|
ارجو المشوره جزيتم الجنه
السلام عليكم
الله يوفق الجميع واسال الله ان يفرج هم كل مهوم ويرزق كل محروم ويجبر كل مكسور حدخل بالموضوع مباشرة انا ارمله والحمد لله على كل حال لدي طفل من عائله محافظه تعرفت على شاب عن طريق الانترنت وعلاقتنا رائعه محترمه حسب العادات والتقاليد لم يراني حتى الان ومتمسك بي بشده لم يطلب يوم رؤيتي ولايريد الا يوم النظره الشرعيه يدرس الطب حاليا ولن ياتي لخطبتي حتى يتخرج لان والدي مارح يوافق اذا كان طالب لكن اخاف فعلا من تكرار تجربة الزواج خوفا من فقده كما فقدت الذي قبله ارشدوني وخذو بيدي نحو الطريق الصحيح فوالله اني في حيرة من امري وفق الله الجميع |
اختي في الله انتي ام لابن يتيم فكيف تتكلمين مع شاب عبر الانتر نت او ماشابه
انا اعرف ان المرااه عاطفيه والرجل عكس ذالك فانا انصحك ان تتركي هذا الطريق لوجه الله ثم لابنك اليتيم وان شاء الله ان ربي بيعووضك افضل منه بكثير والي صاادق بيجي يخطبك من ابوووك وياااتي البيووت ابوابها الله يووفقك ويسعدك ويستر عليك |
اختي اولا أعانك الله ووفقك
بس ياخوفي إذا بيتسلى بك مافكرتي انه يريد ان يؤنس نفسه في الغربة أنا عارفه كلامي وايــــــــــــــــــــــــد صعب عليك لكن فكرين حيل ليه ماجاء يخطبك البيوت لها حرمتها ويأتيك من الباب موب يقول هم اخلص وبعدين اخطبج مافكرتي تالي انه ممكن مايثق فيج ويتخوف منك انا لا اشك في اخلاقك لكن تفكير آدم غير حواء بكثير لاتقولين متعلم ودارس بالخارج التفكير لدى الرجال وخاصة لو كان سعودي ( الا القلة )يفكر بها النقطة وايد ومايدريك انه خارج من هالقلة اختي انتي بينك وبين نفسك فكري اللي تسوينه صح فكري انتي مرتاحة لهذه الزيجة لو تمت مافكرتي لما جاء يخطبك الآن مو بعد مايخلص يقول مابيك وودي في بنت او امي رفضتك عشان معاك ولد او يتهرب ماعليه لو اني شادة اختي اكلمك موب بيدي الا من قلبي لأني حاسه انك عانيت ونفسك ترتاحين لكن ماريد ان يكون اللي فكرته مصدر راحتك هو مرضك او آلمك بحياتك او تصدمي بعدين شوف المنتدى وايد اشياء تبين فكر كثير من الرجال وغير كذا واقعك وربعك ياأكد اشياء كثيرة بس ماودي انك تتعلقين ببارقة أمــــــــــــــــــــــــل وبعدين تكون مثل سحابة صيف سرعان ماتتلاشى عزي نفسك واكرميها واقطعي علاقتك بهذا الشاب واطلبي ربك كريم يعطيك من غير حساب وقولي لو صادق تعال اخطبني من هلي مو من وراء الشاشة مااسهل الكلام من وراءها لكن الفعل قليل فكري في كلامي وحكمي عقلك موب عاطفتك واطلبي من الله يرشدك وبإذن الله لايخيب ظنك |
اقتباس:
|
انا مع انثى ابكت المطر والله يرزقك بالحلال الحرام مافيه سعاده ابد
وربي اليتيم بكره ينفعك احسن من الغريب اللي ماتعرفينه صدقيني والله يرزقك الزوج الصالح اللي يسعدك انتي وابنك ويعوضكم |
اذا يقدر يجي يخطبك افضل اقل شي تتاكدي انو صادق
|
الله يجزاكم الجنه وكلامكم والله عين العقل والصواب وفاهمه جدا كل حرف كتبتوه
