|
أكتشفت انها تتحدث مع رجال بالجوال والأيميل
السلام عليكم ورحمه الله وبركاته...ارجوا من الله ثم منكم اعطائي الحل المناسب لهذه المشكله وهذي اول مره اسجل في منتدي وإن شاء الله مايخيب ضني في تسجيلي لهذا المنتدي الرفيع...
انا متزوج ولي ثلاث سنوات وعندي بنت وزوجتي بنت مدلـله من اهلها ولا عمرهم احرموها من شي طبعا من كلامها وبعد الزواج استمر دلعهم لها ولا يبون يردونها بأي شي وفوق هذا مايسمعون عني الا كل خير. استمرت حياتنا بحلوها ومرها و قلوبنا علي بعض وكل واحد يحب الثاني ومع هذا استمريت بدلعها ولا حرمتها من اي شي من هدايا تخيلو كل شهرين افاجأها بهديه من ذهب وجوال وكمبيوتر وعطورات بحكم زوج يحب زوجته عشان الرومانسيه ماتغيب عن البيت وفوق هذا كلام الغزل مايفارقها ..صحيح اني عصبي شوي بس حنون مرره.. بدت شراره المشكله بعد ماملت من البيت عشان شغلي ياخذ 10 ساعات تبي تروح لاهلها طبعا رفضت مو وقته وقلت لها لا بابتسامه ومع مزح زعلت طبعا طلعت للدوام واكتشفت انها دقت علي اخوها وخذها لاهلها ودق علي اخوها يتلفظ علي الفاظ من ناحيه تربيه وشرف بيني وبينكم عور قلبي قلت هي عندكم اجل طبطب علي راسها وخلها عندك..سافرت برا مع الدوام وجيت بعد شهر طبعا لامكالمه ولا شي اهلي هم اللي يطمنوني علي بنتي..بعد شهر جت الكارثه مريت بيتهم عشان بنتي لقيت امها واخوها وهي معهم الا هم يبون يحلون المشكله بحكم انهم مايبون خراب بيوت الا زوجتي قامت تتشكي وتقوول سوا كذا حط كذا يعني مشاكل عاديه وقالتها..انا سكت واقوول في نفسي تعالي عندي لبيت ويصير خير المهم جت للبيت وجاها حقها مادريت الا والاقي معها جوال ايفوون سالتها من جابه قالت اهلي شارينه لها سكت شريت انا ايفوون عشان نراسل بعض اذا صرت برا البيت بعد فتره راحت تزور اهلها الا واكشفها تسولف مع شباب ببرامج الايفون جت للبيت ولا جابت الايفون وتقول هذي اخر مره وتبت لربي وطول الوقت علي السجاده طبعا شلتها بخاطري واستغربت يصير منها كذا حاولت ازرع الثقه فيها بعد كذا شهر تقريبا خمس شهور وشريت لها جهاز شبيه بالايفون ...راحت لاهلها ونا سافرت مع العمل اسبوع رجعت اخذها تخيلوا قالت بقعد يومين عند اهلي خليناها عند اهلها جت للبيت ومارتحت لجهازها حاولت اسوي مشكله عشان تعطيني الجهاز بعد ساعه رمت علي الجهاز وراحت زعلانه اخذت الجهاز خليته معي ابي ادخل علي ايميلي دخلني علطووول علي ايميلها والاقي 20 رجال في ايميلها من غير 3 ايميلات مقفله نفس الرجال اللي بالايفون ... طبعا هذا الشي له شهر..ومن ذاك اليوم بعد المشكله فارشه لي الارض ورد بس الثقه ماتنعطي مرتين وانا كارها وودي اطلقها بس غلات امي وبنتي وابوها فوق كل شي..والله فقدت الحب. طبعا لها شهر ماوديتها لاهلها الا ساعه بس سلمت وطلعت.. |
هل صارحتها بالإيميلات ؟
هل فعلاً تابت؟ |
هي تدري انك عرفت باللي عندها بالقائمه طيب هي كيف دينها تربيتها عقلانيه اندفاعيه تخاف الله اذكر صفات عنها عشان تتضح الصوره مو بس نحكم عليهامن افعالها الله يفرج همك
