منتدى عالم الأسرة والمجتمع - بنتي خايفة عليها

منتدى عالم الأسرة والمجتمع (http://www.66n.com/forums/index.php)

- عيادة الاسرة (http://www.66n.com/forums/forumdisplay.php?f=95)

- - بنتي خايفة عليها (http://www.66n.com/forums/showthread.php?t=224998)

بنتي خايفة عليها

السلام عليكم ورحمة الله وبركاته
ساعدوني قبل كم يوم لاحظت في راس بنتي وانا امشطها بقعة صغيرة مافيها شعر وجنبها بقعة ثانية صغيرة والبقعة الاولى فيها نقطة حمرا يابسة زي الي تصير بعد الجرح واليوم انقشعت وصارت المساحة الخالية من الشعر اكبر وخايفة تكون ثعلبة الله يستر ! الله يخليكم الي شافت زي كذا اوصار معها زي كذا ولا صار ثعلبة تريحني الله يجزاكم خير . (عمر بنتي ثمان سنوات )

معقولة !! ولا حتى دعوة من قلب !
ماكان العشم فيكم كذا !
اللهم اغنني بفضلك عمن سواك ! اللهم لا تكلني الي احد من خلقك طرفة عين !

ربي يشفيها ياعسل...

حبيبتي لاتهلمين بنتك هذي آمانه عندك ودويها دكتوور...

بكرآآ لراح شعرها ماراح تلوم غيركم ..

وإن شاء الله الامر يكون مايستدعي للقلق ...

ربي يسعدك ولايحرمنكم من بعض

أختي الغالية.. سلامة بنتك .. وسلامة خاطرك .. أنا ألي تقريبا أسبوعين ما دخلت..

أعتقد ثعلبة .. لكن الأفضل الذهاب بها عند طبيب.. إذا شخصها ثعلبة .. شوفي علاجها في الطب البديل..

اسأل الله لها العافية .. شفاها الله وعافها.. وحمنا وأنتم من سيئ الأسقام..

اشكر لكم مروركم يا شهد الحربي وحلم الامان واشكر لكم تطييب خاطري بس مدري ليه خايفة اروح دكتور اخاف يتعبث فيها وهل من النظرة المجردة يعرف والا لازم تحاليل واشياء ؟ يارب مايكون ثعلبة !
والله كل ماشفتها ينعصر قلبي واتألم الم وكل شي ماله قيمة يصير ! يارب تشفيها وتعافيها وكل مسلم !

الله يشفيها و يا عسل روحي لأقرب اخصائية جلدية

عندها العلم الاكيد ان شاء الله

انا كنت اتابع في مستوصف خاص عشان حب الشباب

و كانت فيه بنوته عمرها حوالي 4 سنوات عندها ثعلبه الله يشفيها

و ما شاء الله امها متابعه و بدات تتحسن لا تهملي بنتك و ربي يوفقك و يشفيها لك

اقتباس:

المشاركة الأصلية كتبت بواسطة جوري1427 (المشاركة 2638830)

ياغاليه بعض الاحيان الواحد يخاف ..مده طويله ..وبعدين يكتشف اللي كان يخاف منه لايستحق..

روحي إكشفي عليها ..يعني عاجبك الحين حالك ..!!

وإن شاء الله يكون الامر بسيط ...

والله ياقلبي كنت آتمني آفيديك بخصوص آسلئتك بس ماعندي خلفيه...

لكن آكرر وآقول إكشفي لها آحسن ..وطميننا عليها..

ربي يسعدك

عليكم السلام والرحمه..
اعملي بنصيحه اخوااتي ,وروحي اقرب اخصاائي جلديه.. اذا انتي بالريااض يمدحون اخصائي جلدية بمستشفى الوطن ..

الله يحفظك لبنتك ويهديها لك ويرزقك برهآ,, وطمنينا ايش يصير معكم أول بأول..

الله يجزاكم خير على الكلام الطيب , اليوم رحت لدكتورة جلدية وقالت ان شاء الله ماتكون ثعلبة واعطتني كريم وبخاخ وقالت استخدمه لمدة خمسة ايام بعدين ارجع لها سواء طلع الشعر او ماطلع . اشكر لكم نصائحكم والله يشفيها وكل مسلم ! وعقبال ما ابشركم بشفاءها يارب !
الله ينولكم ماتريدون !