|
مفتاحي داخل شقتي (هلا والله)
السلام عليكم ورحمة الله وبركاته
امس طلعت عند جارتي وما اخذت معي المفتاح :d وخليت بنتي في البيت ونبهت عليها انها ماتلحقني وابوها كان نايم في غرفته شويه طلعت البنت تقولي ماما انا طفشانه:25: قلت لها قفلتي الباب قالت ايوه انا ساعتها انصدمت وكان ناقص الطم :14: لانه ماعندي مفتاح وصرت ادق ادق ادق لكن لاحياة لمن تنادي ومن عادة زوجي في النوم :15:انه يحط مخده علي راسه يعني استحاله يسمع وصرت افكر كيف اخليه يفتح الفكره ايلي جتني اني خليت الحارس يدق علي شباك غرفتي بعصايا طويله :30: وانتبه زوجي للصوت وفتح الشباك فقال الحارس افتح الباب وفتح الباب وهو مستغرب من الذي حصل :29: فياريت كل وحده تقول عن تجربتها وكيف اتصرفت |
موقف لاتحسدي عليه طيب كوويس زوجك نايم في الداخل
نظا بيتنا شقتين على بعض بس كل شقة لها مفتاح زي الفيلة قسم ضيوف ومطبخ وقسم غرف نوم المهم يوم خرجت من الشقة الا فيها المطبخ وكانت بتسوي اكل على النار ورافعة النار شطاررة زايدة وتطلع من الشقة ويجي هواء ويقفل الباب طبعا صعقت من المنظر واتووقعنا تسير حريقة لا سمح الله على بال يجي نجار بس طبعا نادينا على كل الجيران وطلعوا كسروا قفل الباب وعلى بال اتفتح الباب قد القدر انحرق واتفحم وبدا الدخان يطلع الحمدلله ربنا لطف بس |
هههههههههههههههههههههههههههههههههههههههه
رزقكم الله السعادة في الدنيا و الآخرة أنا أتذكر جيرنا في العمارة يسكنو في الطابق الثالث كانت الأم في العمارة مع الجارات ، طططططبببببببببببببب الباب انغلق كان الوقت حوالي 12 زوالا ، الحي سكن عمالي ، يعني الرجال في هذا الوقت هم في العمل و جارتنا عندها 4 أو 5 بنات وطفل لم يتجاوز عمره الثلث سنين _ رحلو من 8 سنين أو أكثر لهذا لا أتذكر عدد الأولاد- و الباب من حديد و الشرفة بها شباك حديد_ الوضع الأمني في البلد في ذلك الوقت =الجزائر=- المرأة انفجعت ابنها الصغير لوحده في البيت حاولنا نحن الشباب فتح الباب بعدة طرق ولم نستطع وصلت الواحدة ظهرا بدأ الأطفال يعودو من المدارس جاءت وحدة من بناتها كانت تدرس في الاكمالية يعني بين 13 حتى 15 سنة راحت للشارع ماذا فعلت في رأيكم تسلقت من شرفة الطابق الأرضي حتى الطابق الثالث من شرفة لشرفة وكلها بها الشبابيك الحديدية ودخلت بين الشباك الحديدي للدار وفتحت الباب نحن تسمرنا في مكاننا ، شبان ونخاف فعل ذلك جرأة لا تنسى الجيران الطيبون لا يمكنكم نسيانهم ان شاء الله يكونو بخير و عافية |
اقتباس:
حمد لله علي سلامتكم وسلامة البيت عاد ينقفل وفي نار والعه غير اسوط بأعلي صوتي:14: اسعدتني مشاركتك وتجربتك |
اقتباس:
وفيها اكشن والنهايه سعيده بدخول البنت من الشباك وتدارك الموضوع وفعلا الجيران الطيبون بصمه في القلب فتحيه حاره لكل الجيران المثالين ومنهم جيراني اشكر لك مشاركتك |
علي فكره هذا مو المره الاولي التي اقفل فيها الباب والمفتاح بداخل
بس بلاش فضايح هههههه |
الحمد لله انتهت السالفة بخير وزوجك أساسا في البيت
ما قد صارت لي الحمد لله لكن مره كنا طالعين ومو دايما آخذ مفتاحي نزل زوجي وبنتي قبلي وأنا لاحقتهم رجعت في نص الطريق قبل ما أطلع من الشقة وقلت خليني آخذ المفتاح اليوم بس أغلقت الباب وجايه أنزل القى زوجي جاي يسرعه يقول يالله طلعتي وسكرتي الباب ما لحقت عليك ناسي المفاتيح داخل ومن بينها أكيد مفتاح الشقة والعمارة والسيارة وكلش وعلى افتراض إني مو دايما آخذ المفتاح قلت له سبحان الله شوفه بيدي ودخلنا وأخذ علاقة مفاتيحة شكرا لموضوعك |
الحمد لله أن الأمور تيسرت
