|
طبع زوجي مين منكم زيي ويساعدني
السلام عليكم ورحمه الله وبركاته
أخوتي في الله أسأل الله أن يجري على ماتكتبونه من تعليق لموضوعي الصواب والخيره لي بدايه ذكرت مشاكلي قبل أنا وزوجي في موضوع سابق ولاكن إستمراره بالصلح وإنه يرسل ناس للصلح مستمر هو يدري إنه أخطأ واسرف في حقي كثييير ويدري إني بسامحه على قوله إنتي قلبك طيب وبنت ناس بس اللي ماقدرت أتقبله برغم إهانته لي وطرده من البيت أكثر مره وبعدها يندم ويبكي ويتسامح ويذل نفسه بشكل مو طبيعي عيبه اللي كارهاه فيه ومو قادره اعيش يوم واحد معاه انه يشتكي يفضفض بكل صغيره وكبيره لإمه وابوه واخوانه يحب يعيش دور المظلوم ويبغا ايش مادري فسرولي ايش يحس فيه لمن يسوي كذا وابغاأحديفسر لي شخصيته تصرفه هذا فيه خبث برغم إنه طيب ويحب يشاور اصدقائه وكل اللي حاوليه والله اناكتومه لأبعد حد وأكره الحرمه اللي تشتكي لإهلها وعلمته بس الشكوه لله ويكذب بكلام يقول قالت فيكم ياأهلي ولمن أواجهه يقول والله انتي ماقلتي طيب ايش قصدك تكرههم فيه يسكت ويقول صح كلامك انافهمتك غلط مع إنه يدري إني أحب أهله واهديهم وحتى اعطيهم فلوس ولاأجي أقوله ولاأتمنن عليهم ولاحتى أقول لا لإهلي ولاصديقه ولاتقولون حاولي حاولت بكل الطرق ويشهد الله على كلامي لاكن مافي فايده يندم ويرجع فوقت الزعل هو طبعه هل احد مثلي تعاني من زوجها بهالطبع وتغير؟ هل أحد يعاني معاناتي وحاس فيني إنه شيء صعب؟ كيف تغير وهل اللي عنده مثل هالطبع بسهوله أو صعوبه يتغير؟ مع محاولاتي اللي بائت بالفشل أحس إنه مستحيل وأوقات أقول إنتي ماتعلمين الغيب ليش تجزمين وبعدها أقول لو إنك فطينه كان فهمتي من البدايه وأنسحبتي تضاربات فظيعه بتفكيري وأوقات أقول الشيطان يبغايخرب بيتك للمره ال2 وأرجع أقول الخراب منه هو اللي طلب أخرج من البيت وبإصرار وكم مرره ويرجع يندم وتمشي الحياه ويرجع بعدها نفس الشيء يعيده يعني مو إنتي السبب وأقول لاء هو تاب وقال وقعوني على ضمانات وخذو مني كل شيء بس ترجع والله لأتغير عشانها وأرجع أقول طب قبل شهر صار زعل وندم نفس الندم ورجعتي ولمن صارت القنابل حق الزعل رجع لطبعه السيء طب انا أيش أسوي تعبت من التفكير والله من كثره احس بصداع نصفي وألم بعيوني وتساقط فظيع بشعري تعبت حسبي الله ونعم الوكيل اللي متعبني إني عندي ضمير يقولي مره أرجعي يمكن ويمكن ومره يقولي إنتي هذا كله مافهمتيه عمر الحب مايعمر بيت أنافحيره مو طبيعيه اللي عنده تجربه لهالطبع السيء ينورني بصدق بقراره نفسي لاء مابغاأرجع وأوقات أحس إن الطلاق للمره 2 شيء مؤلم خصوصآ صرت انا اللي اللي اقوله طلق لإنه اللحين يقول مااغا أطلقك وأحبك وشاريك قبل 3 أيام أرسلي ورقه من المحكمه الجزئيه لإصلاح ذات البين وزعلت وقلت لأخته ليه يوصلها محاكم قالت والله مانبغاها لكذا بس هوه مررره شاريك أرسل لي رساله يقول اناماطلبتك إلا لإني ابغاك تعبت خايفه أصر وربي ينتقم مني برغم هو حدني عالطلاق بعد ماطلعني ن البيت أتفقو الرجال على الطلاق وإرجاع جزء من المهر وبعدها أختفى هو وأهله وبعدها رجع بإصرار جماعته يقولو الناس كلها أكلت بوجهه يقولون له بنت فلان والنعم تطلق وللمره 2 إنت اللي فيك العيب وضروفه الماديه جدآ سيئه يعني مايمديه يتزوج بعدي ومايخلف وأعتقد إنه بحاجه لي بس أنالاء وأرجع أقول طيب عيشي مع اللي بحاجه لك أفضل من اللي تحتاجينه ولمن أتأمل تصرفاته أقول طب هو ليه ماعرف قدر نفسه وتمسك فيه كل شوي يبيع فيه برغم حبه اللي يمشي بين الناس ويقول انامجنونها بس ماأستفدت أبغاأمان أبغاستر حتى لو تذابحنا ليش يطلع كل شيء ويشتكي ويوغل قلوب ويألف هذا عدو مو زوج تعبت أتخذ حل ساعدوني أبغاأرتاح صرت منعزله ومهمومه وماأركز بشء حتى اختباراتي أحسهاصعبه هالعيشه برغم إن بوادر أسبابها جدآ تافهه ويعلم الله وحتى هو يدري إني حاولت غخماد النار قبل لاتحرق للأسف كره الأهالي ببعض كلام وقيل وقال وكأنه هو الحرمه وانا الرجال بالصبر هل منكم رجل به هذا الطبع وتاب أرجوكم أكتبولي تجاربكم يمكن أستفيدى عشان لواقبلت على خطوه ماأندم وكان ودي أقول بشيء بخاطري هل انامخطئه ام على صواب لإني ماأبغا أرجع لإني بصراحه مابغا بس التضاربات اللي فيه مسأله ضمير لاأقل ولاأكثر أتمنى انكم تقولون لي يمكن تشوفون شيء اناماأشوفه |
أختي الكريمة أنا عادةً لا أحب التدخل في هذا النوع من المواضيع.. لكن شعرت بألم روحك ومدى حيرتك ..لذلك أحببت أن أركز بعض الضوء على بعض الزوايا في موضوعك..
