|
هل أخبر زوجي عن تصرفاتهم وحركاتهم معي؟
انا متزوجه لي 3 اشهر اتضايق من اهل زوجي رغم انني اعرفهم من قبل لان يسير لي ولد عمي رحت لهم كذا مره ولي اخت اكبر مني سنا متزوجه اخو زوجي من 4 سنوات دايمن مع بعض نتواجد عند اعمامي فانا الاحظ بحركات منهم تعصبي شوي وتضاااايقني من اخوات زوجي عندهم اللا مبالاه فيني لايتكلمون معاي يفضلون اختي الاكبر مني كثييييييييييييير هذا الشيئ يضايقني اوقات اجلس ابكي انا محتاره اقول لزوجي عن تصرفاتهم وحركاتهم معاي ولا ايش العمل معاهم يطنشوني كثييييييييييير الكل صاير مع اختي رغم انها اختي انبسط لها افرح لها بس ولو انا وين مكانتي بينهم
|
أولا لابد أن يحدث كمثل تلك الأشياء بين الزوجه وأهل زوجها
والتصرف السليم من الزوجه هو التغافل وحمل المواقف محمل حسن النيه ثانيا بالنسبه لمشكلتك اعلمي يا أختي أنهم لم يختاروك لولدهم إلا وهم يكنون لك كل التقدير والاحترام فلا تجعلي ابليس اللعين يدخل عليك من هذا الباب وبالنسبه لكلامك أنهم يهتمون بأختك ربما أسلوب أختك يجذب المتلقي وطبيعتها وشخصيتها تُفرض في المجلس وأيضا من الطبيعي أن يكون كلامهم مع أختك أكثر منك والسبب أنهم يعرفونها عن قرب وتعتبر من أهل البيت منذ أربع سنوات وأنتي تعتبرين جديده بينهم حتى وإن كانوا يعرفونك من الحلول المقترحه في هذا الجانب أنتي ادخلي معهم تكلمي سولفي شاركيهم الحديث ادمجي نفسك بينهم وتأكدي أنك محبوبه منهم ومن ناحية تكلمين زوجك بصراحه ما أشوف له أي داعي كلامك لزوجك يعني تبغينه يجي لهم ويقول لهم تكلموا مع زوجتي واهتموا فيها تراها شايله بخاطرها هونيها وتهون |
يأاختي ماأنصحك تخبري زوجك لان هذا اكبر خطاء لانه لايستطيع ان يجبر اهله على معاملتك كما تريدين
بل ان تدخله بينك وبينهم تزيد المشاكل بينكم وكانك تحرضينه اما معاملتهم لااختك اعتقد ان لها اربع سنوات معهم ومتعودين عليها وانا من وجهة نظري لوتخبرين اختك بما يضايقك يكون افضل وهي بطريقنها تلفت انتباهم على الي يضايقك منهم بشكل ودي تصدقين انا مثل وضع اختك اخوات زوجي يهتمن بي كثير اكثر من اختي لفتي انتباهي ابي اسألهااخاف اختي متضايقه من الوضع |
عزيزتي يمكن طبيعه شخصيه اختك اجتماعيه وتسولف .. وانتي خجوله نوعا ما او لازلتي (عروس ) وتخجلين ولست كثيره الحديث .. المسأله ليس حب اكثر لها وعدم حبك او تفضيلها عليك ..ولكن هي منذ اربع سنوات نتجت هذه العلاقه معها اما انتي لازلتي اقل من 4 أشهر ... انتظري الوقت يمهد لك الطريق .. ابتسمي وشاركي معهم دون مقارنه فالوقت كفيل بخلق الإدماج الأعمق معهم لاحقاً .. وارى ان لا تفصحي لزوجك ..لأن تفسير الأمر بالنسبه لزوجك او لهم اذا علموا بشعورك .. ربما سيتبادر الى ذهنهم انهم لم يخطأوا .. بل قد يعتقدوا انك غيوره ! و يقولون (حتى من اختها تغار!! )... وربما انتي لست كذلك ..ولكن دعي الوقت مع ابتسامتك ومشاركتك يخلق جو الألفه |
شكرا عالردود جميعا
|
طيب الحيين صار لي معاهم وبغى تفسير له قبل يومين سار سالفه موقف حصل انا ماعرفته بالضبط فسالت اخت زوجي قلت اش فيه وش صاير اختي معاها جالسه قالت لاختي عن الي صاير انا سالتهم بعرف ايش هو قالت لا مافي شيئ ماحصل شيء هي واختي نفس الرد سالت اخني انا وهي لوحدنا قالت لي كل اللي صااااير قلت ليش ماتكلمتي انتي وهي من اول سكتت ماتكلمت تنرفزت من هالموقف
|
ابنت الحلال لا تصيرين حساسة كذا
المسألة فقط أنهم متعودين على أختك أكثر منك بغض النظر عن اختلاف شخصيتكما الحين انت صار لك 3 شهور و أختك 4 سنين يعني 48 شهر , طبيعي و بديهي أن الوقت له دور في التأقلم أبد لا تخبري زوجك , لأن مافي شي حصل لتخبريه خليك فقط مندمجة معهم بالسوالف و خلي لسانك دايم حلو و شاركيهم فيما يسرك , و تقربي معهم بلطف دون تكلف , لا تكثري السؤال عن أمور خاصة بهم إلا إذا هم أخبروك.يعني لا تقولي لو حسيتي انه صاير شي ,(وش صاير) بس أعطيهم كلمات للمجاملة و تطييب الخاطر حتى لو ماعرفتي اش صاير . قولي لا يهمك , كل شي يتصلح ,اي شي يدل ان قلبك معهم مراعاة لخاطرهم و ليس فضول لمعرفة السالفة و لما تشوفيهم مبسوطين , قولي عساه دوم ,ماشاء الله الله يديم عليكم طبعا قوليها بلطف و اهتمام, شوي شوي مع الأيام هم راح يشاركوك بأمورهم و سوالفهم و لا تنسي العشرة لها دوور |
اقتباس:
المسداني صح لسانك ... وايضا جميع الردود في مقامها الجميل |
هم صحيح أهلك وتعرفينهم ويعرفونك لكن كونك لسه عروسه وبعدك ما صار لك مدة طويلة
هذا سبب في طريقة تعاملهم معك، لا تزعلين ولا تحطين بخاطرك بعد مدة راح تعتادين عليهم وهم بعد بيعتادون عليك يا أختي نصيحة لوجه الله لا تدخلي زوجك بالموضوع لكي لا تسببي بمشاكل وتتندمي بعدين الله يوفقك |
لا انتبهي تقولين له
ماتقدرين تجبرين احد على انه يحبك او يعاملك مثل ماتبغين اذا هامك هالشي حاولي تكسبينهم وراح تشوفين كيف يتغيرون لكن لو بتقولين لزوجك راح يكرهونك |
| الساعة الآن 02:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©