|
ما ودي أتهور تكفون وجهوني!!
السلام عليكم..
أنا مو العضو ::نور على نور:: لا أنا أختها.. تسلفت المعرف عشان أكتب مشكلتي وأرجعه عليها.. الله يسعدكم يا اهل المنتدى وكل الاعضاء.. بدخل على طول بمشكلتي، أنا متزوجة وعندي صبيان وبنات والحمدلله، مستقرة معي زوجي فيه مشاكل بس مثل أي بيت زوجي الله يسلمكم يحبني وأحبه:14: ماعنده خرابيط ولا علوم شينه ولا عندنا قنوات هابطة الفترة الأخيرة صاير يتابع أفلام الجرائم والأكشن عن طريق اللاب وفيه ممن حوله من يورد له الأفلام على الون تيرا طبعاً أنا عاتبته مباشرة وبعدين بالتلميح وبكل لطف ولباقة لكن هو مقتنع تماما إن اللي صاير طبيعي ومستحيل يروح لأفلام تعبانة ويقول تعالي شوفي بنفسك عاد أنا والله العظيم أحترمه وله هيبه بقلبي واستحي منه ومقدر اقرب ولا ابين إني شاكه فيه اللي صار مؤخراً وأوجعني في قلبي ولي اسبوع الغصة بحلقي لا طلعت ولا بلعتها اللي صار إنه حمل للبزران من النت مقاطع لأناشيد ومواقف مضحكة وغيره قبل 8 أشهر وكل ما طلبوه جلس معهم وشغل لهم المقاطع طبعاً أنا ويشهد الله عليه كان في يوم بيطلع باللاب وأنا عندي شغل لليل قلت خليني أنسخ لهم الملف على جهازي وأشغله لهم.. وهذا الكلام كله صار قبل 8 أشهر نسخته وشغلت لهم بعض المقاطع وبعدها رفعت الفلاش في الدولاب ولا أحد يعرف مكانه طبعاً نسيت إن عندي فلاش وبالأصح نسيت وين حطيته قبل اسبوع وأنا أرتب وألقى الفلاش وأطير من الفرحة وأركض للبزران وأشغله لهم وكل ماخلص مقطع قالولي بعد وأرجع واشغل الثاني وأتفاجأ بمقطع لرقاصة ترقص رقص كلكم عارفين وش بعده والله إني من حزتها بموت من القهر ودي أسأله وافاتحه بالموضوع ودي أكتمها بصدري عشان لا أحرجه بس والله خايفة من تواليها لاحظت الفترة الأخيرة إنه يطلب مني أرقص كل شوي لا كنا لحالنا وأنا من قبل أرقص له بس الفترة الأخيرة صار يطلب بكثرة طبعاً المقطع متأكده إن زوجي حمله مع مقاطع البزران من اليوتيوب التواريخ موضحة هالشي ومو تواريخ فلاشي لا تاكدت من جهازه أنا من وقتها ما سويت ولا شي حتى تفتيش بجهازه ما أفكر ولا واحد بالميه لأني باختصار احبه وما ودي أكسر حاجز الثقة بينا وش تنصحوني أنبهه إني شفت المقطع وإني توقعت إنه من اللي عطاه الأفلام وأحذره منهم والله محتارة طبعاً طول هالأسبوع وأنا معاه مثل العسل وأزود مابينت شي..وأخاف أنفجر عليه عند أي مشكله ممكن تصير وما أتصرف صح، طبعاً هو مسافر له يومين لظروف عمله وراح يرجع بكره إن شاء الله.. وش تنصحوني؟؟ |
المواجهه اسلم حل
الكتم في القلب يمرض النفس ويجعلك متوترة الاعصاب وتتصرفين تصرفات لاتسعدك ولا تسعده صارحيه وواجههيه ربما في الامور امور ولكن ماعتقد مثل هذي الاشياء البسيطه تؤثر على علاقتكم الزوجيه الدشوش مليانه مقاطع رقص وانيل منها لكن ابليس يكبرها حتى لو كانت صغيره |
تحبينه ؟
تبينه ؟ ما تبين تخسرينه ؟ لا تواجهينه ادعي له بالخير و ادعي الله يعصمه من كل شر عوضيه بالي يبيه رقص لبس دلع و الله يوفقك للخير |
السلام عليكم ورحمه الله وبركته أنا عضو جديده في المنتدي اتمني ان أكون خفيفه ظريفه عليكم
|
اذا تحبينه واجهيه ومن الوجه للوجه أبيض ولاتكتمين في قلبك تتعبين والصحاب السوء كثير ياأختي نور
التفاهم حل وجيد واتمني ان الله يصلحه ويهديه أدعيله أن شاءالله يبعده عن شر الدنيا |
لا أرى أن تواجهيه ... ممكن أن يعاند أكثر ويكابر وممكن أن يحاول ان يخفي عنك
ما سيمنعه هو أن يقتنع فعلا انه يجب أن يترك هذه المناظر من رأيي تكلميه بشكل غير مباشر ,, احكيله قصة سمعتيها من قريبة أو جاره عن أب يفتح مثل هالمواقع ولما بنته أو ولده فتح الجهاز من بعده انفتح نفس الموقع اللي كان الأب يشوفه .. كيف ما تدري !!! سبحان الله ربنا بيكشفه أمام أولاده ... تخيل موقفه كيف ... تخيل نظرة أولاده له ... الحمد لله احنا ما عندنا مثل هذي الأمور اذا ودك تكون القرصة أقوى قولي له انه ولدكم فعلا شاف الصور لما فتحتي لهم الأناشيد |
فارس الكلمات
آفاق المجد جبار حبك بيتا2 شاكرة لكم جميعاً ودي أواجهه بس خايفة من ردة الفعل العكسية وفكرت بسالفة إن ولدي شافها بس خايفة يكشفني وعدم المواجهه بعد مؤلمة وموجعة لي ترى زوجي من النوع اللي يتفاهم بس خايفة مرررررة من ردة فعل غير متوقعة الله يسعدكم أفيدوني أكثر |
واجيه بطريقه مبطنه يعني
قوليله انا لما حملت الملفات من جهازك طلع فالمومري مقطع رقص غريبه اش جابه بين المقاطع يكون من جهازي ولا جهازك ترى الاولاد شافوه اش اسوي تعال شوفه ومن وين جا راح يتجاوب معاك بدون ماتتهمينه بشي ويركبه العناد وتطلعين بمشكله مالها حل وانتي تتكلمين كثري من الاستغفار اثنا الكلام يعني استغفر الله اش جابه معقوله اجهزتنا مافيها زي كذا باسلوبك الي يحس فيه انك متفاجاه بدون ماتعرفين الي عمل هالشي منه تعضمين الفعل هذا وتنكرينه وتوصله الرساله بدون مشاكل وخدش فالثقه |
الصراااااااااااااااااااااااحة
و لا يوجد احلى من الصراحة في الحياة الزوجية |
اقتباس:
|
| الساعة الآن 07:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©