عن خبراتكم بعد الشهر الأول فا لا تخافي كل ماأحتاح خبرتكم ماراح اتردد لين تقولوا انتم بس ماراح نجاوب :16: شكرا حلم وأيضا لاأتردد بل افرح في قرأة افكارك انت ايضا والله الموفق |
|
أخوي أعجبتني فكره مررررره حلوه بس وين قريتها أوأحد حكالي إياها مادري نسيت أهم شيء قلتها لإخوي وسواها حرمته بغت تنجن أعتقد بنفس هالنتدى المهم الحركه
حط خاتم في مكعبات الثلج وهي مويه قبل ماتصير ثلجه يعني وعادي تحطهابالفريزر وقولها سؤال هل تحبيني وتتحملين أي شيء عشاني أكيد بتقولك أيوه عاد انت قلها غمضي عيونك وجيب الثلجه وحطهابيده وهي مغمضه وخليهاتقبض عليهابقوه ألين تسيح عاد هي بتقول لاء ماتحمل إستغل الوقت بالمزاح والضحك أهم شيء خليهاتستمر ولمى تسيح راح تحس الخاتم بيدها ووقتهاراح تفتح عيونها وبتشوف الخاتم بتطير من الفرحه على فكره هذي الفكره قلتهالأخويه قالي بالبدايه انتي فاضيه الذهب غالي قلت طيب حتى لو مو ذهب بس أهم شيء يكون فخم وحلو وسواها وأنبسطت زوجته وتقول كأنه كيلو ذهب الله يسعدهم ويسعدك |
سيدة الموقف أحرجتيني :o
بكل صراحه لا أعرف لكن الأقرب انها جادة ولكن ان كان لايتعبك اذكري كل ماعندك من افكار فبالتأكيد ستفيدني (اغلب النساء لديهن من الرومنسية لو القليل) ولكي كل الشكر ـــــــــــــــــــ شكرا على الفكرة الرائعه وفعلا لابد منها وجزاك الله خير |
بارك الله لكما وبارك عليكما وجمع بينكما على خير
افضل ما تهدي زوجتك ايام شهر العسل مصحف تشتريه وتغلفه وتكتب لها عبارة اتمنى ان يكون هدا رفيقنا الدائم ومصباح حياتنا مع بعضن براي هده افضل هديه تقدمها لزوجتك كما اقترح عليك مثلا تروح محل الهدايا وتختار صندوق او علبه متوسطة الحجم بس يكون لونها احمر تحط فيها دبدوب وبالونات وشموع وكلها لونها احمر وتحطها داخل العلبه...... وتغلفها عند محلات الهدايا وتقدمها مع باقة ورد ولا تنسى تكتب لها في بطاقه مميزه كلام رومانسي عشان كل شويه تقراه ولا تحب تحتفظ بيه وصدقني لو هي رومانسيه راح تعجبها هالهديه البسيطه وتفضلها على طقم ألماس |
| الساعة الآن 05:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©