هل انا على خطأ
 

بسم الله الرحمن الرحيم
الحقيقه بعد تسجيلي في هالمنتدى الجميل كان الهدف الاطلاع والمشاركه بالردود فقط:( طبعا بعد زيارته بصفه زائر . بعد كم مشاركه بالردود الظاهر اخذني الحماس . وقلت ( لزوم الشيخ مناحي )ياخذ راي الاعضاء بمشكلته المستعصيه:( المهم مااطول عليكم . وراكم اشغال والا فاضين :d مابي ادخل في حياتي السابقه راحت بخيرها وشرها . انا لي تقريبا 5 سنوات اعزب وقبلها متزوج مع وقف التنفيذ . خلال ال 5 سنوات مافكرت بالزواج قلت عيالي محتاجيني بهذا العمر انتظرت لين صارو ما شالله بالثانوي اصغرهم من الذكور ( وبنت ) مع امها برابع ابتدائي فكرت بالزواج ورحت لخاطبات كثير اشترطت على اي وحده توافق عدم الانجاب السبب العمر الحين 54 سنه لنا ولكم طول العمر ان شالله بس الردود ماتشجع كل وحده تقول تبي اطفال واصلا هي عندها يعني انجبت طبعا انا مشترط بطلبي من الخاطبات مطلقه وعندها اطفال او عقيم البعض منهم يقول وش يهمك لو جابت طفل والا اثنين البقيه مشترطين الانجاب وانا مثل ماقالت واحده من الاخوات بردها ( الحين انت فيك حيل لملاحقه طلبات الطفل تطعيمات وطبيب وغيرها من الامور ) طبعا هذا اللي مخليني مصر على طلبي فكرت اروح اتجوز من الخارج بس يمكن اواجه نفس المشكله فكرت اروح اسوي عمليه .. بس انا اكره الغش والخداع والخيانه والكذب باي شكل من الاشكال . بالمحصله صرت اغني واقول يالليل مطولك :) الحمدلله صحيا 100% ومحافظ على صحتي ووزني وشكلي اللي يشوفني يقول هذا بالاربعينات . ولدي الكبير موظف شافوني زملاءه يحسبوني اخوه :d مهي ( دعايه ) لاتروحون بعيد بس بكل امانه هذا الصحيح . بصراحه فكره الانجاب محسومه عندي ( معصي ) الله يحفظ لنا ولكم هل انا غلطان او انا عندي حق بقناعتي وفكري . اذا غلطان يمكن افكر واحتمال ضعيف جدا اوافق على تغير القناعه اما اذا كنت على حق فالظاهر اني بواصل المشوار لين الاخر عزوبي :29:

هالحين الشيخ مناحي مايستغني عن رايكم ولكم الشكرا سلفا . ولا بقول مقدما . الناس صارت تخاف من السلف :d وسلامتكم

لا أعتبرك مخطئ ,,
لكن فكر فيها ايضا مرة أخرى بما أنك صحتك جيدة والحمد لله, تزوج فتاة فوق الثلاثين يعني 35 تقريبا و تنجب طفلين
أو حتى طفل واحد على الأقل حتى يكون فرص الزواج أكثر بكثير وتوجد من ترضى بهذا , و أن شاء الله الله يعينك و زوجتك أيضا

أو فتاة عقيم إذا كان فيه امكانية معرفة ذلك , انها تكون تطلقت وماعندها أطفال ’’
أو أرملة شابة أولادها عند زوجها ,,
لكن لا تظل بوضعك هذا
وفقك الله و يسر أمرك , لا توقف بحث ستجد فتاو صالحة بأذن الله

بصراحه راح اتكلم ...

لو سمعت انا بواحد وطالب موصفات كذا يعني ماابي عياااااااال !
والله بيجيء ببالي لاقدر الله
ان هلرجال يبي الحياه لعب ومو حق مسؤلييييييييه ابدا
ابتخوف من كذا ومن العيشه معه لاني مااحس باامان وكأني فقط زوجه للحلال وشبع للشهوات فقط
ليس
كزوجه واسره وامان..

اخي
نادرا تجد امراه الا بوحده مطلقه لانها عقيم او لظروف صحيه مابتحمل ابدا

وانصحك مثل اللي سبقني اخطب وخل الرزق ع الله
ان بغيت عيال كان بها مابغيت أجل

لان الله واعلم بعد سنوات بتمر حياتك الزوجيه فترة ملل كلعاده وتشتاق لطفل صغير بحضنك من زوجتك
فاافضل اخطب ولا تتشرط عدم الانجاب لانك لن تجد الا بظروف صحيه كعقيم وغيرها من الظروف .

اولا : ماشاء الله تبارك الله :18:

ثانيا : ممكن اعرف ليش رافض وجود الاطفال للدرجة هذي ؟؟؟؟؟
لانه من خلال ردودك واضح انك شخصية مرنه مرحه ما اعتقد ان التعامل مع الطفل شي يضايقك لدرجة الـ ( المعصي )

. اشكر لك مرورك . وفعلا وجدت من قبلت في الثلاثين وفوق الثلاثين بس مشكلتي الرئيسيه هي سبب الرفض ( الانجاب ) وقاعد احاول وربنا يزوجني إن شاء الله :) ويزوج البنات اللي بالمنتدة لايزعلون يقول مادعيت لنا والشباب بعد يالله بالجمله:d

صحيح 100% هذا للي صار مايعلم النوايا الا رب العباد بس من حقهن يفكرو بهالشكل تفكير منطقي جدا