|
انصحوني كيف اتعامل مع صديقتي الفضولية
السلام عليكم ورحمة الله وبركاته
حابة استشيركم بموضوع صديقتي هي انسانة طيبة بس الي مزعجني فيها كثرة الاسئلة يعني الفترة هادي زادت بشكل غير طبيعي كل جلستنا هي تسال وانا اجاوب او احاول اتهرب بس كتير احيان اجاوبها عن حاجة انا ما اتمنى انها تعرفها ومن جوا اكون مرة متضايقة لاني بجاوب بس ما اقدر اكذب الخلاصة كيف اخليها تبطل كثرة اسئلة مرة لمحت قلتلها زوجي ما يحب يتكلم في اي حاجة كل شي يعتبرو سر علشان تفهم وبرضو ما فهمت من فترة بسيطة حاولت اني اكون رسمية معاها زعلت ووينك وما بتتصلي انا ما ابغاها تزعل مني لاني مو ناقصة اعداء وبنفس الوقت اكره الكلام معاها واكره اسالتها تسال في كل كبيرة وصغيرة عني وعن اولادي وزوجي عن اخواني واخواتي وبعد ما تخلص تحقيق تقولي بس حبيت اتطمن عليك لا تقولولي اساليها نفس اسالتها انا ما ارضى على نفسي اني اتدخل واصلا ما يهمني اني اتدخل في الناس وعلشان تعرف انو اسلوبها ما يعجبني بس ما تفهم والادهى والامر لمن تكون مع امها تسال كل سؤال اكبر من التاني وتطالع في امها وتبتسم وانا انحرج ما ابغى اجاوب وبنفس الوقت ما ابغى يزعلو مني ما ادري شكلهم يعتبروني وحدة هبلة ما ادري على ايش يحسبوا نفسهم اذكياء عندي سؤال مهم كل كم يوم تتصل وتعاتبني ليش ما باتصل المشكلة لمن اقول حكلمها بكرة الاقيها متصلة قبلي يعني اساسا ما تعطيني فرصة اتصل وتعاتب وتزعل دحين هي مش مشكلة ما انحرج منها بس امها زيها كمان تعاتب طيب كيف اتعامل مع الحرمة الكبيرة حشوفها بعد كم يوم اكيد نفس الموشح حينعاد لاحظت انهم ما يفهموا كيف ممكن يبطلوا اساله من غير ما احرجهم ومن غير ما يزعلوا مني كمان عندي سؤال بليز لا تتضايقوا مني اي لبس تشوفوا علي او على بنتي لازم يسالو هذا جديد ؟ من وين ؟ وبكم؟ ومن فين اشتريتيه ؟ هاذا الشي مرة منرفزني المشكلة اني ما اقدر اقول غير الحقيقة لانو ممكن اقولها عندي من زمان وتشوفوا في السوق وتعرف سعرو يعني صعي اكذب وبنفس الوقت اكره هذا السؤال طيب الاسبوع الجاي معزومين انا وهي على فرح وعندي فستان جديد واكيد حتسالني ايش ممكن اجاوبها يمكن يا جماعة تشوفوا هاد الموضوع تافه او صغير وما يستحق النقاش بس والله انهم منكدين علي وانا في هم بسببهم ممكن تساعدوني وجزاكم الله خير |
هل انتم صديقات مقربات ؟ اي مثل الأخوات ؟ ان كنتم كذلك , فقولي لها ما يزعجك منها و لكن بأسلوب جميل لا تلمحي طالما ان التلميح لم ينفع , تكلمي معها بصراحة و اخبريها ان هذا الأمر يزعجك كثيراً و انها صديقتك المقربة و لا تريدين ان يحدث بينكما اية مشاكل (: اما ان بقيتي صامتة , فسيأتي يوم من الأيام و تثور اعصابك فتحدث بينكما مشكلة تخسرين بسببها صديقتك |
اخخخخخخخ ياسارونه
كلامك جا على الجرح ياقلبي الصمت والتجاهل افضل فهي بتفهم من السكوت ان تدخلها في كل شي لايعجبك الله يعينك بصراحه ليس من الضروري ان تعرف كل كبيره وصغيره قال الرسول صلى الله عليه وسلم {استعينوا على قضاء حوائجكم بالكتمان ولا تشيلين هم انها بتعاتبك علشان كذا تقومين وتكلمينها يااختي غاية الناس لاتدرك |
........................
|
اشكر الي ردوا علي
انا مش صديقة مقدمة لها ولا زي الاخوات اتعرفت عليها من سنة تقريبا بس العيلة كلها شكلها فيها مرض الحشرية والفضولية الله يشافيهم |
في كثير من الناس يحبو يعرفوا اسرار الغير من حب الفضولية
وعلاج هؤلاء عدم اجابة جميع اسئلتهم مثلا الاسئلة التي فيها خصوصية قولي مدري لا اعلم يمكن نيست خانتني ذاكرتي يعني صرفيها وهي سوف تفهم وتخف من الاسئلة والاسئلة العامة اجيبيها بختصار |
الفضوليه مرض لكن لاتعطينها اجوبه صحيحه في الموضوع الذي لاتريدين التحدث فيه بل حوليه الى موضوع آخر
مثلا اسألتك عن احوالك مع زوجك قولي الحمدالله امورناطيبه اومثل كل يوم ...لاتعطينها تفاصيل مثلا اسألتك عن لبس بنتك قولي سعره ماهوغالي او مااذكر بكم شريته..اوهديه واذا سألتك عن اهلك وماتبغين تجاوبين قولي ماودي اشغلك بالتفاصيل وغيري الموضوع الى مواضيع عامه الفضول الزائد جزء فطري في تكوين بعض الشخصيات ولا يمكنهم التخلص منه، أما الشيء الذي يمكنك فعلا التحكم فيه فهو ردة فعلك تجاه ما يقومون به بطريقة عاقلة وحكيمة. |
| الساعة الآن 07:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©