أولاً: هو لم يتغير ولن يتغير هذه من أهم سمات الشخصيات الضعيفة والمهزوزة. الحمد لله الذي عافنا مما أبتلاه.. ثانياً: أنت بلغ بك الألم مبلغ عظيم وشُهر بك .. ثالثاً: استخيري .. ولا تفكري بقلبك وعاطفتك .. فكري بعقلك.. لا تبحثين عن احتياجاته .. بل عن احتياجاتك أنت .. اسئل الله العظيم رب العرش العظيم أن يعوض صبرك خير .. ويهي لك من أمرك رشدا.. |
بعد كتابتي للموضوع لقيت أخطاء إملائيه وماقدرت أعدلها فأرجو المعذره والله من كثر الألم اللي بعيوني أخاف بيوم يصير نضري ولاشيء من الصداع اللي من التفكير حسبي الله حيره واناعنده حيره واناببيت أهلي يارب رحماك ولطفك
|
اقتباس:
وحطني بموقف إني اختار الطلاق انا برغم دفعه هو مافي شيء زي راحه الضمير يارب إهدي ضميري للي فيه خير مشكوره حبيبتي على مرورك وأزاح الله همك |
بالنسبه لنقله الكلام ومحاولته زرع الفتنه بينك وبين اهله ربمالانه يفكر للامام قليلاً بمعني لو صار شي بينكم يبغاهم يوقفون معاه ضدك سؤال حيرني كثير هو محتاجك علشان كذا متمسك فيك..إنت وش تستفيدين من جلستك معاه رغم الألم اللي سببه لك والحاله النفسيه السيئه إللي عيشك فيها ؟ استخيري اكثر من مره وحاولي تفكرين بنفسك شوي الله يوفقك يارب ويكتبلك الخير |
فكرتيني بواحد من أخواني ، الوحيد المختلف عن بقية أخواني ..
من جد يضرب فيه المثل اللي يقول ( ضربني و بكى ، سبقنى و اشتكى ) و كله بسبب ( كثرة الدلال المفرط ) .. على قد ما تحسني له ، على قد ما يروح و يتكلم و يشتكي للناس عنك .. دايما يبغى يكون ( مظلوم ) مع إنه ( ظالم ) .. فقط من أجل إنه يكسب ( تعاطف الاخرين ) أو ( تعاطف الماما عليه ) ، لإنه أمي هي اللي تصدقه و توقف معاه و هذا سبب استمراره المهم إنه تزوج دحين و نفس الشئ مع زوجته ،، و زوجته ما تدري إيش يجلس يتكلم عنها من وراها ، بس لإننا نعرف أخونا فما نسمع له و دايم أقول لأمي ، لا تصدقيه .. مثل ما يتكلم عن زوجته قدامك ، بتلاقيه يتكلم عنك قدامها و تلاقيه ( دجاجة ) قدامها ، و قدامنا يعني إنه ( أسد ) عليها .. اللي مثله للأسف ( ما يتغير ) إلا إذا جاله ( توبيخ ) من أهله .. بس شكله عاجبه الوضع ، لإنه بيكسب تعاطف أهله من خلال شكواه عنك و لو إنت ما كنت عنده ، راح تلاقيه يدور عن أي شئ عن يشتكي و يلقى الحب و الإهتمام و الحنان من أهله عن نفسي ، ما أتوقع طبع أخوي بيتغير .. و الله يعين زوجته ، و بقية أخواني مافيش ولا واحد مثله و الحمد لله ^_^ |
أختي الفاضلة ...
زوجك بحاجة مساعدة , أكثر منه بحاجة لوم مشكلة زوجك الرئيسة تتمحور حول ضعف شخصيته , ويبدو لي أن أفعاله ليست عن سوء نية وخبث بل عن تخبط وضعف شخصية , لاسيما أنه يندم ويهين ويذل نفسه لكِ لتصفحي عنه ويهذي بحبك بين الناس , وهذه ليست أفعال خبث . زوجك بحاجة علاج وجلسات لتقوية ثقته بنفسه وتقوية شخصيته , ليمسك لسانه عن الثرثرة الفارغة بشؤونكم الخاصة يميناً وشمالاً وبالتالي ليصم آذانه عن النصائح الفارغة زوجك به خير كثير , وعندما يتعالج ويتوجه التوجيه التسليم , سيكون رجلاً آخر بإذن الله . |
السلام عليكم
حبيبة زوجك يحتاجك فالطلاق هو اخر شيىء تفكرين فيه حاولي ان تري محاسنه و لو قلت وتصلحي البعض من مساوءه و لو كثرت و عليك بالدعاءوالامل في ان الله لن يظيعك وكان الله في عونك |
اقتباس:
كل ماأستخير ماأبغاه بس الحيره تظل ملازماني وهذا اللي قالقني مشكوره ياقلبي على الرد الرائع |
اقتباس:
|
| الساعة الآن 08:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©