سبحان الله ، كنت أفكر في مثل هذا الأمر اليوم بعد أن لاحظت على ابني أنه يستطيع إقفال الباب بالمفتاح فكنت أفكر كيف لو كانت زوجتي في المطبخ بدون جوال واستطاع عصام أن يخرج ويغلق عليها الباب ؟ في هذه الحالة قد لا يتمكن هو من فتح الباب كما أغلقه وهي ستكون معزولة عن العالم فكيف تطلب المساعدة ؟ لا بد أن يكون مفتاح المطبخ على الجانب الخارجي منه لأننا نوصده خشية أن يدخل عصام للمطبخ ويعبث بالغاز الله يستر بس ويحفظنا من مشاغبات عيالنا :24: |
يا هلا بنور دبي.. الحمدلله انها عدت على خير .. وفكرتي كويس :22: .. ولقيتي الحل المناسب.. لازم تخلي معاكي المفتاح على طووول.. أنا مرة صارلي موقف أول زواجنا.. خرجت أنا وزوجي على أساس رايحين نتغدى في مطعم.. نسيت المفتاح على الباب من جوا :25: ..على أساس انه هو خارج آخر واحد.. وقفلته.. ياويليييي.. وزوجي يسألني قفلتي الباب؟؟ :24: و أدور على المفتاح ..طبعا مالقيته.. عصب.. وكان دوبه صاحي من النوم.. وانقلبت الخرجة نكد :29: جاب رجال يعرفه.. وغييرو (القلب) حق المفتاح.. و الحمدلله عدت على خير :d بس فعلاً أهم شي سلامة أولادنا وسلامتنا .. الله يحمينا.. |
حمد الله على سلامتك يالغلا والله لايعيدها عليك أما أنا الحمدالله ماقد سارت معي لحالي بس مرة صارت معانا أنا وزوجي وعيالي كنا مسافرين ديرتنا إجازة وقفلنا بيتنا وأخذنا المفتاح معانا ورحنا طال عمرك قضينا إجازتنا وأنبسطنا شهر كامل عند أهالينا عقبها خلصت إجازة زوجي ورجعنا للمنطقة إللي كنا ساكنين فيها عاد وصلنا وحنا هلكانين من التعب مسافرين بالبر على سيارتنا 2000 كيلو وصلنا بيتنا تقريبا الساعة 2 باليل ونزلنا من السيارة عند باب البيت قال زوجي جيبي المفتاح بفتح الباب
قلت له المفتاح معاك قال لا أنتي آخر وحدة طلعتي من البيت ذاك اليوم وحنا مسافرين المهم جلسنا معاك قال معاكي وآخر شئ قال زوجي والحل الحين وين بنلاقي لنا نجار في ذا الوقت يخلع لنا الباب جلسنا شوي نفكر وكان الشارع فاضي وجيرانا كلهم مسافرين عقبها طرت لي فكره وقلت لزوجي جيب مفتاح الكفر حق السيارة وجيب لي حجر أو قطعة طوبه وماقصر راح جابها وشلتها وحطيت مقدمة مفتاح الكفر بين الباب والكيلون حق المفتاح وأضرب عليه بالحجر مرة أنا ومرة زوجي إلين خلعنا الباب ودخلنا بيتنا كان لو مرت علينا أي دورية بالشار ع من الشرطه وحنا بهاذاك المنظر نخلع الباب في ذاك الوقت المتأخر كان كمشونا يحسبونا حراميه نبغى نسرق بس ربك ستر علينا المهم بعد ماجلسنا وريحنا شوي جينا نبغى ننام إلا وباب البيت مخلوع كيف ننام وباب الشارع مفتو ح وباليل عاد أختك في الله عندها خبره شوي بتركيب كوالين الأبواب ورحت فتحت كيلون باب المجلس الداخلي وركبته بدال الكيلون الخربان إللي خلعناه وقفلته ونمنا طبعا غيرت القطعه إللي يدخل فيها مفتاح الباب فقط طولها قد الإصبع تفكها وتطلعها وتركب غيرها وبالأخير طلع مفتاح بيتنا عند أهله بالديرة أخذه واحد من العيال من در ج السيارة وجلس يلعب فيه وطيحه في بيت جدانه والحين صار لي درس صرت أنسخ من مفاتيح الأبواب الخارجية من كل باب نسخة ومن مفتاح السيارة نسخة وأحطها بشنطتي وين مارحت تكون موجودة معي لأن زوجي حتى مفتاح السيارة كثير أوقات ينساه داخل السيارة و يقفل عليه فيضطر ياخذ النسخة إللي عندي والحمدالله عقبها ماعاد صار لنا شئ من هالمواقف أنتي حاولي تنسخي لك نسخة من مفتاح الباب وخليها معك بشنطتك أو محفظتك و ين مارحتي تكون معك لوقت الطوارئ . |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©