|
وعليكم السلام والرحمة
والله اخي ماذهبت للايميلات والحركات الا ان لديها جفاف عاطفي .. والاهم من هذا كله الدلال اللي قاعد تمطره عليها صباح مساء ولهذا نصيحتي لك اوقف النسل .. الله واعلم مستقبلا وش يصير يكفى ان بينكم بنت .. قضية الايميلات وحركات النصف كم .. اكيد فيه خلل عندك انت واسمح لي بهذه الكلمة .. أنت تغيب كثير ..؟؟ لابد من بحث الاسباب ثم اذا كانت في بيت اهلها مدلله وحركات .. فهذا يعني ان المشكلة مركبة من الاساس ... صراحة الوضع محزن ولا اقدر اجزم لك بكلام واكيد قد يكون فيه ملابسات اخرى والسبب سمعنا منك ولكن اكيد لديها اسباب تجعلها تسلك هذا المسلك الخطير .. وووفقك الله |
صح كلام امير الحرف الجفاف العاطفي مصيبه ابحث عن السبب بنفسك كان الله بعونك
|
انا كمان مع اخ امير
واخت فاقده شيء الله يكون بعونك |
اخي الكريم الله يفرج همك ..
اشغلها خلها تدرس ,او كلمها بهدوء انتي ماتبيني وتبين احد غيري هذا تفسير الحركات اللي تسوينها انا مستعد اتركك لو ماتخلين حركات المراهقين يمكن انت حارمها من شي وتبي تشغل نفسها باشياء ماتدري عن عواقبها ونفس الشي تبي ترضيك .. الوازع الديني ياليت تحاول تقويه وتجعل بيتكم دايم يكون فيه تسمعون محاضره وخصوصا محاضرات الشيخ العريفي فهو خفيف ع النفس ودايم يستخدم اسلوب لفكاهه في القائه جزاه الله كل خيرر اذا استمرت كلم ابووها وخلها عندهم لين يأدبونها,, الله يهديها ويسخرها لك هذي حركات ام:( |
اقتباس:
مـع كل آحترامي لك // آنــت الآن تبرر للفعـل القبيح ولا تفســره. بـل تضع الذنب على الـزوج !! عجيب ... قال الله تعالى (وَلَا تَزِرُ وَازِرَةٌ وِزْرَ أُخْرَى ). لنفترض إن إمراه : (( غير متزوجة أو آرملة أو مطلقة أو زوجة زوجها بعيد عنها )) تبرر لها الوسيلة لمحادثة الشباب !! و العجيب أنك تقول ... أكيد لها أسباب ... من باب (( الغائب عذره معه )). =========== نصيحتي للأخ صاحب المشكلة: 1- أوصيك بالتثبت بالتثبت بالتثبت قبــل عمـل أي شيء. 2- أوصيك بالحلم بالحلم بالحلم وحســن التصرف. 3- أن لا تدع هذا الآمــر يعـدي سهيل. أخيراً أعانك الله على مصيبتك // ,, آنتظر الأعضاء الذين يؤخذ برآيهم وبُعد نظرهم. |
يا اخي لاتغيب عنها كثيرآ
عمل 10 ساعات كثير غير انك تسافر لمدة اسابيع بحكم عملك زوجتك تشعر بفراغ عاطفي كبير حاول تسد هذا الفراغ ولاتدع لها ابواب الشيطان الفتن موجوده بكل مكان الجوال واللاب توب والاسواق وكل مكان عدم وجودك يشجعها على الجراءة مع قلة الوازع الديني والخوف من الله ومثل ماتفضل اخينا الفاضل الجانب الاخر الحل اخي انك تصارحها تواجهها الله يكون بعونك ويربط على قلبك ويهدي زوجتك |
تثبت من الامر جيدا وتدكر اخي ان هدا ربما يكون من رمي المحصنات الغافلات بدون وجه حق
صارحها واعرف الاسباب لي خلتها تعمل كدا. |
| الساعة الآن 04:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©