منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ابغى حل00 كيف اكون متبلدة الاحساس لكي تختفي غيرتي؟؟ (http://www.66n.com/forums/showthread.php?t=225141)

OMnonaa 24-06-2011 09:20 AM

ابغى حل00 كيف اكون متبلدة الاحساس لكي تختفي غيرتي؟؟
 
بسم لله الرحمن الرحيم

اسعد الله اوقاتكم بكل خير

ارجوا ان تكونوا بأتم صحة وأفضل حال وسعادة وراحة بال:22:

يازين راحة البال والله لانها بنظري اكبر نعمه يارب ترزقني راحة البال00


اعزائي مررت مع زوجي بسلسلة من المشاكل على مدى 9 سنوات

مرورا بالخيانه وتعدد العلاقات انتهاء بزواجه علي والحمد لله على كل حال

بعد زواجه لم اطيق العيش معه فمحالاتي باستمالته لي بائت بالفشل فلا شي لدي لاعطيه اياه00فستسلمت واعلنت الرحيل الى اهلي00
جلست عند اهلي سنتين وكان يحاول يرجعني وبالنهاية استخرت وشاورت وكان لابد لي من الرجوع00

((اللي تتزوج وترزق بعيال مالها الا تضحي بسعادتها من اجل عيالها:15:))

فلا مكمل لوجود الاب مهما حاولتي:30:

حاولت خلال السنتين اكون الام والاب لعيالي وهما ولد وبنت
فلم استطع !!

الخلاصه رجعت والحمدلله عرف خطائه واعترف بغلطه واعلن ندمه وتسرعه وتغير للأفضل بنسبة 75%

بـــــــــــــــــــــــــــــــس أنـــــــــــــــــــــــــــــا مو متقبله موووضوع زواجه ابد

ياعالم بموووت ابتقطع هلكتني وذبحتني الغيره والمقارنات وفتفتني القهر وربي لاشفت حاجه تخص عياله من زوجته 2 بيني وبين نفسي امووت قهر لدرجة احيان اعجز عن المشي00

حاولت وجاهدت بنفسي اقلل من غيرتي واتقبل واقعي ماقدرت00

حاولت اقنع نفسي انو هذا نصيبي واللي ربي كاتبه لي وان شاء الله مايجي من الله الا كل خير اقتنع دقايق وبعدها انهار في بكاء 00

ذبحتني الخيالات والاوهام بسبب اللي صدر من زوجي سابقا فلم تعد لدي ثقه فيه نهائيا
مااثق فيه فاقده الامان معه احس انو راح يخذلني وانو راح اشوف منو الاسوء وان حبه اللي جاي متاخر ماهو الا وقت بسيط ويرجع مثل اول واخص:29:

ابغى ارتاح من هالالم اللي بصدري !!

كيف اتقبل موضوع زواجه وكون زوجته جزءء من العيله؟؟
كيف اصفي ذهني واساير حياتي واكون طبيعيه منشان نفسي ومنشان عيالي؟؟
اهملت نفسي اربع وعشرين ساعه وبالي مشغول ؟؟
اصبحت كئيبه الحياه عندي لا طعم ولا لون ؟؟

مابي طرق تخليه يتعلق فيني رجاء مابي احد يجي ويقولي سوي له كذا وكذا:29:

ابغى انقذ نفسي اخاف يجيني شي من كثر القهر والتفكير ؟؟

بليززز اللي عندو نصيحه او دعوه لاتبخلوا علي فيها00

ودمتو بحب

OnlyHuman9 24-06-2011 10:49 AM

اختي اهتمي بنفسك خليك شوي انانيه لاحظي قلت شوي

سوي انشطه خاصه فيك اي شي اشغلي نفسك انا رجال واقولك اكبر غلط تسويه هو انك تقعدين 24 ساعه من دون ماتخصصين وقت لنفسك حتى الرجل يحب لو زوجته تنشغل شوي عنه مو دايم لاصقه فيه وراح تتفاجأين انك نسيتي وضعك وزوجته الثانيه واصلن ماراح يكون عندك طاقه انك تفكرين بالاشياء هذا انشغلي مع صديقات مع دورات مع اي شي
الاحساس مو زر داخل كل انسان تضغطينه وخلاص تصيرين متبلده
الفكره انه الناس طاقات انتي فرغي طاقاتك بمكان ثاني


وشي اخير
افهم صعوبه التعدد على النساء ولكن على الاقل اختي انتي عندك زوج وعندك ابناء غيرك ماحصل هالاشياء


الله يوفقك

OMnonaa 24-06-2011 11:25 AM

مشكووور اخوووي جزاك الله كل خير

والحمدلله على كل حال

كلامك بمحله بخصوص انو اشغل وقتي جالسه احاول بس التفكير متمكن مني ساعات اغلبه وساعات يغلبني

