|
ادعووو لندى _1406بتيسير ولادتها
بسم الله الرحمن الرحيم اقتباس:
اقتباس:
دعوااااااتكم لي ندى _1406 بتيسير وتسهيل ولادتها الله يسيرلك ولادتك ويقومك بي السلامة ويرزقك الطفل السليم المعافى ياررب ويفرحك بي :15: بعد ماشفت تعب اختى من يومين لمن ولدت :30: جلست اليوم افكر في الحمل والولادة وانا لسة مااتزوجت ههههه >>> ندى لاتخافي من كلامي :d:24: الله يسيرلك ياارب في الاخر اقتنعت مافي حلاوة بدون ناار :25: |
أسأل الله العلي القدير ان يهون عليها ولادتها ويقومها هي والبيبي بصحه وعافيه وسلامه
كل ماشفت رد لها أقعد أتفحص توقيعها حتى اتأكد كم باقي لها :) مشكوره يابنوته على اللفته الطيبه وعقبال مانسمع الأخبار الحلوه عنك يارب ياكريم عجبني شكلك وأنتي بتراقبي على الطالبات :25:كل ماأشوفها أتأملها واقعد اضحك حركات هالمراقبه غريبه صراحه :d |
حبيبتي ندى
اسأل الله العلي القدير ان يهون ويسهل عليك الولاده ويقومك بالسلامه ... لا تخافي وتوكلي على الله.. واكثري من المشي فهدا مما يحفز الولادة حبيبتي بنت مكة اشكرك عالبادره الطيبه وهذا شئ غير مستغرب من اهل مكة الطيبين الله يحفظهم دمت برضى الرحمن ورزقك الله الزوج الصالح والدرية الصالحة الطيبة . |
اقتباس:
ويقولوا لي أحملي وخليييك شجاااعة :24::24::24: ندى الله يهون عليك ويقومك بالسلامة ويجعل ولادتك أسهل مايكوون ويرزقك بالطفل السليم المعافى بنت مكة الله يحميك ويرزقك بالي يهنيك بس رجعتي لي ذكريااات الخوف هو أنا ناقصة تخوويف |
بسم الله الرحمن الرحيم
اسال الله الكريم رب العرش العظيم ان يمن على اختنا ندى _1406 بالولاده السهله الميسره ويرزقها السلامه هي ومولودها وان يكون سليم ومعافى اللهم افرح قلبها به واجعله من الذريه الصالحه البار بوالديه اللهم امين جزاك الله خير مشرفتنا الفاضلة بنت مكة ووفقك الله لكل خير وسددك لما يحب ويرضى |
أسأل الله العلي القدير ان يهون على أختنا "ندى" ولادتها ويقومها وطفلها بصحه وسلامه.. بارك الله فيك "بنوته" وأعانك على الرقابة:30: |
نسأل الله أن يسهل لها ويسر لها ولادتها ويرزقها الطفل السليم المعافى وتقر عينها بمولودها يارب وكثري التمر والرطب كلي تمر ورطب كثير في هالأيام تراه زين يسهل الولادة بعد إذن الله وربنا يوفقك إن شاء الله تعالى .
