|
يريد الزواج مني لكن الظروف تقف أمامنا ؟!
بسم الله الرحمن الرحيم تقريبا لي سنـه وانا اتصفح المنتدى واقراء كل مآفيه حتى استطيع ان استفيد في حيآتي لان المشاكل متكرره في الغالب عـندي مشـكله .. بالأول اعلـم بأني غلطآنـه ولـكن حـدث شيء لم يكن بـ الحسآب .. أريـد منكم النـصح لآ أريـد التجريـح ،، سبق وقلت ادري غلطآنه :25: قصتـي تبدا قبل ستـة أشهـر تقريبآ.. انا انسآنـه محافظـه ولله الحمـد .. وقت الفضآوه والطفـش اجلـس ع اللآب وادخل مواضيع واستفيد ولكن مرآت يبلغ الملل منـي مبلغـه:rolleyes: أفتح ع أي شآت واجلس اتفـرج ع سوالفهـمـ وانا بالشـآت اششوووف النآس سريعـه لمى تكتب قلت استفيـد واكتب بسرعه صرت انزل كلآم واكتبه ولحآلي.. دخـل شخـص وصار يكتب معـي .. طبعآ انا كنت اجي كل فتره للشآت والقى الشخص موجوود يعني انقطع اسبوعيين وارجـع صرت اسوولف معـه ،، دخلنآ ببعض دخـله قوويه ولكن لم أحبـه ابدى لي مشاعره ولكن قابلت المشآعر بصـد لعـلمي انه في النهايه فرآق مآلـكم بالطويله .. تطورت العلاقه وصرت احدثه بالمآسنجر ومو من كثر مآيجي كنت حآطه حد بيني وبيـنه مانتجآوزه ولكن بقرارة نفـسي حبيـته ولكن مآ افصحتـ له هوو انهـى كل شيء وقرر انه يبتعد .. ابتعـد اربعـة ايآم ولاتسألوني وضعـي فيها رجـع ولمى سألته ليـه قال لاتسألين مدري وش اللي جآبنـي ؟؟!! خليتـه يوعدني مآيتركني ووعـدني .. عرفت عنه كل شيء وعرف عني جزء بسيط .. حبيتـه بكل مآتعنيه الكلمـه .. ولكن كنت قويـه قدآمـه يعني مو أي شيء يطـلبه اسويه لـه رغـمـ اني لمى اطلبـه أي شيء يقول طيب .. العلاقـه بينآ وصلت لمرحـلة العـشق .. انا مآشووفه كل يـوم بسبب ظروفه .. صارت مشآكل بعمـله وتم فصلـه لانه انتقل له فايروس رغم ان الفاآيروس مآجآه الا من العـمل مآعمري فتحت سيرة زوآج او غيره .. لأنـي كنت اقول مآبيك توعـدني بشيء مآتقدر عليـه الشآهـد..قبل اسبووع فتح لي سيرة الخطبـه وانـه كيف يتقـدم لي .. استغربت هو مآعنده وظيفـه وأكيد اهـلي ماراااح يوافقووون قآل : عادي اتقدم لك لحآلي .. قلت تشوفهآ زينـه ؟؟ قال مآتوقع اهلي يوافقوون .. قلت ضبط امورك وانا استنآك قال خلاص خلال يومين راح اكلم اهـلي وارد لك خبـر .. رجعـت انا وقلت دور وظيفه اول وبعـدين يصير خيـر ملآحظه مهمـه : قبايلنآ تختلف ولاهو سآكن بالمدينه نفسهآ .. كل مره اشـوفه يسألني خآيف أخسـرك .. وانا قلبي متعلـق فيه يسألني شلوون اتقـدم لك وش رآح اقول وشـلون عرفتـك ؟؟ اسأله كثيره فكري يتشتت فيهآ .. ودآيمآ يحط احتمالات كثيره ,, وانا اغير الموضووع لاني مابي افكر انه ممكن نبتعد عـن بعض هو نيـته صافيه ووده يتزوج بس الظروف واقفـه لنآ... أبـي شوركم .. أبي نصآيحكم .. لاتجرحوون فيني أدري ان البدايه غلـط لكن مآتمنع تكون النهآيه حلوووه أختـكمـ.. |
كما يقال
خير البرعاجله .. أولاً : خليه يتقدم .. حتى يتبين لك صدقه من كذبه ثانياً : أكيد أهلك بيسألون عليه وبياخذون رأيك .. وعندها قد تظهر أمور جديدة ثالثاً : إذا طلع الولد زين بعد السؤال عليه .. بس طلعت مشكلة أن أهلك عرفوا أنه لا يعمل حينها قولي لهم أنك حاسه أنك مرتاحه له .. ( يعني يعني منتي داريه ليه ) وأنهم يعطوه فرصة حتى يبحث عن عمل . رابعاً : وهو الأهم .. قولي الكلام هذا للولد .. وأقطعي عنك الخرابيط والسوالف والتواصل معه وشوفي نفسك كيف بدءتي في الموضوع من حالة طفش .. إلى تعلم كتابة .. إلى دردشة .. إلى ماسنجر .. إلى تعلق .. إلى عشق وآخرتها قلب بوسطه سهم وتحته كلمة الحب عذاب . أعانك الله |
اتمنالك كل الخير غاليتي
لكن عندي تحفظ من هالعلاقات |
الله العالم بالنوايا لكن احسه
كذااااب لما الموضوع اقترب من الزواج قال انه مفصول من العمل غبشان السالفه تطول اكثر!! بعدين يقول اتقدم لك بروحي باي عرف هاذي ومن اللي يزوج بنته لواحد جاي بدون اهله!! احساسي انه يماطل ودام انه مدمن شات فاتوقع انتي مو اول وحده ولابتكونين الاخيره،، |