بخصوص صديقاتي هو معطيني اوامر بعدم زيارتهم برغم انو يعرفهم ويعرف اخلاقهم ولما سألتوا عن السبب يقول بس كذا شي بنفسي00

المتنفس الوحيد لي هو زياراتي لاهلي ونومي عندهم صرت اهرب من بيتي لبيت اهلي واجلس بالايام ترتاح نفسيتي وتستكن نفسي وانساه 00

وصار الموال عندي ذا اسبوعيا يعني اربع ايام ببيتي والباقي عند اهلي ادري انو غلط بس مااراتاح الا عندهم

اضافة الى ان زوجي فيه تسلط شووي يعيني مكالمات لصديقاتك لا خروج للسوق من غيري لا

ياحبه للاوامر منشان كذا ابات عند اهلي كثير 00

اتمنى اكوون قووويه وماياثر علي شي وامشي حيااتي طبيعي 00

مروج0 24-06-2011 11:42 AM

الله يبرد نار الغيره في قلبك وعلى قول اخونا اشغلي نفسك سجلي بتحفيظ القران لان من وجد الله ماذا فقد ومن فقد الله ماذا وجد وربي راح يكون عونك اسال الله لك سعااااااااااااااده وراحه بال

حالم مجنون 24-06-2011 01:31 PM

كيف مو حااسه بالأمان معاه وهو جالس سنتين يحاول فيك ترجعين؟؟؟
عيشي مع زوجك وأبنائك
اشغلي وقتك بالمفييد بالزيارات أو بمطالعة الكتب أو غيرها
توددي لزوجك كثييييييير (اجذبيه نحوك) كيد النساء...!!
أصلح الله حالك وسريرتك,,,,,,,,,,,

الوزن الثقيل 24-06-2011 03:35 PM

وبالعكس انا اشوووف زوجك انساان ثقيل وعااادل مع البيتين لاكن الغيره الي فيك هي التي تجعلك تشووفينه سي

اصلا كيف تغارين عليه من زوجته فاانتي زوجته وهي زوجته كلا منكم له حق وعليها حق
ه زوجه ثانيه
عيشي يووومك كنك متزووجته انتي بس انسي انه مع

موهبة الكويت 24-06-2011 04:23 PM

تعوذي من إبليس هذا كله وساوس الشيطان

انتي انسي انه متزوج وعيشي معاه كزوجة اولى ووحيدة

ولا تتنازلين عن حقوقج مهما كان

وبنفس الوقت لا تحطينه هو شغلج الشاغل


الله يصبر قلبج

كل الاسامي 24-06-2011 04:47 PM

اهتمي بنفسك وصحتك عشان نفسك انتي بس

OMnonaa 24-06-2011 07:42 PM

اقتباس:

المشاركة الأصلية كتبت بواسطة مروج0 (المشاركة 2640810)
الله يبرد نار الغيره في قلبك وعلى قول اخونا اشغلي نفسك سجلي بتحفيظ القران لان من وجد الله ماذا فقد ومن فقد الله ماذا وجد وربي راح يكون عونك اسال الله لك سعااااااااااااااده وراحه بال


يارب يعافيك ويوفقك واللهم آمين

والله لا يشغلنا الا بذكره وطاعته

مشكووره

OMnonaa 24-06-2011 07:47 PM

اقتباس:

المشاركة الأصلية كتبت بواسطة nan_bar (المشاركة 2640843)
كيف مو حااسه بالأمان معاه وهو جالس سنتين يحاول فيك ترجعين؟؟؟

شي طبيعي مو حاسه بالامان لانو كثير خذلني بسبب مشاكل سابقه وعمره ماصدق معااي واخذت مواقف منو كثير فشعوري بعدم الامان اكتسبته منو

عيشي مع زوجك وأبنائك
اشغلي وقتك بالمفييد بالزيارات أو بمطالعة الكتب أو غيرها
يارب ياكريم وربي احس اني عاجزه انجز او اسووي اي شي انشل تفكيري وصرت متخبطه كثير

توددي لزوجك كثييييييير (اجذبيه نحوك) كيد النساء...!!

تصدقين ماعاد يهمني ولا حتى افكر وشلوون اتودد له وقولت قبل مابي نصايح تحت مسمى اكسبيه وتملكيه!!
ابغى انقذ نفسي وبس اهم شي سلامة عقلي
حتى نومي متقطع واحلام مزعجه
أصلح الله حالك وسريرتك,,,,,,,,,,,

اللهم آمين وياااك

سعدت بمرورك وتعقيبك!!


الساعة الآن 09:29 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©