انا والله الذي لااله غيره لاابتغي من وراء الاالستر والحياه المستقره تعبت من حياتي ومن ظروفي هذا الشخص تفهم كل ظروفي وانا معكم في ان مايحصل لايتفق مع عادتنا وتقاليدنا لكن سئمت ظلم المجتمع سئمت نظرتهم اخشى تقدم العمر واخشى ايضا على ابني ان يعيش مع اهله بعدين لانهم اكثر من مره لمحو انهم يريدون اخذه ......... كل اللي يتقدمون لي كبار في السن والله ظلم عمري 25 ويخطبني واحد عمره 70 ولى 60 والله والله اتحطم نفسيا وش ذنبي اني ارمله الله كتب لي كذا ليش كبار السن بس هم اللي يخطبوني اتمنى احد يفهم وضعي انا ماتمنيت هالرجل الا لكي اعيش مثل كل البنات اللي في سني العمر يمشي وانا ابي اولا ارتاح وثانيا احصن نفسي والله ماتعرفت على هالرجل للتسليه ولا للعبث بل للبحث عن حياه مستقره وكل كلامنا محترم وهو كان بيجي يخطبني بس مستحيل ابوي يوافق لحد مايتوظف انا اللي رفض انه يجي الحين انا كل لحضه ادعو الله ان كان شرا ان يصرفه الله عني لكن لاحظت انه محافظ على الصلاه والصدقه بشككل خاص ومطيع لوالديه وحريص على دراسته من الاوائل وسجل ترم صيفي عشان يتخرج باسرع وقت لديه اخ مريض يعتني فيه دائما وطيب مع اخواته اسئل الله تعالى ان يكتب لي مافيه الخير وان كان شرا ان يصرفه عني وان يفرج هممممي ويكتب لي الخير ولكم جميعا اتمنى تكونون فهمتوني |
يااختي اشعر ماتشعرين به تماما انا مثلك احس فيه مواصفات وايد وماتمنى اي احد لكن اذهل وانا اكبر منك لما يجيني خلاص واحد كبير علي او عاطل او من يقول يكون لك سكن واجيك 3 ايام ليه زواج او مسيار لكن نظل نصبر ونصبر والله كريم يازواج يا ربك ييسرها ماندري وين هو الخير ولاتنسين عندك يتيم واحتسبي الاجر فيه واشغلي وقتك معاه وهذا راح ينكشف لك لو صالح او لا ياكثر من يدعي الصالح بعدين يقذف بالفتاة برجلهبعيدا عنه وانا لااتهمه الله عالم بصدقه لكن احذرك ومابني على باطل فهو باطل
لكن يااميرة انا اخاف ينكسر قلبك وهو لو ارادك راح يدل والله لو انه رزقك راح تأخذينه سجلي في موقع العفاف القائم عليه شيخ لعل الله ييسر امرك وافقك الله |
اختي انثى ابكت القمر
الله يجزاك الجنه ويفرج همك الحمد لله والله انا قائمه بكل شئوني وبتربية ابني على اكمل وجه وادرس الان علوم قران واسال الله التوفيق انا وربي يشهد على نيتي مابي الا الستر والعفاف وهو مستعد يقوم بكل شئوني حتى كان بيغير تخصص الطب عشاني لانه بيطول وقال بادخل اي قسم عشان اتخرج بسرعه واخطبك والله الذي لااله غيره هو يريد ان يأتي لخطبتي لكن انا من رفض لاني اعرف والدي ايضا سيرفض انا انتظره يتخرج وباذن المولى يكتب لنا مافيه الخير ياااااارب لكن مااخشاه هو ان يكسر الزمن قلبي مره اخرى والله ماعاد اصبر اكثر لاني تعبت ابي اكون قويه عشان ولدي واهلي |
حنا يااختي عااارفين نيتك الصاادقه وعاارفين انك عفيفه ومحاافظه على اسمك واسم ابوك
لاكن انتي لا تعلمين ماذا بنيت الرجل ماتدرين عن الظروووف ماذا تغير بعدين انا لااريدك ان تتعلقي في قشره او تلحقين سرااااب اذا هو جااد دعيه يتقدم لك الان حتى لو يتكلم مع ابووك اهم شي تكوني على الصووره ويتعرف على ابووك ويتعرف على اهلك واهله تتعرف عليكم لين مايتخرج اما تسكتين كذا فهذا خطااء كبير ان تتعلقي على امل لا تعلمين ماهي نهاايته اخوك الوزن الثقيل |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©