وألف شكر للأخت الغالية بنت مكة على هالفتة الطيبه ونسأل الله بأن يوفقك ويرزقك بإبن الحلال الطيب ونفر ح فيك يارب . الأخت الغالية سيدة الموقف ياشيخة تشجعي وش ذا الخوف فيك كلها دفتين و يطلع البيبي وآء وآء وآااء وتشوفيه قدامك وتتبسمي وترتاحي ترى أناأول ماتزوجت وكان باقي ماخلفت عيال كان لي زوجة أخوي من أبوي كانت تقرب للوالدة الله يرحمها بنت عمها ولو جلسوا مع بعض وسولفوا تعالي وشوفي سوالفهم عن الحمل والولادة بالذات إنهم كانوا إذا حملوا يحملوا سوى مع بعض بفارق أسابيع بسيطة بينهم حتي إخواني الصغار متقاربه أعمارهم مع أعمار عيال أخوية الكبير وحتى بعض إخواني أ صغر عنهم لأن أبوي زوج أخوي وهو بعده شاب صغير المهم ياستي يجلسون يسولفون وأقرقونا بألآم الولادة وزوجة أخوي جلست تعيد وتزيد وتحكي عن جميع ولاداتها و بعدين قلت لها غيري السالفه ترى ماصارت كل ماتجمعتوا أنتي وأمي سوالفكم كلها عن الولادة لو أنا مكانكم كان أدفه دفه وحده بس أخليه يطلع مثل الصارو خ ليش عاد أجلس كل شوية أ تعذب وأعذب نفسي قالت لي طيب نشوف أنت الحين متزوجة ويارب تحملي ولو جيتي تولدي أنا بروح معاك أخاف إبنك يطلع منطلق مثل الصارو خ من بيمسكه أخاف الممرضات ينخرعون منه لو شافوه طالع بهاذي السرعه إلا خليني معاك علشان أوقف قدامك أول مايطلع أنا أمسكه علشان مايطيح وهو منطلق . قلت لها ذاك الساع يصير خير إن شاء الله المهم أختك في الله طولت ماحملت بعد الزواج إلا بعد 8 سنوات وحملت وسقطت أول مرة ورجعت حملت مرة ثانية وأناساكنة بمنطقة ثانية غير منطقتنا إللي فيها أهلي و تعبت في حملي تعب مايعلمه إلا الله وحده وكنت بسقط لولا لطف الله ورحمته بحالي وحال زوجي وحملي جبته ببداية الشهر الثامن لأني كنت تعبانه وترقدت إسبوعين بالمستشفى وأعطوني طلق صناعي لمدة يومين مواصلة كل ثمان ساعات وشفت الموت قدام عيوني من شدة الطلق وعقبها ولدت بعد مشقه وتعب شديد وعرفت معنى الولادة وألمها و كان عندي جرثومة حمل وأنكشفوها في وقت متاخر وقالوا لي الأطباء إحتمال ولدك يطلع مشوه وطلع ولدي الحمدالله من فضل الله علينا بخير وسليم معافى بس كان حجمه صغير كيلو و600 جرام فقط بسبب عدم إكتمال الشهر 8 و9 وشالوه وحطوه بالعناية المركزة لمدة شهر كامل كنت أزوره ما أشوفه إلا من خلف الزجاج و عقبها وصل وزنه 2 كيلو ونص وأعطوني إياه بس لو تشوفينا أنا وأبوه وعاده كان باقي بقسم العناية المركزه كنا جالسين له على باب الغرفه وأمتحنا الممرضات على الكونتر بأسئلتنا كيف البيبي يرضع يتحرك يفتح عيونه تغيرون له وش أعطيتوه طفشناهم لدرجة إن الممرضات طفشوا منا وأشتكوا علينا لمدير القسم . وهاذي طال عمرك نبذة بسيطة عن أول حمل وولادة لأختك أم سلطان بأول طفل إللي هو سلطان إللي اليوم أصبح يدرس بالمتوسطه وهاذا كله بفضل الله عز وجل ومنه وكرمه علينا فسبحان الله عدد ماخلق في الكون وعدد مايكون وعدد الهمسات والسكون . |
الله يهون عليها
المواقف هذي مرعبه .. الله يخارجها هي وجنينها على خير |
الله يهون عليك ولادتك ويرزقك بالخلق الحسن
احرصي على المشي هالفترة وعندما تحسين بالطلق عليك بالرطب وشرب ماء زمزم اذا وجد عندك واكثري من قراءة سورة الزلزلة لها تأثير قوي |
يالله الله يعينك
ويولدك بالسلامه يارب >>تعقدت حضرت اخر ولاده لاامي مسكينه الحرمه والله:( |
| الساعة الآن 05:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©