علاقه بنيت بهذا الشكل سيتخللها الشك من الطرفين وستنعدم الثقه مهما كانت الثقه لسنتين ثلاث سيدخل الشيطان الشك بأتفه الأسباب
|
|
اختي الكريمة أنا ماراح أقول لك تزوجيه أو لا تتزوجينه وبما إنه علاقتكم من خلف الكواليس وكلنا نعلم بأنها علاقة آثمه فأنا ماراح أعيد وأزيد على كلام من سبقوني ولاكن إسألي نفسك وش نو ع الفايروس إللي مصاب فيه هاذا الرجل وأدى به إلى فصله من عمله
وشئ أ كيد إنهم مافصلوه من عمله إلا لأنه فايروس خطير ومعدي ولاتصدقينه إذا قال لك إنه أصيب بهاذا الفيروس في العمل لأنه إحتمال يكون أصيب به بطرق أخرى محرمه ويكذب عليك وأنتبهي لنفسك ولا تصدقينه كل من يتعرف على بنات الناس عن طريق النت هاذا إنسان كذاب وخائن ويتصيد البنات إللي عقولهم على قدهم ويصدقون أي كلمة إطراء أو حب بحقهم فمع إحترامي الشديد لك إلى إني أشوف إن أي بنت تصدق كلام الرجل عبر الشات والمسنجر والجوال أنا أعتبرها فتاة ساذجة تتحكم بها عواطفها وليس عقلها لأنه في مثل هالأمور لو فكرت بعقلها بإذن الله ماراح تسقط بالهاوية لاكن لوفكرت بعواطفها رايحة تضيع وتضيع عمرها حتى وإن تزوجت بحبيبها فماراح تعيش حياتها سعيدة لأنها راح تبقى طول عمرها مثار لشك عند زوجها بالذات إنا في مجتمع لايرحم النساء قيد أنمله في مثل هالأمور وأخير قبل ما نستحي و نخشى الناس في تصرفاتنا يجب علينا أن نستحي ونخشى رب الناس والله سبحانه وتعالى ليس بغافل عن ما نعمل حتى وإن تصاغرنا الذنب في أنفسنا فإنه عند الله عظيم . فإحذري يا أخية من تلك العلاقة وأسأل الله بأن يوفقك إلى ما هو أنفع وأصلح لحياتك ومستقبلك . |
اقتباس:
انا مع هذا الرأي علاقه آثمه نهايتها آثمه انتبهي لنفسك يا اختي واصحي قبل فوات الاوان |
مسآء الخيـر.. لـكل من رد لكم مني كل الشكـر والمحبـه ..~ رد على بعـض النقآط.. * أنا أدري انه مفـصول من قبل لايكلمـني بمووضووع الخطبـه .. * هو يعـمل بمستشفى وانتقل لـه فآيروس الكبد رغم كل الاحتيآطآت التي يستخدمهآ لكن مقدر ومكتـوب.. * هو أكيد بيكلـمـ أهلـه ويحآول معهـمـ .. .... أختي الحبيبة : سيدة الموقف.. أنا بنت عآقلـه جدآ مآتوقع اني أوصل لمرحـلة فيهآ خرآب بيووت وأن شاء الله مآنوصل للمرحلـه هذي * والله اذا كآن بينآ نصيب فيه ترتيبآت لابد ان نتخذهآ حتى الشك يبتعـد عنآ .. * أنا مو من عشآق النت لذلك يمكن الاستغنآء عنـه * وهـو نفس الشيء ترى مآشـوفه الاوين وويـن .. آممم.. لآتبخـلووآ عـلي بـآرآئكم .. مآزلت متعـطشـه لنصآئحكم ،، دعوآتكم لـي بالخـير .. والسلآم عليكم ورحمة الله وبركآته,, |
أختي الكريمة .... أنا لن أجرح مشاعرك ولكن أريدك أن تتركي العواطف علي جنب ...
وتذكري أن من تعرف عليك بالشات تعرف علي غيرك ... طيب كيف تعرفين ؟؟؟ سؤال هل تعرفيني أنا ؟؟؟؟ ممكن أقولك أبي وزير و خالي صاحب شركة الجفالي ووو ببساطة لانها كذبه سهل قولها و غلط تصديقها .... وعلي فكرة هو إنسان بارع في الإصطياد .... جلس أربع ايام ورجع مسوي انه صار مثل عنتر بن شداد مات يبحث عن عبله ... وهو يعلم أنك أحببتيه و أنا أكاد أجزم أنه يعرف أنك تحبينه والدليل أنه كل يوم شات معاك .... فقصت أنه يخطبك من باب التطمين لك علشان تثقي فيه ولو وثقتي في أحد غيرأبوك و أخوانك من الرجال اقولك معليش لا تزعلين انت صراحة غبية الرجال و انا اخوك يحبون يصيدون ولو صادوا يذلون تبين تتأكدين من كلامي اسمعي لشريط الشيخ سعيد بن مسفر عندما ينتحر العفاف و تابعي مقاطع الشيخ المقبل في اليوتوب عن الهيئه و شوفي كان يبتزون البنات ويا كثر القصص فأنتبهي منه وكما اسلفوا الاخوات قضيه فصله من الشركة ممكن تحمل انه يطلب منك فلوس وممكن انه يبي يماطل و يخليك تكلمية و بعدها تجي سالفة التهديد و الابتزاز بطلب الصور و بعدها يقابلك بالسوق ولا يرسل الصور لاهلك وبعدها شوفي وش النتائج التي أرجوا من الله أن يحميك و يرشدك و يصونك أختي إحفظي الله يحفظك و إحفظي الله تجديه تجاهك و ربي يرزقك الزوج الصالح ... |
| الساعة الآن 07:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©